انطبعاتي عن الm11

[ash257]

السلام عليكم ورحمة الله وبركاته
انا مش مقيم في مصر بس انا حاليا في أجازة في مصر لمدة اسبوعين وطبعا انا متابع موضوع العربيات من فترة لأني هاشتري عربية على شهر 7 وانا من النوع المتردد قبل الشراء ومن ضمن العربيات اللي انا مهتم بيها هي الm11 وروحت اتفرجت عليها في فرع اسبرانزا اللي موجود في مصر الجديدة وكانت مقابلة الناس ذوق جدا بصراحة قابلت واحد اسمه ايمن وكانت هناك عربية واحدة لونها ذهبي اللون حلو قوي وفتحلي العربية والشنطة واتفرجت عليها من كل حتة وكان ليا شوية ملاحظات بعضها ايجابي وبعضها سلبي واسمحولي اققول الاثنين على بعض لأن ممكن تكون الايجابي بالنسبة ليا تكون سلبية بالنسبة لحد تاني والعكس.
نبدأ على بركة الله..
1. العربية كشكل جميلة جدا من برة وليها هيبة كدة ومن جوة منتهى الشياكة والجمال بصراحة تحس كدة انك راكب بي ام.
2. الكماليات ممتازة وكاملة مش ناقصها حاجة بصراحة بالنسبالي غير مسند أو كنسول بين الكرسيين الاماميين لأني باحب اسند ايدي كدة وانا بسوق وكمان كانت ناقصة المالتي فنكشن اللي في الدركسيون والدي في دي بدل الكاست وكمان باركينج سينسور كانت هاتبقى كمالة الأوصاف.
3. تنجيد الكراسي حلو قوي ومريح بس كان المفروض يكون الفرش جلد وكمان الحتة القماش اللي في الباب كان المفروض تبقة جلد لأنها عرضة للأتساخ بسرعة جدا وده كان واضح في العربية المعروضة.
4. العربية ابعادها صعبة جدا يعني وانا قاعد جوة ماكنتش شايف أي حاجة من العربية لا الكبوت ولا الشنطة اكيد محتاجة باركينج سينسور لأنها هاتبقى صعبة في الركن قوي ويمكن مع التعود مش عارف.
5. العربية لا كبيرة ولا صغيرة يعني أصغر من اختها ال516 بس معقولة.
6. من ناحية الأمان حاسس ان صاجها قوي والمندووب قالي ان الشاسية بتاعها بالاضافة إلى العلب كمان في 2 قوايم - طبعا انا مش فاهم حاجة بس واضح انها حاجة كويسة - بس برضه كان ناقصها الايرباجز.
7. بالنسبة للألوان هو الراجل جابلي بالتة الوان كدة حوالي 10 أو 15 لون في الازرق والكحلي والاحمر والنبيتي والذهبي والفضي والفيراني حوالي 3 درجات والاسود والزيتوني والابيض هو ده اللي انا فاكرة حاليا.
8. العربية عالية كويس عن الارض.
9. العربية من جوة تحس ان كل حاجة قريبة من ايدك.
10. التكييف كان المفروض يكون تاتش بس هو شكلة كويس - لايق على التابلوة يعني.
11. الخامات والله والله من افضل الخامات في العربيات اللي متجمعة في مصر على الأقل حتى أفضل من الصني بس بكر التكييف حاسس انه هو نقطة الضعف في الخامات يعني حاسس انها ممكن تقشر بسرعة - مجرد احساس مش متاكد.
12. الجنوط شكل ومقاس مناسبين جدا للعربية.
13. الزراير كلها فيها انسيابية وفيها نعومة في الاستخدام ماتحسش ان في حاجة بتخبط وانت بتدوس على الزرار .
14. المفروض الكرسي يكون بيعلى وينزل وده عيب.
15. مافيش حاجة تاني.
واحب اكرر ده مجرد انطباع يعني مش حكم على العربية بس عموما العربية عجبتني جدا وناقص بس انها تثبت كفائة وانا ان شاء الله قررت عليها بنسبة 80% وطبعا لازم نحط في الاعتبار السعر والعربيات المنافسة في نفس الفئة السعرية.
وآسف على الاطالة....<!-- google_ad_section_end -->

[ميدوستار]

انا عاينت السيارة في المعرض وكانت عجباني من حيث الشكل.

