|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
هيونداى اتوس ولا سكودا فليشيا
السلام عليكم ورحمه الله وبركاته
ازيكم يا جماعه انا عاوزة مساعده من اهل الخبرة انا لسه مبتدئه وعاوزة اشترى عربيه عندى 2 اوبشن والدى بيقول نجيب سكودا فليشيا موديل 97 هى عامله 28.000 وبيقنعنى انى لسه مبتدئه ولازمنى حاجه مستعمله والرااى التانى انى اجيب هيونداى اتوس زيرو انا مش عارفه بكام بس برضه هى ف حدود امكانياتى لان الزيرو زيرو انتم بقى رايكم ايه؟؟؟؟؟؟؟؟؟؟؟؟ بس ياريت اللى يختار معايا يفهمنى ليه والاتوس الزيرو تعمل كام النهارده التعديل الأخير تم بواسطة hazem_khidr ; 05-07-2010 الساعة 10:05 PM سبب آخر: تم نقل الموضوع الي قسم المقارنات و تنبيه للعضو بفتح الموضوع في المكان المخصص له |
#2
|
|||
|
|||
رد: هيونداى اتوس ولا سكودا فليشيا
وعليكم السلام ورحمة الله وبركاته........... انا كان معايا سكودا مستعملة وهى عربية ممتازة ولكن المستعمل هيحتاج كل شوية لتغييير بعض قطع الغيار كقربة الماء...ترس بندكس...سير كاتينة واشياء اخرى وكمان محدش بيفهم فى الاسكودا غير ميكانيكية الاسكودا انا عن نفسى اتعذبت ودفعت لحد ما لاقيت ميكانيكى سكودا فاهم....وكمان ممكن تعطل فى اى حته وده وارد فى المستعمل {تسخن وده شائع فى الاسكودا او يضرب فيوز وتقطع كهربا} وطبعا ده كله مش ظريف وبعدين الثمن الفعلى للاسكودا هيكون 28+مصاريف التصليح والصيانة ده غير التعب وضياع الوقت على الميكانيكية ....انا شايف ان الاتوس افضل بالنسبة لبنت وكمان اوفر للبنزين لانها 1100ccوكمان انسب ليكى لان دريكسيونها اخف من الفليشيا وعلى الرغم من صغر حجمها الخارجى لكن صالونها واسع من جوه واشيك طبعا وفى الاخر فرق السعر مابين الاتوس الجديدة موديل السنة والسعر الفعلى للفليشيا المستعملة هيطلع مش كتير....ارجو انى اكون قد افدت
|
#3
|
|||
|
|||
رد: هيونداى اتوس ولا سكودا فليشيا
انا اسف نسيت......اتوس 2010 كامله مانوال عاملة 54500 وهى 1100cc
|
#4
|
||||
|
||||
رد: هيونداى اتوس ولا سكودا فليشيا
بس برده لازم مستعمل قبل الزيرو
يعني ممكن الواحد يجيب المستعمل زي نجربة كده لحد مالواحد يتعود و تستقر سواقته ويكتسب الثقة و الشوارع و كده يعني و بعدين يبيعها ينشاالله حتى بخسارة الفين تلاتة دول ممكن يتصرفوا عالزيرو في خبطة واحدة و مش هترجع زيرو تاني اصل مافيش حد بيجيب اول عربية ليه و تسلم منه __يستحيييييل__ |
#5
|
|||
|
|||
رد: هيونداى اتوس ولا سكودا فليشيا
انا افضل الجديد فى حدود اللى معاك ، ولو فكرت تجيب مستعمل تجيب عربية قطع غيارة متوفرة ولم تيجى تبيع تلاقى سعر كويس ومش تنزل كتير فى سعرها ....
|
|
|