|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
|||
|
|||
السيارات الخليجى مالها وما عليها
انتشرت فى الفترة الاخيرة ظاهره السيارات الخيجى وان كان زمان برضو كان فيه عربيات خليجى بينزل بيها الموظفين فى دول الخليج معاهم من برة بس الوضع حالياً اختلف لان المعارض بقت توفر العربيات المستورده من الخارج ديه تحت اسم سيارات بمواصفات خليجية وكمان بتبقى اقل فى السعر من مثيلاتها اللى بتتباع فى التوكيل بخمس الاف جنية على الاقل مثلاً بعض المعارض بتدى ضمان هلامى عليها والبعض مبيديش اساساً والزبون بيتغر بكلمة مواصفات خليجية وفرق السعر
اول حاجة العربيات ديه مش بتبقى كلها خليجى بالعكس فيه عربيات بتيجى من الاردن ومن دول تانية خارج دول مجلس التعاون الخليجى فكلمة خليجى ديه مش مظبوطة خالص ثانياً مفيش حاجة اسمها مواصفات خليجية ولا مواصفات مصرية واذا كنا محتاجين عربيات دهانتها وتكيفاتها تستحمل الجو الحار عندنا فاحنا محتاجين اكتر عربيات عفشتها تستحمل الطرق العجيبة اللى عندنا والبنزين الاعجب المخلوط بالكيروسين مرة وبالمية ساعات كمان اعتقد ان العربيات الخليجى ديه حاجة مقلقة جدا ولازم ناخد موقف منها واذا كان فيه حد بيجيب العربيات ديه من برة بضمان حقيقى ومراكز خدمة كويسة يبقى كويس ولازم نعرف الناس بيه لاكن فى الغالب ده استثناء والاغلبية معارض مش كويسة ده راى شخصى معرفش انتوا رايكوا ايه
__________________
nikumarekko yo ni habakaru
الأعشاب الضارة هى التى تنمو وتزدهر لانسراوى مصراوى "جميع موضوعاتىحصرية لمنتدى مصر موتورز ولا اسمح بنقلها لاى منتدى اخر " |
#2
|
||||
|
||||
رد: السيارات الخليجى مالها وما عليها
شكرا على موضوعك
أحب اقول ان العربيات دى ملهاش ضمااااااان خالص و كمان مهندس الورشة أو الاستقبال بيعرف ان العربية دى مصرى او خليجى ان جازت التسمية عن طريق رقم الشاسيه و للأسف العميل بيتصدم لما بيعرف ان مفيش ضمان على عربيته
__________________
شارك دافع عن أفكارك
|
#3
|
||||
|
||||
رد: السيارات الخليجى مالها وما عليها
عندك حق يا نيسان وهشيموتو عندو حق
لكن انا ممكن اشترى امبيرزا خليجى احسن ما اشتريها من ابوغالى وممكن اشترى لانسر خليجى احسن من المصرية والماركات كتير لان فيه توكيلات لامنها ولا كفاية شرها فالناس بتبيع التوكيل وتستفيد من فرق السعر وسعات كماليات اعلى وبتتكل على ان العربية يابانى وبتشترى الخليجى وخاصة فى ماركة زى الانسر صاحبها مش هيغلب فى حاجة حتى لو فيها فار عنده القلب ptmnlo123per145 اللى اقصد اقولة ان العربيات الخليجى حل بديل فى السوق واعتقد ان ليه دور فى الضغط على التوكيلات لتحسين الخدمات والاسعار |
#4
|
||||
|
||||
رد: السيارات الخليجى مالها وما عليها
هاكلم من وجهة نظري كمستهلك مينفعشي اشتري عربية بكام الف تحويشة عمر من غير ضمان و حتي لو هاعمل كده ميكونشي مثلا في عربية زي اللانسر فرق السعر بين التوكيل و الخليجي كلام فاضي لكن مثلا ممكن يكون في عربية زي الاوكتافيا و الجيتا و الباسات و البيجو 307 فرق السعر بيوصل ثلاثين الف جنيه و برده ساعتها هاكون حاطط ايدي علي قلبي اولا ليظهرلي عيب يكلفني اكتر من التلاتين الف اللي وفرتهم ،، ثانيا اني هاحس اني لقيط مش عارف عربيتي اعملها صيانتها و قطع غيارها الصح فين خلينا نتفق علي حاجة تانية برده كلمة الضمان نفسها ليها شق اخر التوكيل بيستفيد من الضمان لانه بيلزمك انه تعمل صيانه عنده و اعفن توكيل بياخد بس مصنعية مش اقل من 100 جتيه بس في تغيير الفلتر و الزيت و الحسابه بتحسب فاللي يقول التوكيل الفلاني عامل ضمان خمس سنين او او يعمل في حسابه انك هتقعد خمس سنين تكع للتوكيل عشان تحافظ عالضمان يعني التوكيل بيستفيد من الضمان غير ان كل ما المدة تطول امكانية اثبات عيوب الصناعة هتقل انا مثلا في عربيتي استفدت من الضمان لاقصي درجة و غيرت حاجات كتير بس لو حسبتها هالاقي نفسي لو كنت بعمل الصيانات بره فرق الفلوس اكتر من الحاجات اللي غيرتها عالضمان و كان فيه مهندس صديقي شغال في غبور ،، قلي انهم عملوا احصائية لقوا ان اغلبية السيارات بتتوفق عن الصيانة في المراكز المعتمدة بعد الاربعين الف كم و ده كلام منطقي لان مثلا عشرين الف كم فترة كفاية لظهور عيوب الصناعة ،، و معناها ان غالبا العربية حالتها مستقره فالحل المثالي من وجهة نظري ،، و مستخدم في دول كتير هوا الغاء نظام التوكيل الوحيد الأبدي للماركة الفلانية و استبداله بنظام الموزعين المعتمدين ،، كذا موزع لنفس الماركة و ده بيخلق تنافس في الاسعار و الخدمة و المواصفات و في نفس الوقت يضمن حق العميل مثلا هيونداي في السعودية ليها تقريبا ثلاث موزعين في كل منطقة من المملكة و تلاقيهم في المنتديات السعودية ،، كل كلامهم انه عربية مواصفاتها احسن عند انه موزع ،، و مين احسن سعر و مين افضل خدمة |
#5
|
||||
|
||||
رد: السيارات الخليجى مالها وما عليها
أعتقد العربيات الخليجي وسيلة ضغط قوية للضغط علي التوكيلات و استغلالهم
و بعدين كتير من العربيات الخليجي بيتعمل لها مركز صيانة عند المستورد و كمان في ورش متخصصة في الماركات المنتشرة غير التوكيلات بصراحة أي حاجة تغير الفساد و تحرر السوق ماشي أنا أعرف واحد كان عنده لانوس و بعدين جاب لانسر خليجي و سألته قاللي أنا ماستفدش من التوكيل قبل كده ، ليه ادفع فلوس زيادة تاني و دليل نجاح الفكرة انتشار السيارات الخليجي في مصر حتي الآن وده لضعف الخدمة المقدمة في التوكيلات المعتمدة
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
|