زنة غريبة

[kimolimo]

عندى سؤال يا جماعة انا معايا فيرنا عاملة 35000 وانا بقالى فترة بسمع زنة غريبة لما بشيل رجلى من على البنزين خصوصاُ لو ماشى على التالت و لما رحت أغير زيت قالولى ان زيت الفتيس كان مفروض يتغير من 5000 كيلو فغيرته الصوت خف شوية لكن لسه موجود تفتكروا ايه سبب الصوت ده ؟!

[mesho70]

هو الفتيس عندك اتوماتيك ولا مانيوال
زيت الفتيس المانيوال عندى تجاوز 65 الف كم وان شاء اغيرة وشكرا ً انك ذكرتنى والحمد لله لا اسمع صوت زنة وكيد 5 الاف كم زيادة مش هتعمل المشكلة دى
لو حضرتك بتسمع الزنة والعربية على السلانسية برضو يبقى شيل الكنبة الخلفية ولو الصوت على يبقى المشكلة فى طلمبة البنزين لانها موجود بالتنك اسفل الكنبة الخلفية وابقى غير فلتر البنزين لانة المفروض يتغير كل 10 الاف كم
وان شاء الله يكون موضوع بسيط

[kimolimo]

مانيوال و هجرب موضوع الكنبة ده و أقولك شكراً للرد

[mesho70]

كتيب الصيانة اللى مع حضرتك فية جدول يبين مواعيد التغيير والصيانة للعربية
ودة مهم جدا ً ويجب الالتزام بة فمثلا ً :-
- يستبدل فلتر الزيت كل 5 الاف كم
- يستبدل فلتر البنزين كل 10 الاف كم
- بوجوهات التوكيل الاصلية كل 30 الف ويفضل كل 20 الف
- زيت الفتيس كل 30 الف
- فلتر الهواء كل 15 الف ولكن ممكن تشوف حالتة وتغير على اساسها
وفى انتظار ردك عن سبب المشكلة

[badawy66]

انا عربيتي عاملة 31000 ومغيرتش زيت من ساعت مجبتها الشائع إن الزيت دة ميتغيرشي لاكن بيتزود بس . لاكن انا بغيرة كل فترة علشان امان مش اكتر من كدة . اي سؤال انا في الخدمة.