استفسار للسادة الفرناويه

[acer]

ptmnlo123per111انا اشتريت فيرنا كامله وعملت صيانه الالف الحمد الله المشكله فى انى وانا باعمل الصيانه سالت على الضمان بتاع العربيه قالوا ليه دة فى ادارة الضمان تيجى اى يوم من الاحد الى الخميس بصورة الرخصة تاخد كتيب الضمان بعت واحد النهاردة علشان يجيب الضمان قالوا ليه الاتى الضمان تاخدة من المعرض اللى اشتريت منه لانه بيبقى مع العربيه واتصلت بالمعرض قالوا ليه لا انت بتاخدة مع صيانه الالف
اللى انا بقى شايفه ان الشركه دى اسلوبها فى ريحه نصب لان بجد فى اعلان الجرايد اللى مالى الجرايد مكتوب مرايات كهرباء ومفيش مرايا كهرباء الكتالوج مكتوب فيه اير باج وفرامل اية بى اس ومفيش الكلام دة
انا من راى وعبر هذا المنتدى الرائع ان احنا كل اصحاب الفيرنا الكامله نحاول نشوف طريق مع جمعية حمايه المستهلك علشان الحاجه اللى مش موجودة فى العربيه ونازله فى الاعلان بتاع الجرايد وهى مرايات كهرباء والباقى الموجود فى الكتالوج ومش موجود فى العربيه وياريت حد يقول ليه اعمل ايه فى حوار الضمان دة ومعلش على الاطاله بس بجد محروق دمى

[badawy66]

موضوع الضمان دة محتاج ايضاح :
1- التوكيل مبيطلبشي كتيب الضمان لانه بيعتمد على عداد العربية (ودية في فروع الشركة فقط الى هيا في ابورواش و قليوب ) دة بالنسبة للقاهرة .
2- عند زيارة اي مركز خدمة معتمد من غبور هيطلب كتيب الضمان علشان يختمة عكس ابورواش وقليوب بيايد الصيانة على السيستيم عندة وبتظهر فور ادخال رقم الشاسية و الموتور واسم العميل .
فمتقلاقشي لو مفيش كتيب ضمان اعمل الصيانة في قليوب او ابورواش وريح دماغك .
بالنسبة لموضوع الكماليات غبور لاغي حجات كتير اوي من العربيه اهمها الـABS ودة الي مخلي سمعت الفيرنا وحشة فانا بال حضرتك متتعبشي نفسك مع الشركة وحاول تركب الكماليات الى انت عاوزها بنفسك . ارجو ان اكون افدت .

زي ما قال الاستاذ بدوي بالظبط متقلقش من موضوع الضمان ده لانهم مش بيطلبوه منك لان بياناتك متسجله عندهم في الكمبيوتر وبالنسبة لموضوع الكماليات اللي مش موجوده في العربية ديه انتا محتاج حملة توقيعات زي بتاعت البرادعي لان في مصر اكتر من مليون واحد معاه فيرنا ومحدش فيهم اتشتكي من النقطة ديه وتقبل تحياتي

[مظهر صفوت]

المرايات الكهرباء ومصابيح الشبورة فى الفيرنا الكاملة اوتوماتيك فقط!!! معلهش كان لازم من الاول تعرف امكانيات الموديل لان مش كل اللى مكتوب فى الكتالوج هاتلاقيه فى الموديل لان الكتالوج عام لكل (الفيرناوات) يعنى ييجى قدام الabsيكتبلك اذا كان موجود فى موديلك او بالانجليزىif instaledوكذلك امام الairbagوالمرايات الكهربائية ومصابيح الضباب والمساحات الخلفية ومذيب الصقيع والاريال الكهربائى......لكن سيبك انت انا اهنيك على السيارة لانها اختيار موفق ومش هاتندم وكل يوم هايزيد اعجابك بيها وهى فعلا افضل سيارة فى الفئة السعرية دى ومهما حاولوا بالانوس واللوجان برضه الفيرنا مكتسحة,وان شاء الله تكون قدم السعد عليك

الله عليك يا استاذ مظهر قولت كل اللي كان نفسي اقوله من زمان وتقبل تحياتي