كدب الحكومه و قله الأدب (شئ طبيعى - احنا لسه ماخدناش على كده؟)

[sh_masry]

السلام عليكم ,,,

معلش هاتكلم معاكم فى موضوع هايف بس كبير فى فقد الثقه مابين المواطن العادى الطبيعى الذى لا حول له و لا قوه و بين الكدب و الخداع الحكومى .......
الموقف انى كنت مسافر الأسكندريه من حوالى اسبوع و قبل الكارته بتاعت طريق القاهره الصحراوى (يعنى فى ابو رواش) لقيت عربيه مرسيدس جديده قدامى نمر اللوحات بتاعتها (و دى المفاجاه ليا انا شخصيا بعد ما كنت مصدق الحكومه) أ ن أ 121
انا كنت فاكر انهم قالوا مافيش حروف او ارقام متكرره , الظاهر كده انهم عرضوا الأرقام دى على اساس انها مميزه و بتتباع بشئ و شويات ..... انا مصورتش العربيه لعده اسباب و اولها انى اتضايقت لما شفت النمر دى و حسيت اننا عايشين فى مستنقع كدب و افترا على خلق الله الغلابه اللى مالهمش ظهر و ماعهمش فلوس
تانى سبب انى لما قلت اصورها فكرت و لقيت ميت واحد هايطلع و يقولى فوتو شوب و كلام مالوش لازمه
تالت حاجه لما قلت هاصورها و على على اعدائى العربيه دخلت يمين على ابورواش و انا كملت على الصحراوى و حتى كنت هاتخانق معاه لأنه كسر عليا كسره غبيه و هو كان ماشى شمالى و انا داخل على بوابات الجيش اللى على الصحراوى و مره واحده دخل يمين من قدامى من اقصى الشمال .
عموما انا بس كل اللى غايظنى كدب الحكومه حتى فى الهيافه بتاعت النمر المميزه هههههههه
يا ترى اخره الموضوع ده ايه بقى ؟؟ مش هانبقى متحضرين و نخطط الأول قبل ما ننفذ و نتكلم وللا كله هلاهوطه و كله يعمل ما بداله فى الشعب و اللى يكدب يكدب و اللى يبيع يبيع و اللى يسرق يسرق و قشطه يا مان روق الجى و كبر الدى و خليها تولع

[SuMo]

يا شريف باشا ده الطبيعى بس سيبك انتا
واحشناااااااااااااااااااا ااااااااااااااااااااااااا اااااااا

[Ahmed Anwer]

المشاركة الأصلية كتبت بواسطة sh_masry تانى سبب انى لما قلت اصورها فكرت و لقيت ميت واحد هايطلع و يقولى فوتو شوب و كلام مالوش لازمه

ههههههه


يعني يا باشا هنكذبك و نصدق الحكومة

[خالدخليفة]

مفتكرش النمر تتكرر لانها بتبقى مسجلة على الكومبيوتر ولو اتكررت الكومبيوتر يرفضها اعتقد فى لبس عندك فى الموضوع و ده مش معناه ان الحكومة كويسة دى الحكومة الوحيدة اللى اسمها على مسمى حكومة نظيف رغم ان الزبالة ماليه الشوارع حكومة عز رغم ان الفقر مالى البلد حكومة سرور اللى منكدة على الشعب الوحيد اللى علقت معاه هو بطرس غالى كل شىء اصبح غالى ماعدا الانسان نفسه

[محمد قطامش]

والله يا باشا انت خانق نفسك علي الفاضي
طيب انا شفت ف السعوديه سياره رقمها أ ه م 1
وسياره اخري رقمها أ ح ب 666
وبعدين بلدنا طول عمرها بتاعت وسايط