صيانة 1000 كم !!!!

[ميدو ستار]

اخوانى انا اشتريت عربية فيرنا2010 يوم 14/2/2010 وعاملة لحد دلوقتى 960 كم
عاوز اعرف من حضراتكم :
اولا صيانة 1000 كم عاوز اروح يوم الجمعة الجاية اعمل الصيانة فهل فى مشكلة لو عديت 1000 كم بـ100 أو 200 كم علشان شغلى مش هعرف اخد اجازة علشان اروح التوكيل ومفيش معاد مناسب بالنسبة لى غير الجمعة وهل دا خطر على العربية أو فى مشاكل فى التوكيل لو مرحتش فى الميعاد
اية اللى بيعملوا التوكيل فى صيانة 1000 كم
اية المصاريف اللى ممكن تدفع فى التوكيل علشان ابقى عامل حسابى
اية الاجراءات اللى ممكن اعملها قبل ما اروح التوكيل اتصل بيهم مثلا واحجز ميعاد ولا اروح ليهم على طول وممكن احجز قبليها باسبوع ولا مش ممكن
وهل فى ورق اخده معايا وانا رايح غير الرخصة ولا اخد كل ورق العربية
وتليفونات مركز الصيانة اية
علشان بتصل بـ 16101 محدش بيرد عليا علشان أحجز
ارجو الرد
وشكرا لاحلى منتدى
اخوكم
م.عصام مهنى

[lol64]

مبروك عليك ياباشمهندس ربنا يباركلك فيها
اولا مافيش مشكله انا رحت صيانه ال 1000 كنت عامل 1300 تقريبا
ثانيا تاخد معاك الرخصه وكتيب الضمان عشان بيتختم
ثالثا بيغيرو زيت الموتور وبيربطوا العفشه وبيطمنوا على المياه وتقولهم على اى ملاحظات عندك زى باب تقيل صوت معين مش عاجبك او اى مشاكل لاقدر الله
رابعا مصاريفها حوالى 250 جنيه او ازيد او اقل بحاجه بسيطه
خامسا رحلهم بدرى عشان يوم الجمعه هاتلاقيه موت هناك وحاجز زى مش حاجز مش هاتعرف تخش فى دورك

مبروك ياباشا وعقبال صيانه ال 500 الف

[ميدو ستار]

المشاركة الأصلية كتبت بواسطة lol64 مبروك عليك ياباشمهندس ربنا يباركلك فيها اولا مافيش مشكله انا رحت صيانه ال 1000 كنت عامل 1300 تقريبا ثانيا تاخد معاك الرخصه وكتيب الضمان عشان بيتختم ثالثا بيغيرو زيت الموتور وبيربطوا العفشه وبيطمنوا على المياه وتقولهم على اى ملاحظات عندك زى باب تقيل صوت معين مش عاجبك او اى مشاكل لاقدر الله رابعا مصاريفها حوالى 250 جنيه او ازيد او اقل بحاجه بسيطه خامسا رحلهم بدرى عشان يوم الجمعه هاتلاقيه موت هناك وحاجز زى مش حاجز مش هاتعرف تخش فى دورك مبروك ياباشا وعقبال صيانه ال 500 الف

شكرا على ردك الجميل
وانا حجزت يوم الجمعة القادم
حجزوا لى على الساعة 11 صباحا
بس انا هروح بدرى علشان انا سمعت زى حضرتك ما بتقول مش مشكلة الحجز أهم حاجة تروح بدرى
شكرا
م.عصام مهنى