السخونه فى اسكودا فليشيا 97 glx

[dr.kero]

عندى مشكله فى عربيتى الاسكودا فيليشيا موديل 97 وهى السخونه الزائده روحت عند كهربائى ركبلى كتاوت للمروحه وغيرلى الترموستات خلاه 2 طرف مش 3 وبقيت اجيب ترموستات الفيات والعربيه برضه بتزيد عن 90 واول ما اشغل التكييف العربيه ممكن توصل ل 110 . لوحد كان عند المشكله دى وعرف يحلها ياريت يساعدنى

[Devill Blood]

للأسفدى فعلا نقطة ضعف فى الفليشيا وناس كتيره أشتكت من النقطة دى وإنها ساعات بتزيد فى عربيات عن عربيات ومان لأنى كان معايا حوالى30 ودورت على أى سيارة كويسة فى السعر ده عشان أغير من 128 ملقتش عربية فى رخص قطع غيار ومش بتسخن وعملية ذى ال128 فقلت لنفسى أحوش أكتر لغاية لما أجيب كرستالة

[skoda1996]

بصراحه انا معايا فليشيا 96 و مش بتسخن نهائيا
المؤشر مش بيعدي النص
هي اخرها 70 معايا في الحرارة
انا هسالك اول ما اشتريناها حل المشكلة دي كان اية او كانت موجوده اصلا او لا
بس انا اقترح عليك تخلي الكهربائي يشيل الثرموستات من دائرة التبريد اصلا يعني يلغيه لانه مش بيخلي المروحة تشتغل الا متاخر
لكن تزويد سرعه المروحة نفسها مش هيجيب نتيجه المهم المروحه هتشتغل امتي
يا اما ساعه الحرارة عندك عايزة تتغير و اشتري واحده درجه الحرارة اللي بتشتغل عندها اقل

و بعدين مش لدرجه انك تخليك مع ال 128 يعني الاسكودا عربية ممتازة جدا و خش علي المشاكل اللي بتقابل الناس اللي جابت كوري جديد من افيو لاوبترا لفيرنا
حاجات انا معايا العربية من اولي ثانوي لحد ما بقيت مهندس و بشتغل و لسه العربية بتعمل اللي انا عايزة

و ياريت تقول رايك في كلامي و جرب اللي قلتلك عليه ده هتتحل باذن الله

[محمود أبو زيد]

بسم الله الرحمن الرحيم
Dr .kero
مشكلة سخونة المحرك مشكلة كبيرة تحتاج الى فحص دقيق لحل المشكلة فى البداية هل المياه الخاصة بالردياتير بتنقص لابد من عمل أختبار كبس مياه ومعالجة التسريب ولو كان بسيط جدا ثانيا مشكلة ثرموستات الكوعة لابد من فحصه ولو كان بيعلق لابد من تغيرة أو الغاءه فى فصل الصيف وتركيبه فى فصل الشتاء ثالثا موضوع مروحة الردياتير لابد وان تكون سليمة والقميص سليم أما ثرموستات المروحة أختاره يعمل عند السبعينات وراعى فحص الريليهات والفيوزات الخاصة بسرعات المروحة لابد وان تكون سليمة وتغير التالف منها وأخيرا لابد من فحص جوان وش السلندر والتاكيد على انه لايسرب ضغط على المياه خراطيم المياه يجب تغيرها لو كانت منتفخة وأرجوا التاكيد على ضغوط دائرة التكيف لو كانت هناك سخونة مع التكيف الردياتيريتم فحصة والله المستعان محمود أبو زيد خبير سيارات

[hossamhussein0]

الاسكودا عموما يعاني من مشكلة السخونة و ذلك عن تجربة شخصيك ( كان معايا قبل كده 2 فيفوريت 94) و كانت بتغلي بالرغم من ان كل شئ يبدوا و انه علي ما يرام !!! حتي ان السيارة الثانية روحت غيرت وش السلندر بالكامل و بعتها بعد ذلك مباشرة ،،،و اعتقد أن الفليشيا متشابهه مع شقيقتها الكبري الفيفوريت لحد كبير لان كان هناك احد الاقارب يمتلك واحدة و كان يعاني من السخونة برضه مع التكييف،،

أعتقد أن ذلك يرجع الي تصميم الريداتير (بالعرض ) و من الممكن أن يكون ذلك لكثرة الاتربة و الشوائب التي تعلق به هو و سربنتينة التكييف و من الممكن أيضا أن تكون ريش الريداتير و سربنتينة التكييف متنية شوية نتيجة ضغط المياه الشديد اثناء الغسيل في المحطة مثلا مما يؤدي ايضا الي تقليص حجم الهواء الذي من المفترض ان يبرد مياه الريداتير

و بناء عليه انصح بالتوجه لورشة متخصصة في الريداتير لتقوم بتنظيفه من الداخل ( إن كان الاصلي بتاع الفبريكة الالومنيوم يتم ذلك بمياه النار المركزة و إن كان حديد إستبدله فورا و إن كان نحاس عادي تخليهم يفكو العلب و يسيخوه و يقفلوه ثاني) بالاضافة الي تفليج الريش الخارجية له و لسربنتينة التكييف و ياريت لو يغسلوها بالمرة بماء و صابون من الخارج و التاكد أن مسارات الهواء من خلالها جيدة ،، و ايضا عليك التاكد من عدم وجود صدأ في دورة المياه حتي تضمن تدفق سلس للمياه من خلال الدورة بالكامل و تحط مياه خضراء بدون اضافة مياه عادية لها،،


ملحوظة هامة بخصوص الريداتير بتاع الفبريكه (الالومنيوم)

عند فكه للتنظيف إذا ما تبين هناك ترسبات للاملاح شديدة داخل الريداتير و افاد الصنايعي بأنه ممكن تفضل اجزاء منها كبيرة موجودة حتي بعد الغسيل الداخلي بماء النار المركز ،و يبقي ساعتها خسارة المصاريف عليه ولابد من استبداله ،،،،،، و هنا أنصح بتركيب ريداتير جديد نحاس الماني 3 ماسورة هيخلي العربية ثلاجة حتي مع التكييف و ابقي ادعيلي.

و برضه شيك علي طبب المياه الخلفية (في البلوك) لعل و عسي يكون احدها يسرب مياه التبريد و لو حتي علي خفيف هيؤدي الي سخونة الموتور برضه.