يعني ايه حساس الانجكشن وايه فايدته

[خالد مكاوى]

يعني ايه حساس الانجكشن وايه فايدته وازي ممكن يبوظ لاني وديت العربية التوكيل عشان اعمل صيانة 80 الف وبعد ما مشيت من عندهم بحوالي نص ساعة لقيت العربية بترج جامد وهي عالسلانسيه والار بي ام ينزل خالص علي 700 ولو شغلت التكيف العربية تبطل مني علطول اتصلت بيهم فالتوكيل قالولي تعالي بكرة واطمن مدام مفيش انوار منورة عندك فالتابلوه يبقي مفيش حاجة والموضوع سهل المهم كانت الساعة 4 الا ربع والتوكيل بيقفل 4 فروحت البيت وقولت انزلهم بكرة فالتوكيل وهم يشوفوا ايه اللي فيها جيت الصبح ادور العربية مش راضية تدور الا لما ادوس بنزين واخليني دايس عشان متبطلش وسافرت بيها وهي فيها الرجرجة ديه عالسلانسيه فقلقت اوي اول ما وصلت التوكيل قالولي بسيطة اطمن المهم استنيت ساعة ودخلت عشان اطمن عالعربية لقيت الباشمهندس بيقولي ان في حاجة اسمها حساس الانجكشن بيعلق شوية يشتغل وشوية لا ولازم يتغير قولتله ايه اللي يخليه يعلق قالي قضاء وقدر يعني من يوم وليلة اول ما راحت التوكيل حصل ده كله معرفش ازاي وتمنه ما شاء الله 1160 جنيه وقبلها بيوم كنت دافع 1650 جنيه معرفش هل انضحك عليا ولا ايه بالظبط ياريت حد يفهمني ايه القصة ديه لاني معرفش حاجة عن الحساسات خالص واسف ان كنت طولت عليكوا

الانجكشن ده يا بطل عبارة عن حاجة كدا جوه الماتور عامله زي البخاخه بتاعت البيت المكواه لكن ده جهاز جوه الماتور يقوم ببخ البنزين داخل الماتور غير الكاربيراتير القديم اللي كان ماشي بنظام التنقيط ومشكلته الانجكشن ان ملهوش تصليح بيترمي ويتغير بس انا لو منك اروح اقدم فيهم شكوه للادارة وقولهم ان انا كنت جاي بالعربية سليمة وخرجت بيها كدا لان تقريبا ممكن يكون حد لعب في حاجه غلط عندك هيه اللي عملت المشاكل ديه كلها وربنا يعوض عليك

[احمد على 1999]

هى العربية نوعها ايه ؟

[احمد على 1999]

و كمان ايه تفاصيل صيانة ال 80000 كم ؟

[خالد مكاوى]

العربية لانسر بوما كويتي سوبر اكشن موديل 2008 والصيانة كانت
1-تغيير زيت وفلتر
2-تغيير بوجيهات
3-تغيير طقم كاتينه
4-تغيير فلتر هواء
5-تغيير فلتر بنزين بس انا مغيرتوش قالوا ممكن يقعد كمان 10 الاف كيلو
6-زيت الفتيس
7-تغيير التيل لو محتاج