نوع البنزين المناسب لموتور الشاهين مو2001

[ayman sahin]

انا على طول بحط بنزين 90 للعربية بتاعتى وبعدين قرات فى احد المواضيع فى موقعنا المميز ان الفرق بين ال90 وال80 يكمن فى سهولة كسر الرابطة بين جزيئات الكربون او بمعنى انا بنزين 80 يصلح للمحركات ذات الموديل القديم وبالفعل مونت 80 لكن لم الاحظ اى تغيير فى سحب العربية وكفائتها او حتى صوت الموتور لكن لاحظت صوت كركرة تظهر عند كبس دواسة البنزين بسرعة اى دون تدرج ومكنش بيظهر الصوت دة من قبل رجاء افيدونى هل هذا الصوت الكركرو وليست هزة فى العربية واللى بتروح لما العربية تاخد سرعتها بسبب البنزين 80 ام لا ملهاش علاقة حد قالى دى اسطوانة العزم وهل شاهين 2001 بقالها 9 سنين بتتمون 90 ياثر عليها تغيير البنزين واسف على الاطالة ومستنى ردودكم .......شكرا

[ganash]

حضرتك الحركه دى حصلت من اول ما عملت ايه من اول ما مونت 80 صح يبقى العيب فى بنزين 80 على ما اعتقد وان شاء الله الاخوه يفيدوك اكثر

[فادى]

محرك الشاهين يناسبة بنزين 92 لأفضل اداء و ممكن بنزين 90 لن يشكل ضررا,
بنزين 80 لا يناسب الشاهين مطلقا, و صوت الكركرة دليل على ذلك,
الكركرة و اسمها العلمى (الصفع) هى ظاهرة تحدث على السرعات القليلة فى محركات البنزين عندما تنفجر غازات النهاية قبل موعد شوط الحريق, يتسبب ذلك فى حدوث انفجار لا يناسب طبيعة محرك البنزين المصمم أساسا لحريق هادىء بشكل موجات, و بالتالى يقل عمر المحرك بشكل درامى عند تكرار حدوث هذا الصفع, و لهذا السبب بالتحديد لا نضع بنزين 80 فى المحركات ذات نسبة الانضغاط العالية (مثل محرك الشاهين).
نصيحتى لك ابتعد عن بنزين 80 تماما للحفاظ على المحرك.

[ayman sahin]

الف شكر انا فعلا جربت وندمت وناوى اول تفويلا 90 تانى ان شاء اللة والتوفير يجى فى عمر الموتور