عايز رائيكم فى المتسوبيشى المكواه

[shakh]

عايز اعرف رائيكم فى المتسوبيشى لانسر " المكواه " 2001 -2002 - 2003


عايز اعرف مميزاتها و عيوبها ؟

و هل ان هى 1300 سى سى يبقى كدة عزمها قليل ؟


مستنى رودكم

[els3edy]

العربية ده بالذات من العربيات الحلوة جدا في موديلات اللانسر حتي انا قريت مرة في موقع لانسر انها في ايابان اسمها ( لؤلؤة القرن ) المهم العربية فعلا مميزاتها انها في كل الكماليات اللي تتخيلها وكمان انها كاربراتير يعني مشاكل الانجكشن والرشاشات والكمبيوتر مش موجودة. وكمان ممكن لو الدنيا زنقت معاك ماديا لاقدر الله ممكن تحط بنزين 80 وتظبط الكهربا وتبقي زي الفل. الموتور 1300 مش ضعيف ولا حاجة وبالاخص المانوال فيها وممكن مع التكييف بتكن او بتهدا شوية ( بس مش بتموت يعني زي مالناس فاكرة يعني عادي ممكن 12 و 140 مع التكييف. اخيرا فعلا انصحك بيها حتي لو حد قالك بتمنها ممكن تجيب بومة 2006 او 2007 قارن انتا ازاي بتمن عربية 2001 اجيب بومة شكل جديد مو 2006 ده دليل انها ماسكة سعرها ومطلوبة وفي الاخر ربنا يوفقك وتبقي تبلغني وصلت لايه عشان اباركلك عليها قريب ان شاء الله

[hazem_khidr]

عربيه كويسه زي ما قال الصعيدي
و شكل معقول جدا
مشكلتها الوحيده ان قطع غيارها اقل من البومه بالطبع

[els3edy]

المشاركة الأصلية كتبت بواسطة hazem_khidr عربيه كويسه زي ما قال الصعيدي و شكل معقول جدا مشكلتها الوحيده ان قطع غيارها اقل من البومه بالطبع

شكرا ياحازم باشا علي تاكيد كلامي وعلي فكرة الكلام ده انا اخده منكو لما كنت لسة بسالكو ع7نها قبل مااشتري واقتنعت وجبتها الحمد لله وربنا وفقني في واحدة كويسة الحمد لله واتاكد منه اكتر بعد ماجبتها ولما لقيتها فعلا عمالة تنتشر في البلد اللي انا ساكن فيها وتمنها ماسك علي حد معين بس عايز افهم يعني ايه ( قطع غيارها اقل من البومة ) مش متوفرة يعني مثلا ؟؟؟؟؟؟؟؟؟