استفسار عن المياه الخضرا المكثفه و نقص المياه سريعا

[hassan_sona]

السلام عليكم اولا
في ميكانيكي قالي هات المياه الخضرا المكثفة اللي بتتحط علي المياه العاديه
قالي احسن من المياه الخضرا اللي في جراكل؟؟؟؟؟؟؟؟؟؟؟؟

و انا عندي في لانوس 1 المياه في الأربه بتخلص كل 3 ايام (اكيد في حاجة غلط)[IMG]http://www.**********.net/Nile/images/smilies/eee.gif[/IMG]
و بسمع طوت تنفيس هوا عند غطا الأريه..؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
هل ممكن تكون دي المشكلة
و جزاكم الله خيرا
و سوال هام ارجو الاجابة لمن استطاع
انا ساكن في 6 اكتوبر هل في ورشة متخصصه في الدايو (عنده الاجهزه للكشف عليها)

سيبك من المكثف لان الميه الخضرا وظيفتها تساعد علي تبريد المحرك ومنع الصداء بالريديتير بس انتا غير غطاء الريداتير لان كدا تقريبا في تسريب كبير عندك وبنسبة 80% العيب في الغطاء ولو غيرت الغطاء ولقيت المشكلة لسه موجودة هتكشف علي الريداتير ودورة الميه في الموتور

[mahmodazam]

المشاركة الأصلية كتبت بواسطة corsair سيبك من المكثف لان الميه الخضرا وظيفتها تساعد علي تبريد المحرك ومنع الصداء بالريديتير بس انتا غير غطاء الريداتير لان كدا تقريبا في تسريب كبير عندك وبنسبة 80% العيب في الغطاء ولو غيرت الغطاء ولقيت المشكلة لسه موجودة هتكشف علي الريداتير ودورة الميه في الموتور

زي مقال حبيب قلبي غير غطا قربت المية (انا عندي نوبيرا وبعبي المية في القربة على طول) المهم غير الغطاء ضروري لان مع سخونية الموتور ضغط المية بيزيد وحرارتها بتعلى فلو في تنفيس المية هتتبخر خصوصا لو بتمسي بيها كتير ... وخلي بالك من حوار المية في الالانوس بالذات

و ان شاء الله خير

[يسري أبو الخير]

أولا :- اكشف على قربة المياة .. و تأكد من ( أفيز ) رباط الخرطوم الخارج من قربة الماء .. لأن هذة المشكلة صادفتني في اللانوس 1 و بمتابعتها أكتشف أن التسريب بيكون من اسفل الأفيز و الخرطوم و طبعا التسريب بيكون بخار ماء .. و لا يظهر إلا عندما ترتفع درجة حرارة المياة بدورة التبريد ..
ثانيا :- كما نصحك الأخوة الأعضاء .. تأكد من غطاء القربة .. لأنه أحيانا بيكون تسريب بخار الماء بسببه أو عدم إحكام غلقة جيدا ..

تحياتي للجميع

[احمد على 1999]

قبل ما تفكر فى نوع الميه لازم تعالج نقص المياه زى ما قالولك تغيير الغطاء بواحد اصلى حتى لو مستعمل و لما تتاكد ان التسريب اتعالج حط مياه مقطرة على الميا المكثفة علشان تمنع الصدا و اوعى تغسل الرادياتير بضغط عالى و متغسلوش احسن خالص طالما متسدش