|
منتدى الصيانة العام أى مشكلة فنية تواجهك ضعها هنا |
|
أدوات الموضوع |
#1
|
|||
|
|||
مشكلة غريبه جدا في السحب... الرجاء المساعدة
السلام عليكم ورحمه الله
ازيكم يا رجاله يا رب تكونوا جميعا بخير انا العربيه قرفتني جدا انا معايا شاهين 1300 سي سي حصل فيها مشكله غريبه من تلات اسابيع كنت في 6 اكتوبر بعمل شويه مشاوير والبنزين قرب يخلص، وطبعا ملقتش تمانين قمت مفول 90 بعدها لاحظت ان السحب قل جدا العربيه بعد ما كانت بتجيب 140 بقت تجيب 100 بالعافية اتصلت بالميكانيكي بتاعي قاللي دا كهربا قاللي امون تمانين تاني وهتتضبط فولت مرتين تمانين بعدها وبرضه لسه السحب زي ما هوا مرجعش تاني الرابع بعد ما كان اخره 95 بقى بيجيب 80 بالعافيه وعالخامس صوت الموتور بيعلي جدا على الـ 100 رحت للميكانيكي بص لقى البوجيهات عايزه تتغير، جبت طقم جديد وركبته وغيرت فلتر بنزين وهوا وسافرت بيها برضه مبتسحبش رجعتله النهارده تاني لقى خرم صغير جدا في الشكمان رحت لحمته وغيرت الجوانات كلها كمان واستلمتها النهارده بالليل طلعت اجربها على الطريق السريع السحب زي ما هوا برضه متغيرش مش عارف المشكله منين والميكانيكي مش راضي يسمعللي كويس وبيعمل اي كلام حد قدر يوصل لمكان المشكله؟ علشان بجد العربيه حرام جدا كده كانت بتسحب كويس جدااااااااااا انا لسه قبل مشوار سته اكتوبر دا بكام يوم واخد صوره للعداد وهوا على 140 ودا طبعا اعجاز بالنسبه لشاهين 1300 العربيه دلوقتي بقت ولا السلحفة العرجة أتمنى إن حد يقدر يفيدني واسف على الاطاله السلام عليكم ورحمه الله |
#2
|
||||
|
||||
رد: مشكلة غريبه جدا في السحب... الرجاء المساعدة
احتمال تكون المشكلة بسبب ان البنزين كان قرب يخلص
بس انت غيرت فلتر البنزين بص على بك السرعة او اعمل نضافة للكاربريتور او احتمال تكون المشكلة حاجة تانية و بالصدفة حصلت مع حكاية تموين ال 90 1- اتاكد ان مفيش حاجة سدة مدخل الهواء و ان فلتر الهواء سليم 2- اتاكد ان لما تدوس دواسة البنزين على الاخر ان فعلا بوابة الكاربريتور بتفتح على الاخر سؤال : هل الماتور مظبوط على السلانسيه؟ هل لما تزود بنزين و انت واقف الماتور بيستجيب كويس ؟ هل اختبرت الديسك و الاسطوانة ؟ لانك بتقول ان صوت الماتور بيعلى عن الى انت متعود عليه على نفس السرعة فاحتمال تكون اسطوانة الدبرياج بتتزحلق ( جرب هات الاول و اطلع فجاه لو صوت الماتور على و العربية مستجبيتش يبقى اكشف على الاسطوانه ) |
#3
|
|||
|
|||
رد: مشكلة غريبه جدا في السحب... الرجاء المساعدة
الله ينور عليك رد سليم
مع اضافة انك تتأكد من كفاءة البوجيهات اللى الميكانيكى ركبهالك وتتأكد كمان من ان مسار العادم مش مسدود بالتوفيق |
#4
|
|||
|
|||
رد: مشكلة غريبه جدا في السحب... الرجاء المساعدة
نفس الكلام ده حصل معايا الاسبوع اللي فات كنت ناسي انها عايزه بنزين و ببص علي العداد لقيت خلاص البنزين هيخلص !
قمت حاطط 20 لتر و ركنتها بعدها و في يوم الاوتو كروس رايح علي الدائري العربية خنقتني كنت بجيب 140 150 عادي لقيتها بتخنقني علي ما تجيب 120 ! شوائب البنزين اللي بتبقي موجوده في التانك لما البنزين بيكون قرب يخلص بتدخل الكربراتير و تسد البيكات و الفلتر و تخلي العربية بطه ! نضف الكارب كويس و شوف النتيجة لان اكيد فيه شوائب دخلت الكربراتير خصوصا ان شوائب البنزين ال 80 بشعه |
|
|