قار يعلق بعجلات سيارتى - ما الحل؟

[أشرف الشفقى]

كنت راجعاً إلى مدينة نصر من مدينة الرحاب آخذاً طريق السويس منذ بضعة أيام وكانوا يقومون برصف جزء من الطريق قبل منطقة 4 ونص وقد مشيت خطء وراء بعض السيارات فوق جانب من الطريق كان القار (القطران، الزفت) مازال فيه طرياً والمفروض أن المرور كان ممنوعاً فيه، ولكن بسبب زحمة الطريق لم نلاحظ واندفعنا فى هذه المنطقة التى تحتوى أرضها على القار الذى لم يجف بعد.

استأت جداً من خطئى هذا حيث شعرت أن العجلات يعلق بها القار الرطب وتعانى السيارة فى المشى ولاحظت سوط العجلات التى بها القار العالق حتى بعد اجتياز المنطقة تلك.

قلت فى نفسى لعلى بعد أن أمشى مسافة طويلة يذهب القار من طلقاء نفسه، ولكنى فى اليوم التالى عندما قمت بقيادة السيارة شعرت بأن السيارة لا تسير بالسرعة المعتادة وكأن شئ ما يشبط من قدرتها على الانطلاق وشعرت أن العجلات ما تزال تعانى من ذلك القار الذى علق بها فى اليوم السابق.

السؤال: هل السير فوق القار السائل يسبب مشكلة للسيارة مثلاً كالمساعدة على محو العلامات الموجودة فى العجل. والسؤال الثانى: إذا كان السير فوق القار السائل يسبب مشكلة للعجلات وللسيارة فهل هناك حل وما هو (غير تغيير الإطارات بالطبع)؟

محتاج حد خبرة يدلنى أعمل إيه.

[hazem_khidr]

ولا تقلق خالص
حيروح لوحده مع المشي و الاحتكاك و سخونيه الطريق
ولو فيه بقايا علي جسم العربيه ممكن تمسحها ببنزين او تروح المشحمه حيتصرفوا معاها

[احمد على 1999]

فعلا زى ما قال الاستاذ حازم
و انا بالفعل حصل معايا الموضوع ده كتير و جبت شوية جاز من البنزينة و مسحت بيه القطران بيخليه يسيح و بيطلع بنسبة 100 فى ال 100

[بدر بسيونى]

المشاركة الأصلية كتبت بواسطة hazem_khidr ولا تقلق خالص حيروح لوحده مع المشي و الاحتكاك و سخونيه الطريق ولو فيه بقايا علي جسم العربيه ممكن تمسحها ببنزين او تروح المشحمه حيتصرفوا معاها

بالظيط هو ده اللى المفروض يتعمل وكلام سليم مليون فى الميه

نفس الكلام ده حصل معايا وانا جي من البلد المنيا طريق الصحراوي الغربي والطريق كان مليان زفت سايح عربيتي لونها ابيض نزلت بصيت عليها لقيت العربية بقا لونها كله اسود ما عدا السقف المهم جريت بيها وخليت الواد عندي في الجراج غسلها غسله معتبره وراح الزفت ورجعت عربيتي بيضا تاني