#1
|
||||
|
||||
أخر تطورات أسبرانزا M11 المجنونة
العربية عاملة بالظبط معايا حاليا 9000 ك أيه بقي أخر الأخبار هقولكم بمنتهي الصراحة والأمانة العربية نفس الثبات ونفس القوة ونفس الفخامة ونفس السرعة والحمد لله موش بشتكي من صوت تزيق او لسة عندي مزيقتش ههههههههه المهم أول حاجة لمبة الفرامل بتنور كتير جدا وبتقول ان في مشكلة في الفرامل قالولي في صيانة أبو غالي في طومان باي ايه المشكلة قولتلهم المشكلة أن الفرامل ضعيفة وبتصفر بصوت عالي جداااا ورخم أوي أوي قالولي غير التيل تمام نغير التيل التيل أتغير وتمام التمام أكتشفو وهما بيغيرو التيل أن التيل سليم ويعيش سنة كمان قولت أحمدك يارب وفرتلي 2000 جنيه تيل ماشي نضفو التيل وغيرو زيت الفرامل او زودوه ومشيت الفرامل ضعيفة جدا وأضعف من الأول لمبة الفرامل شغالة بأستمرار بتقولي في مشكلة الصفارة رجعت تاني ماشي انا ماشي بيها دلوقتي فيها عيب فرامل موش معروفله حل طيب التكييف بقي وده الأهم بقالي دلوقتي شهر كامل تكييف العربية بايظ موش شغال عشان قالو في التوكيل محتاج ساربنتينة خارجيه والساربنتينة دي باين هيستورودوها من مدغشقر موش موجودة ولا في الفرع الرئيسي ولا في اي توكيل ولا بتباع في العتبة حته وسمعت أن درجة الحرارة يوم الجمعة الجايه هيكون 40 وانا والله العظيم بشتغل يوم الجمعة يعني هكون في طريقي من شبرا لمدينة 6 أكتوبر في درجة حرارة 40 الساعة 2 الظهر وربنا ده معاد شغلي هكون ماشي بعربية زيرو ب75000 جنيه معملتش غير 9000 ك وأستخدام حوالي 4 شهور فقط داخل القاهرة وفيها مشكلتين من أهم المشاكل الي مشوفتهاش في عربيتي المستعملة طيلة 3 سنوات أستخدام مشكلة الفرامل ومشكلة التكييف عموما أنا قدمت شكوي في جهاز حماية المستهلك وأخدت رقم الشكوي وبعتلهم بالفاكس كمان صورة من الضمان ومتابع معاهم الموضوع وأن شاء الله أخر حاجة هعملها أنا ومجموعة أسبرانزا M11 الي عندهم نفس المشكلة أقتراح هقدمو بس هيكون أخر حل وهو هناخد عربياتنا الي فيها مشاكل كتير الصيانة موش بتحلها ونروح نرمي العربيات قدام جهاز حماية المستهلك وهنرفع قضية كبيرة بتغطية أعلامية زي التجمهر كدة وموش هندفع كمان الأقساط بتاعة العربية الا في حالة أخدان حقنا من جهاز حماية المستهلك ودي أخر التطورات وسوف أتابعكم دوما بالجديد في حالة عدم طردي من الموقع هنا عشان لما بشكر في العربية بلاقي مشاركاتي في الصفحة الأولي ولما بشتكي من العربية بطرد ههههههه او موش بلاقي مشاركتي أساسا وشكرا وسلام عليكم
|
#2
|
||||
|
||||
رد: أخر تطورات أسبرانزا M11 المجنونة
بأذن الله لن تطرد ولا حاجة المنتدى هنا اعضاؤة كلة ومشرفية محترمين الحمد الله
نصيحة مهمة اوعى تسيب حقك ولو فى اى حاجة صغيرة ب 50 جنية حتى انت دافع فلوس واتزم تاخد خدمة على قد الفلوس انت دافع 75 الف جنية مش مبلغ قليل يعنى والى مش قد انة ينزل عربية بمستوى جودة متميز يبقى لازم يتحمل النتايج والكلام ليك يا ابو الفتوح ربنا يهديك ويهدينا جميعا |
#3
|
||||
|
||||
رد: أخر تطورات أسبرانزا M11 المجنونة
شكرا يا سيدى الفاضل على هذة الشفافية المحترمة بالنسبة لمشكلة التكيف حلها عندى بأذن اللة المشكلة دية موجودة فى أى عربية شيرى لان سربنتينة التكييف فيها عيب صناعة وهو ردائة الخام المصنعة منة فتجد السربنتينة سريعا ما تتلف حتى ولو تم تغيرها ( بتملح ) يبقى الحل اية تسيبك خالص من التوكيل لان السربنتينة الجديدة هاتعمل نفس الموضوع ومش هتستفيد حاجة غير خسارتك لثمن الفريون وتعمل واحدة عمولة عند واحد بتاع ريداتير محترم أرخص حوالى 600 جنية انظف ولو صنايعي جامد هيديك ضمان من ثلاث الى خمس سنوات الكلام دة عن تجربة شخصية وشكرا
|
#4
|
||||
|
||||
رد: أخر تطورات أسبرانزا M11 المجنونة
طب ياريت تقولي لو عملتها برة كدة موش هخرج برة الضمان ويعملولي فيها بعد كدة قصة اني عملت شغل في الساربنتينة برة والساربنتينة مخرمة علي الماتور والحركات دي وياريت عشان تفيدني وتفيد غيري تحط عنوان او رقم تليفون يوصلنا للشخص العبقري الي ممكن يحل المشكلة ويركبلنا سربنتينا محترمة للأفادة ليه ولينا كلنا وشكرا ليك علي المداخلة
|
#5
|
||||
|
||||
رد: أخر تطورات أسبرانزا M11 المجنونة
واللة أنا مش عارف مشكلة الضمان دية أية ظروفها بس أعتقد أن الحكاية مش هاتبان لأن السربنتينة بتبقى مدارية واللة أعلم وبالنسبة لعنوان الصنايعى هو أسمه الحاج جمال سونة فى شارع السوق وقريب جدا من أولاد رجب .وشكرا
|
الكلمات الدليلية |
اسبيرانزا m11 |
|
|