محتار فى الاختيار - ارجو المساعده

[S T O R M]

السلام عليكم

ازي احسن اعضاء فى احلى منتدى
انا كنت عايز مساعده وعارف انكم مش هاتبخلوا بالمساعده طبعا

دلوقتى انا معايا عربيتى الاولى اللى اول ما قولت يا سواقه جبتها اللى هى لانسر بوما 2008 خليجى وكنت جايبها زيرو
بصراحه العربيه جميله جدا وثابته جدا وانا قررت هاغير لاسباب شخصيه فا ان شااء الله والدى هاياخد العربيه دى
وانا هاجيب واحده استعمال

فا انا دلوقتى فى دماغى كام عربيه بس مش عايز اندم ان انا سيبت اللانسر ورحت لواحده اوحش


فا دلوقتى انا محتار بين
نيسان تيدا هاتشباك بفكر من موديل 2006 ل 2008 لو فيه فروقات بين الموديلات ياريت تقولولى الاحسن
او
نيسان تيدا برضه بس سيدان
او
سيتروين بيكاسو سى 4 2007 او 2008
او
فولكس باسات 2001
او
فيات لينيا تربو 1400 هاتشباك
او
سيات ايبيزا 2008
او
سيات ليون 2007 او 2008
او
هيونداى النترا 2008
او
فورد فوكس 2007 او 2008
او
سوبارو امبريزا 2007 هاتش باك
او
307 هاتشباك 2007 الشكل الجديد



فا انا عايز العربيه يكون فيهه المواصفات التاليه:
موتور قوى - عزم شديد - قطع غيار اسعارها جيده يعنى ماتكونش غاليه اوى تكون متوسطه او مقاربه للانسر كده - السرعه تزيد عن 160 وماتبقاش زى اللانسر اخرها ال 160 - استخدام شخصى وليس عائلى - التسارع يكون قوى - ثباتها عالى على السرعات العاليه دة لأن انا مابعرفش امشى على سرعه قليله وسفرى بيكون كتير - وتستحمل الطرق المصريه


فا ياريت اللى عنده اى راى مايبخلش عليه بيه
وشكرا لكل اللى هايشارك مقدما وجزاه الله كل خييييييييييييييييييير

[@واحد من الناس@]

فولكس باسات 2001
أو
هيونداى النترا 2008

بس أفضل الباسات عليهم كلهم طبعا أنا لو مكانك مش هتنازل عن السوباروا أو الفورد بس معلش قدر إنك في مصر ولو جبت وحده منهم يبقي بتحكم على نفسك بالهلاك لعدة أسباب منها ندرة قطع الغيار خارج التوكيل وأحيانا داخله وإنخفاض سعر إعادة بيعها
أما الهيونداي فلا غبار عليها قطع غيارها في السوبر ماركت وسعر إعادة بيعها مرتفع
سيبك من كل ده

هيه الباسات لسببين هتديك الفخامة والثبات اللي عايزة من السوباروا والفورد وغيرهم وكمان هتديك سعر إعادة بيع معقول وقطع غيار موجودة ومنتشرة ولكن غالية نسيا

تحياتي

[S T O R M]

المشاركة الأصلية كتبت بواسطة @واحد من الناس@ فولكس باسات 2001 أو هيونداى النترا 2008 بس أفضل الباسات عليهم كلهم طبعا أنا لو مكانك مش هتنازل عن السوباروا أو الفورد بس معلش قدر إنك في مصر ولو جبت وحده منهم يبقي بتحكم على نفسك بالهلاك لعدة أسباب منها ندرة قطع الغيار خارج التوكيل وأحيانا داخله وإنخفاض سعر إعادة بيعها أما الهيونداي فلا غبار عليها قطع غيارها في السوبر ماركت وسعر إعادة بيعها مرتفع سيبك من كل ده هيه الباسات لسببين هتديك الفخامة والثبات اللي عايزة من السوباروا والفورد وغيرهم وكمان هتديك سعر إعادة بيع معقول وقطع غيار موجودة ومنتشرة ولكن غالية نسيا تحياتي

شكرا جدا على ردك ورايك الجميل ووجهه نظرك
انا عارف ان الفولكس حلوه فى كل حاجة بس لو قارنت قطع غيارها باى عربيه تانيه هتلااقى اسعارها عاليه
والهيونداى انا خايف منها بسبب ان اكتر الناس بتشتكى من ثباتها فا دة بردة اللى مقلقنى
عموما انا برضه هافكر فى الباسات
وشكرا جدا ليك مره تانيه

[king mimo20]

بلا تفكير السوبارو عربية من الاخر مش منتشرة لكنها جميلة جدا

[fineart607]

راى تجيب عربيه زيرو احسن وتريح دماغك ده لو مش بتفكر تبيع عن قريب الزيروا بيريح والله
وربنا يوفقك