لو إنت شاري عربية جديدة إيه الإضافات الضرورية

[khaled al sharif]

لو إشتريت سيارة جديدة في رأيك إيه الإضافات إللي إنت شايف إنها ضرورية وما بتنزلش مع العربية ... يعني مثال أنا شايف الشماسة الخلفية مهمة جدا بالرغم من إن العربتين إللي معايا مرايتهم خلايا ضوئية بس بصراحة قفا إللي بيقعد وراء في الصيف بيتحمص لو مفيش شماسة خلفية حتي ولو التكييف شغال
طيب كمان أفضل نوع من الأكسسوارات بكام وفين طبعا إللي جرب وركب يقولنا ويا سلام لوكانت حاجه أوريجنال جديده يبقي فعلا بنفيد بعض ... يلا مين ها يبتدي .... يارب يكون أبو نورا عشان مخاصم مواضيعي ... ولا الدكتور عبد السلام إللي يدوبك بيظهر الأيام دي علي الساحه من ساعة ما عمل أميرة الهباب ... ولا الدكتور عمر إللي من ساعة ما عرف إن المنتدي متراقب بطل يخش ولا بنداري الله كون في عونه في جسر السويس العذاب اليومي ولا ..... الناس دي راحت فين ولا الإستاذ بسيوني ...