|
#1
11-04-2010, 12:29 AM
|
|||
|
|||
|
تويوتا ياريس 2010 أو أوبترا أو الانترا
السلام عليكم , دي أول مشاركة ليا في المنتدي وأتمني تكون بداية خير لأني بجد حاسس أن المنتدي في كمية معلومات مش موجودة في أي مكان أنا مش عارف أزاي عمري ماسمعت عنه قبل كده كان أخري كونتكت كار ومكونتش بلاقي معلومات تشدني .
أنا معايا عربية نيسان صني 2001 مانيوال وبصراحة عربية بتاعت شغل ومبتشتكيش وبتستحمل بهدلة عن عربيات كتير أنا عايز أشتري عربية جديدة أتوماتيك والمبلغ 100000 والعربيات الموجودة في الرينج ده : 1- شيفروليه أوبترا (محدش نصحني بيها لأنها بتاكل بنزين ونفس موتور النوبيرا وبالتالي نفس المشاكل) 2-هيونداي الانترا (الباور كهرباء مش زيت وخفيف جدا علي حسب ماسمعت من أصحابي علي السرعات العالية) 3-تويوتا ياريس(كتير بشكروا فيها وسألت علي الأوتوماتيك 1300 هتكون العربية ضعيفة زي اللاننسر اللي اتقالي 1300 في التويوتا أقوي بكتير من اللانسر غير كده راكب تويوتا وأقتصادية في البنزين) ياريت أعرف رأيكم ايه المزايا والعيوب وتنصحوني لأن معنديش خبرة في العربيات شكرا 
|
|
#2
11-04-2010, 02:47 AM
|
||||
|
||||
رد: تويوتا ياريس 2010 أو أوبترا أو الانترا
بص يا استاذ احمد انا حكلمك عن اليارس عشان مع واحد صاحبي وبركبها معاه كل يوم لمده 3 سنين
1- العربية واسعه جدا سواء في الامام او في الكنبة الخلفية وشنطتها كمان واسعه كنا بنركب فيها 5 مستريحين ماشاء الله عليها 2- العربية بالامانه موتورها مش ضعيف واحنا شباب وبنحب الجري وخلافة العربية تجميعها كويس وخصوصا لما تسقط تاني او ثالث ( اوتوماتيك ) 3- العربية ثباتها كويس جدا لحد الـ 160 مش خط مستقيم سافرنا بيها كذا مرة القاهرة 160 وثبات معقول بس هي عشان عاليه حبتين تحس انها بتميل في الملفات لكن ثابته 4-العربية بتشم البنزين شم اقتصاديه جدا 5- التكييف بتاعها للامانه مش قوي اوي ولو العربية مركونة في الشمس حتاخد وقت لحد متحس بالتكييف حوالي 12-15 دقيقة 6-العربية عفشتها مريحه ومش ناشفة حتي في السفر والقاعده الطويلة فعلا مريحه 7-خامات التابلوه مناسبة لفئتها والتقفيل ممتاز 8- العربية عاليه عن الارض حتي بكامل حمولتها وده مناسب لمطبات بلدنا المحروسه 9- العربية ابعادها مش واضحه قوي حتاخد وقت علي ما تتوعد عليها 10 - اعتماديه عاليه جدا واعطالها تكاد لا تكون موجوده سوي الصيانة الدورية 11- قطع غيارها موجوده كتير بره التوكيل 12 - العربية فراملها قوية 13- عزل الكابينة مش قوي لأن الموتور موجود جوه الكابينه تقريبا يعني تسمع صوت الموتور فوق ال 3000 rpm وخصوصا في الشد وديه كانت حاجه ممتعه بالنسبة لي عشان تحس ان الموتور بيزمجر وتحس بقوته متحسش انه 1300 ابداش 14- الموتور مزدوج الحقن ده بيعطي توزيع اكبر للبنزين داخل الموتور وبيحقق اقتصاديه في الاستهلاك في تبقي قويه وموفره في نفس الوقت  مش عايز ادخل في تفاصيل تخضع للاذواق عشان ديه بتفرق من واحد للتاني زي شكلها وموضوع ان العدادات في النص وان كراسيها من جوه عاليه (ناس بتقول تحس انك قاعد في ميكروباص بس انا بالنسبالي كانت مريحه جدا) وفي الاخر كلها اذواق
|
|
#3
11-04-2010, 02:22 PM
|
|||
|
|||
|
رد: تويوتا ياريس 2010 أو أوبترا أو الانترا
شكرا علي الأضافة بجد أنت قولت معلومات محدش قالها قبل كده وبالنسبة ان العدادات في النص مش شايف ان فيها اي مشكلة بس لو ممكن تفيدني ياريس 2010 موجودة ولا مش هتنزل تاني ؟
|
|
#4
11-04-2010, 03:45 PM
|
||||
|
||||
|
رد: تويوتا ياريس 2010 أو أوبترا أو الانترا
انا مش متاكد يا باشا من الموضوع ده بس حسألك في الموضوع ده وارد عليك
|
|
#5
12-04-2010, 03:51 AM
|
||||
|
||||
رد: تويوتا ياريس 2010 أو أوبترا أو الانترا
|
 |
|
|
