ايه المواقف اللي قابلتك وانتا بتتعلم السواقة

وانا قاعد كدا مع نفسي افتكرت ايام ما كنت بتعلم السواقة وقعدت اضحك مع نفسي كتير من كتر الموقف الكوميدية اللي حصلت معايا ومنها اولا كنت بتعلم علي عربيت واحد صحبي شاهين موديل 97 وكانت عربية جميلة كنت بتعلم جنب البيت عندنا وانا ماشي بالراحه يعني اخري التاني وماشي جنب سور المترو عندنا وكان فيه كوبري مشاه السور مغطيه ومش شايف لاقيت مره واحده ست رمت نفسها علي كبوت العربية وراسها والف سيف لازم اوصلها وراح صحبي وصلها ورجعنا نكمل تاني مع ان اساسا العربية ملمستهاش هيه اللي رمت نفسها عليها ومره تانية كات خارج من عند خالي وبرجع بظهري لورا بالعربية ومن غير ما ابص ورايا حاسس ان في حاجه مش مخليه العربية ترجع ورا اتريني عمال بخبط عربي بظهري والراجل صاحبها هيصوت جوه بس الحمد لله طلعت سليمة الجنب عنده بس اطبق وفي بلاوي هحكيلكو عليها بعدين واي حد حصل معاه اي موقف يقولوه ونفضح بعضنا علي المنتدي زي مافضحت نفسي كدا

[_amr.mostafa_]

انا مرة جيت اجيب التالت حسيت انو العربية هتقلب من ورا لقدام تخيل

ومره كنت عايز اخش يمين فكان في واحد ماشي افتكرني همشي على طول فراح مشي عند الفتحة اللي عايز الف منها
فا طلعت العربية فوق الرصيف بس

كنت مره رايح التجمع واضطريت اني ادخل شارع ضيق كل الناس قالتلي الشارع ده مش هينفع تدخل فيه قولت لا وعملت نفسي فلحوص ودخلت خبطت العربية من الجنبين لحد ما خرجت منه بس روقت الجناب عندي اليمين والشمال

[المناور]

أنا كنت باتعلم على عربية 128 فى مدرسة سواقة وكنت باتعلم عند نادى الصيد كده ، الشوارع فى الحتة دى واسعة وفاضية والعربية يادوب سرعتها على قدها ، بعد ما خلصت التعليم مع المدرسة دى لقيت واحد صاحبى عمل فيها ابو السباع وقالى انا مستعد اعلمك السواقة وعلى عربيتى وعربيته كانت lada قلتله ماشى يا سيدى بس خد بالك انا لسه جديد وعايز شوارع واسعة قالى ماشى حاخدك على المعادى عندنا فيه شارع مناسب جدا ليك قلتله يلا بينا المهم البيه اخدنى ولقيته وقف قدام عند أول الشارع اللى فيه سفارة اليابان وقالى يلا سوق ابصلك على الشارع يا ريس الاقيه عبارة عن شارع راكن فيه عربيات على اليمين وعلى الشمال ومفيش مكان غير لعربية واحدة تمشى فى النص أنا بصراحة اتخضيت من المنظر ده لانى مش واخد على السواقة فى مكان ضيق ده غير انى العربية لو وقفت منى وورايا ناس وقعدوا يضربولى فى كلاكسات بيجيلى توتر اكتر وبناء عليه رفضت اسوق فى الشارع ده بس صاحبى صمم انى اخد الشارع ده علشان اتعلم يا عم يهديك يرضيك بلاش مفيش يا ريس حاتسوق هنا يعنى حاتسوق هنا طيب توكلنا على الله ركبت العربية ولاحظت انها اقوى بكتير من ال 128 وسحبها اسرع والدركسيون تقيل زى الحجر فقلت اهدى اللعب شوية وفضلت ماشى كويس فى امان الله لغاية اما لقيت صاحبى بيقولى خد اليوترن اللى جاى ده المهم أنا ساعتها كنت ماشى على التالت فروحت واخد الملف من غير ما اهدى ولا احسنها سواق تقولش مايكل شوماخر بيسوق وبعد ما اخدت الملف اعدل بقى ياريس مفيش اخوكم هنج على كده وماعرفتش اعدل العربية صاحبى عمال يصرخ جنبى اعدل يابنى حانعمل حادثة وأنا زى ما تقول المفاجأة ثبتتنى وخلاص كنت حالبس بالعربية فى جنب عربية دايو راكنة ومرة واحدة لقيت العربية وقفت قبلها بشبر ببص لقيت صاحبى شد الهاند بريك ولحق القصة ، طبعا حمدت ربنا وكنت حانزل اسجد سجدة شكر ونزلت من العربية وأنا جايب الوان الطيف وحلفت ما اسوق فى الشارع ده إلا إذا تمكنت من السواقة تانى ابدا وصاحبى من بعدها بقى بيسمع كلامى ويخلينى اسوق فى الشوارع الواسعة جدا الىل اقوله عليها لغاية اما ربنا كرمنى وبقيت بعرف اسوف والحمد لله

[@واحد من الناس@]

أول مرة أسوق كانت فضيحة كنت طول عمري مغامر بس هديت شوية الحمد لله المهم كنت في قرية سياحية في الساحل والشوارع هناك فاضية ومغرية وأنا بقي راكب العربية مع إبن عمتي وعمال أقوله عايز أسوق المهم ركبت العربية كانت أتوماتك سهلة خالص وأنا بقه دايس وفاتح أخد المطب وأطير واهبد الفرامل قبل المطب رجل وأقوم نازل من علي المطب وأرجع أطييير المهم إبن عمتي( هدي يا مجنون هتودينا في دهيه) ومرة واحدة أنسه لطيفه قررت تعدي الطريق الله إية القمر ده ( دوس فراااااامل يا غبي هتخبطها )ptmnlo123per1106 أه صحيح هيه الفرامل فين أه دي ولقيت البنت على الكبوت يادي المصيبة نزلبت من العربية وإبن عمتي إتسمر في مكانه حصلك حاجة يا أنسة ( أنت سافل كنت هتموتني ) سوري والله أصل أنا ..........ptmnlo123per122 ( بيعرفش يسوق ولسه بيتعلم أنت جرالك حاجة ) أاااااااه يا غلس منظري وحششششششششششش ptmnlo123per111

ولسه في بقية:wavi ng: