عندي استفسار بخصوص لوجان المغربيه

[exart2u]

أنا ليَّا واحد صاحبي من المغرب هوا نازل اسبوع وراجع وكنت قايلو انو يشوفلي الرينو لوجان عمله كام هناك بس اتفجأت من السعر اللي هو قالهولي 25000 ألف جنيه للعاديه اللي من غير حاجة خالص وده كان سعر المصنع طيب أنا اتفقت معاه انو يجبلي واحدة وهو نازل بس الفول أوبشن إيه ظروف الجمارك والضرايب ويه ظروف التوكيل لو حصلتلها حاجة
ولو عايز أعمل صيانة ال5000 التوكيل هيحاسبني ازاي مع العلم إن العربية هتيجي عن طريق النقل الجوي وعلى أساس إنها بتعتو

موضوع التوكيل ده انتا وحظك ممكن يدخلوها في الضمان بتاعهم وممكن يقولولك بالسلامه وثانيا هتلاقي نفسك دفعت قد تمنها اللي هنا ممكن اقل الفين ولا تلاته بس هتلاقي نفسك دوخت السبع دوخات هاتها من هنا وريح دماغك

[exart2u]

مش فاهم المفروض إن العربيه معلهاش جمارك والمفروض إني هدفع 15% ضرايب مبيعات

[ringoo]

نصيحة منى اتأكدت من السعر الاول ... لان اقل فئة لوجان فى المغرب ب 72200 درهم اى ما يعادل 48000 جنيه مصرى ومانور 1400 مش 1600
وربنا يبعد عنك اى شر باذن الله

[ahmed turbo 1]

تنتمى لوجان للتعريفه الجمركية الأولى ( تحت 1600 cc ) وهى التى تشمل دفع 61% من قيمة السيارة وتفصيلها كتالى :
جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)
وما حدث فى طيات إتفاقية أغادير هو خصم نسبة الـ 40% فقط من القيمة الإجمالية لتلك الشريحه أى انه تم تخفيض مصروفات دخول تلك السيارة من 61% من سعر الفاتورة إلى 21% من نفس السعر أى أنه السيارة ليست خالصة الجمارك تماماً كما يدعى البعض وبعملية حسابيه بسيطه سنجد أن سعر رينو لوجان يساوى >> 9477 +قيمة نسبة 21% والتى تساوى = 1990 ليصبح الناتج 11460 دولار أمريكى وأذا كان سعر الدولار حالياً 5.6 جنيه إذا الناتج بالجنيه المصرى هو 64215 جنيه وهذا هو سعر أعلى فئات لوجان فعلياً إذا تم إسترادها من المغرب .