[rotana_cinemaa]

حبيبي شكرا بجد ليك علي المشاركة والمثل بيقولك أسأل مجرب ومتسألش طبيب هرد عليك واحدة واحدة لأني من أوائل ملاك هذه السيارة العربية تحفة بكل المقاييس مع اعتبار سعرها ومقارنتها بأي عربية من فئتها وسعرها المهم الفرش بتاع العربية أنا بغسلو بالكامل في البنزيمة وكمان فرش الببان الي في العربية والله العظيم بالمية والصابون وبيطلع تحفة وبيرجع نظيف زي الفل ثانيا أبعاد العربية اول مركبتها بصراحة عملت زيك أيه ده موش شايف كبوت ولا شنطة زي ميكون قاعد في سينما البعد الثلاثي موش شايف غير أزاز العربية بس ومرايتين الجمب والصالون جايبنلي الدنيا ورايا ههههههههههههه المهم أتعودت عليها بسرعة جداااا وانا بركن محتاج سينسور فعلا بس بصراحة للدلع والفشخرة لكن انا بركن عادي جدا وبعتمد علي مريات الجمب بتاعة العربية تعالي بقي نقول الموصفات الي أنت كاتبها دي لو موجودة في أسبرانزا M11 كدة تبقي أنت خرجتها من فئتها وهتبقي بتضرب ال BMW ياعم دي كدة رضا وزي الفل أكتر من المدفوع فيها بكتيـــــــــــــــــــــ ـــــــــــــــر وربنا وكمان ربنا يعوض علي أشتري دايو وفيرنا وأكسنت وأفيو كلها عربيات قريبة لل M11 في السعر بس بعيدة كل البعد عن الجمال والرفاهية والقوة والثبات علي الطريق والتكنولوجيا العالية وجمال الخامات والتقفيل بجد ربنا يعوض عليهم وربنا يكرمنا يارب ويوفقنا جميعا وشكرااااااااااااااااااااا اااااااااااااااااااااااا

صيني صيني صيني صيني صيني وبعدين يا استاذ روتانا سنيما متقارنش عربية بنت اول امبارح بعربيات بقالها بال10 سنين مطحونة في ارض بلدك الجميلة اتخن واحد في مصر اشتري M11 معملش بيها لحد دلوقتي 20000 كيلو مش تتكلم علي عربيات عملت يجي 300000 الف كيلو لحد النهاردة

[ash257]

المشاركة الأصلية كتبت بواسطة rotana_cinemaa حبيبي شكرا بجد ليك علي المشاركة والمثل بيقولك أسأل مجرب ومتسألش طبيب هرد عليك واحدة واحدة لأني من أوائل ملاك هذه السيارة العربية تحفة بكل المقاييس مع اعتبار سعرها ومقارنتها بأي عربية من فئتها وسعرها المهم الفرش بتاع العربية أنا بغسلو بالكامل في البنزيمة وكمان فرش الببان الي في العربية والله العظيم بالمية والصابون وبيطلع تحفة وبيرجع نظيف زي الفل ثانيا أبعاد العربية اول مركبتها بصراحة عملت زيك أيه ده موش شايف كبوت ولا شنطة زي ميكون قاعد في سينما البعد الثلاثي موش شايف غير أزاز العربية بس ومرايتين الجمب والصالون جايبنلي الدنيا ورايا ههههههههههههه المهم أتعودت عليها بسرعة جداااا وانا بركن محتاج سينسور فعلا بس بصراحة للدلع والفشخرة لكن انا بركن عادي جدا وبعتمد علي مريات الجمب بتاعة العربية تعالي بقي نقول الموصفات الي أنت كاتبها دي لو موجودة في أسبرانزا M11 كدة تبقي أنت خرجتها من فئتها وهتبقي بتضرب ال BMW ياعم دي كدة رضا وزي الفل أكتر من المدفوع فيها بكتيـــــــــــــــــــــ ـــــــــــــــر وربنا وكمان ربنا يعوض علي أشتري دايو وفيرنا وأكسنت وأفيو كلها عربيات قريبة لل M11 في السعر بس بعيدة كل البعد عن الجمال والرفاهية والقوة والثبات علي الطريق والتكنولوجيا العالية وجمال الخامات والتقفيل بجد ربنا يعوض عليهم وربنا يكرمنا يارب ويوفقنا جميعا وشكرااااااااااااااااااااا اااااااااااااااااااااااا

منور الموضوع بمشارتك يا استاذ محمد والله
فعلا العربية دي حلوة وهاتعمل اسم كويس وسمعة لاسبرانزا في السوق احسن من العربيات التانية