سؤال لخبراء الانسر

[ramy01011]

معروض عليا عربية لانسر 2008 فبريكة برة و جوة هي 1300 مانيوال فل اوبشن معروضة عليا ب 74 الف هي ماشية 60 الف كيلو فيا تري السعر ده حلو و لا لا ؟ سؤال كمانهي فل اوبشن بس ما فيهاش لا اسبويلر و لا جنوط و مافيهاش مسند بين الكراسي اللي قدام هي 4 زجاج كهرباء و تكيف و باور و مرايات كهرباء و المقابض و المرايات نفس لون العربية هي تبقي كدة فعلا فل اوبشن ولا فيه في ال1300 مانيوال موديل 2008 حاجات اعلي ؟ سؤال اخير كمان معلش هو ينفع اركب لها المسند اللي ما بين المراسي اللي قدام اصلي و كمان اسبيلر و لو ينفع يبقي في الوكيل و لا برة ارخص ؟

[fouad19852002]

هو بالنسبه للسعر أعتقد انه كتير عشان العربيه عامله 60 ألف كيلو انا عربيتى 2008 1300 مانويل عامله لحد دلوقتى 20 ألف كيلو بس برضو شوف الردود بتاعت الاعضاء عشان انا مش خبير أوى فى البيع و الشراء ,وبالنسبه للكامليات فى 1300 أعلى, بالنسبه للمسند والاسبيلر ركبهم بره أرخص أنا أخر مره سألت على المسند كان ب 250ج أستيراد يعنى مفكوك من عربيه بس ضور على واحد ميكونش متبهدل و الاسبيلر فى أستيراد بس بيبقا غالى شويه بس مش زى التوكيل وفى عند بتوع الكامليات رخيص بس انتا ألي بترشه

[ramy01011]

المشاركة الأصلية كتبت بواسطة fouad19852002 هو بالنسبه للسعر أعتقد انه كتير عشان العربيه عامله 60 ألف كيلو انا عربيتى 2008 1300 مانويل عامله لحد دلوقتى 20 ألف كيلو بس برضو شوف الردود بتاعت الاعضاء عشان انا مش خبير أوى فى البيع و الشراء ,وبالنسبه للكامليات فى 1300 أعلى, بالنسبه للمسند والاسبيلر ركبهم بره أرخص أنا أخر مره سألت على المسند كان ب 250ج أستيراد يعنى مفكوك من عربيه بس ضور على واحد ميكونش متبهدل و الاسبيلر فى أستيراد بس بيبقا غالى شويه بس مش زى التوكيل وفى عند بتوع الكامليات رخيص بس انتا ألي بترشه

شكرا لسرعة الرد حضرتك قلت ان فيه كماليات في 1300 موديل 2008 مانيوال اعلي ممكن اعرف زي اية و حضرتك بتقول ان معاك عربية 1300 ممكن اعرف رأي حضرتك في العربية دي عموما اية ؟

[fouad19852002]

وانا بشترى العربيه كان فى 1300 glx بتبقا فييها جنوط وعتب جانبى و فوانيس شبوره ومسند و الكنبه زى بتاعت الكاملة كانت ب 92 ألف و بتعتى جبتها gl كانت ب 89 ألف بس دلوقتى الاسعار أكيد أتغيرت , وبالنسبه للعربيه انا شايف انها كويسه جدا أقتصاديه فى البنزين و حلوه مش بتتأثر لما تشغل التكيف وعفشه ممتازه وسحبها حلو بس لو جنبك عربيه 1600 هتحس بالفرق طبعا ولو سقت برضو ال 1600 هتحس بفرق كبير وبالنسبه للأعطال الحمد للة العربيه بقلها معايا 3 سنين مش بعمل فيها حاجه غير زيت وبنزين وتربيط عفشه عشان طبعا انت عارف الطرق بتعتنا عمله ازاى ولسه أمبارح مغير تيل فرامل بس مغيره عشان انا رجلي تقيله شويه على الفرمل

وتحت أمرك فى اي حاجه وياريت اكون فدتك بخبرتى القليله دى وفى هنا أعضاء خبرتهم أعلى مني بكتير

[ramy01011]

المشاركة الأصلية كتبت بواسطة fouad19852002 وانا بشترى العربيه كان فى 1300 glx بتبقا فييها جنوط وعتب جانبى و فوانيس شبوره ومسند و الكنبه زى بتاعت الكاملة كانت ب 92 ألف و بتعتى جبتها gl كانت ب 89 ألف بس دلوقتى الاسعار أكيد أتغيرت , وبالنسبه للعربيه انا شايف انها كويسه جدا أقتصاديه فى البنزين و حلوه مش بتتأثر لما تشغل التكيف وعفشه ممتازه وسحبها حلو بس لو جنبك عربيه 1600 هتحس بالفرق طبعا ولو سقت برضو ال 1600 هتحس بفرق كبير وبالنسبه للأعطال الحمد للة العربيه بقلها معايا 3 سنين مش بعمل فيها حاجه غير زيت وبنزين وتربيط عفشه عشان طبعا انت عارف الطرق بتعتنا عمله ازاى ولسه أمبارح مغير تيل فرامل بس مغيره عشان انا رجلي تقيله شويه على الفرمل وتحت أمرك فى اي حاجه وياريت اكون فدتك بخبرتى القليله دى وفى هنا أعضاء خبرتهم أعلى مني بكتير

ربنا يباركلك فيها ويكفيك شرها بجد متشكر جدا لحضرتك طبعا افدتني شكرا للمرة التانية