|
#1
22-02-2010, 07:16 AM
|
||||
|
||||
|
محدش يضحك عليا أسبرانزا M11 جننتني
هههههههههههههههههه
محدش يضحك عليا أنا بس ألي أضحك هقولكم ليه حصل معايا موقف طريف جدااااااااا كنت في الشغل وخارج تعبان وموش شايف كا العادة عربيتي أسبرانزا M11 واقفة قدامي زي الفل وانا كلي ثقة فيها وفي جمالها وفي قوتها وكل شيئ المهم ركبت العربية عشان أروح دورت العربية أتفاجئت بحاجة جديدة بالنسبالي أول مرة أشوفها بجد وزي مبقولكم محدش يضحك عليا والله أول مرة أشوف كدة المهم دورت العربية لاقيت علامة مفتاح منورة بصورة واضحة جدا في عداد ال RBM أتخضيت بس والله غير كل مرة خضة وثقة في أسبرانزا سبحان الله علي حبي وأحترامي ليها بعد خوفي منها وسماعي لكلام ناس ميعرفوش عنها حاجة المهم أعمل ايه أنا في 6 أكتوبر وساكن في شبرا طيب همشي أزاي وعلامة المفتاح دي منورة كدة أكيد في حاجة حصلت في العربية ولو مشيت بيها ممكن أبوظ فيها أكتر أو أتعرض لخطر طيب أعمل أيه انا معايا رقم تليفون مهندس في صيانة أبو غالي الي بعمل فيها الصيانة أتصلت عليه يا باش مهندس حصلي كذا ولاقيت في العربية علامة مفتاع بلدي منورة في عداد ال RBM أعمل أيه قالي متخفش يا محمد دي علامة بتقولك ان ميعاد الصيانة جه ولازم تيجي تعمل صيانة بصيت في عداد الكيلو متر قولتله لا أنا لسة يادوب عامل 5000 ك بس وانتم قولتولي أجي لصيانة 10000 ك قالي أيوة في صيانة لل 5000 ك حضرتك هتيجي نربطلك العفشة ونغير بعض الزيوت باور وزيت فرامل مثلا وهنعمل كشف كامل للعربية من غير مهنغير الزيت ولا الفلتر دول لسة فاضلهم 5000 ك تاني معاك طيب ياباش مهندس وصيانة ال 5000 ك دي هتكلف كام قالي حوالي 80 جنيه يا محمد بس تعالي هنطمن أحنا وانت علي العربية وكمان نظبطهالك أكتر طيب يعني أمشي عادي وعلامة المفتاح موجودة قالي أه عادي العلامة دي مجرد بتفكرك بس أن ميعاد الصيانة جه وأنك عملت 5000 ك طبعا موش هقولكم علي أعجابي ولا علي فرحتي أني راكب عربية محترمة ولا هقولكم عن صديق لي راكب أسكودا أوكتافيا ساق عربيتي وحلف بالله انه موش حاسس بفرق بين عربيتي وعربيته ولا هقولكم علي الباش مهندس الي أتعرفت عليه راجل بيعرف ربنا ومطمني ومخليني سعيد جدا بمعرفته وأخيرا محدش يضحك عليا عشان مكونتش اعرف بصراحة علامة المفتاح البلدي الي ظهرتلي دي بتاعة أيه وانا عارف أنكم ممكن تكونو عارفينها قبل كدة وشكرااااااااااااا وأسف طولت عليكم كا العادة سامحوني أمضاء بحبك يا أسبرانزا M11 التعديل الأخير تم بواسطة rotana_cinemaa ; 22-02-2010 الساعة 07:35 AM 
|
|
#3
22-02-2010, 07:47 AM
|
||||
|
||||
رد: محدش يضحك عليا أسبرانزا M11 جننتني
ههههههههههههههههههههههه ربنا يخليك يارب أنا بس حبيت اقول حاجة يمكن حد غيري يتفاجئ بيها وميكونش عارفها زي حلاتي بس صدقني مبقتش أخاف من أسبرانزا M11 عندي فيها ثقة كبيرة جدا وكمان بتوع الصيانة مطمنني أوي بس نفسي يا أخي رواد المنتدي يتغيرو في رأيهم وميسمعوش غير كلام ناس مجربة بجد وكمان مينقلوش كلام أشاعات مالوش معني من الصحة كدة بيخوفو الناس وبيعملو بلبلة طيب لصالح مين كل ده مهو تيوتا طلع فيها عيوب والمرسيدس فيها عيوب والكمال لله وحده يا أخي مندي أسبرانزا دي فرصة ونشجعها ونكبرها علي الأقل بنستفاد بعربيات تحفة وجميلة وقوية ورخيصة عن مثيلتها في نفس الفئة ومتقلقش عليا انا بقي قلبي جامد وانتم مطمنيني بوجودي معاكم وشكرا ليك ياقمر علي أهتمامك بالرد
|
|
#4
22-02-2010, 09:02 AM
|
||||
|
||||
|
رد: محدش يضحك عليا أسبرانزا M11 جننتني
ربنا يباركلك فيها ويحفظهالك يارب
هو طبيعى اى حد جايب عربية جديدة بيبقى قلقان منها حبتين بس بإذن تثبت جدارتها واستحقاقها لحبك وثقتك ان شاء الله بس هو بعد كده كل 5000 هتنور نفس اللمبة ولا ايه ؟
|
|
#5
22-02-2010, 10:31 AM
|
|||
|
|||
|
رد: محدش يضحك عليا أسبرانزا M11 جننتني
ايوه علي معاد كل صيانه لو الواحد مرحش وعمل الصيانه بتاعته هتنور لحد ميروح يعمل الصيانه والعربيه يترستر الكمبيوتر بتاعها
ومبروك عليك يا غالي عربيتك وامكانياتها واسبيرانزا عربيه هايله جدااااا
|
 |
|
|
