مخالفه الاكصدام المعدن فى الماتريكس

[shahy_2006]

مساء الخير
انا كنت عايزه استفسر انا اتسحبت رخصتى علشان خاطر الاكصدام المعدنى فى الماتريكس محطوطه من كل الجوانب ياترا انا اروح المرور هو انا لازم اشيل الصدادات واروح المرور ولا هما هايخدوا الصدادات ولا ايه بالضبط والغرامه هتكون فى حدود كام انا على فكره تبع مرور محرم بك الاسكندريه
هو مكتوب فى الوصل مخالفه دعامات خلفيه واماميه
ميــــرسى جدااا

[hazem_khidr]

حتروحي تدفعي المخالفه
اما لو الضابط سحب الرخص علشان تفحصي العربيه
يبقي تفكي الصدادات الاول و بعدين تفحصي العربيه في المرور من غيرها
اما حكايه انهم ياخدواها فدا ما بيحصلش و لو حد قالك حناخدهم اوعي توافقي لانه مش من حقهم.
بالنسبه للغرامه ماعنديش خلفيه
لكن حتبقي في حدود من 100 الي 300 جنيه

[shahy_2006]

ميرسى جدااااااا للرد جزاك الله كل خير

[horas3000]

حضرتك هو اللي وقفك سحب الرخص علي طول كده و لا طلب منك التصالح الفوري و انت رفضتي
لاني شخصيا اتوقفت مرتين بسبب الدفندر قبل كده و اتصالحت فوري ب 50 جنية

عموما لو رخصتك اتسحبت لاعادة فحص يبقي زي ما حازم باشا قالك
لكن لو معاكي واسطة يبقي ممكن تخليهم و الاحسن يتثبتوا في الرخصة عشان تخلصي

[Ahmed_lol2007]

يا شريف باشا ازاى يوقفوك على الديفيندر دة هو العربية كانت جمرك ولا ملاكى