استفسار لو العربية اكتر من لون

[abolahab]

السلام عليكم
كنت عاوز اعرف لو انا عاوز اعمل العربية كذا لون دي بتبقى ظروفها ايه في الترخيص وكدة وهل هي ممنوعة اصلا ولا لأ
طب لو انا سيبتني من الدهان كذا لون وحطيت استيكر كبير بعرض العربية مثلا دة برضه ظروفه ايه من المرور

بالفلوس كله بيمشي انا كنت مغرق العربية 128 بتاعتي القديمة استيكرات وقالولي لازم تشيلها قبل الفحص والترخيص ونفضت وروحت وب 10 للواد المهندس مبصش اساسا علي العربية ورخصت ومشيت

[dego_story]

مش ممنوع يامعلم لانى انا شوفت عربيات كتير لونين اتنين بس اكيد فى حاجة لازم تعملها تبع المرور وتشوف موقفك هيبقى ايه يعنى هتكون مخالف ولا لاء الاحسن انك تروح تسأل فى ادارة المرور

[titoelgabry]

المشاركة الأصلية كتبت بواسطة abolahab السلام عليكم كنت عاوز اعرف لو انا عاوز اعمل العربية كذا لون دي بتبقى ظروفها ايه في الترخيص وكدة وهل هي ممنوعة اصلا ولا لأ طب لو انا سيبتني من الدهان كذا لون وحطيت استيكر كبير بعرض العربية مثلا دة برضه ظروفه ايه من المرور

مفيش اى مشكله ان العربيه تبقى لونين بس لام تروح المرور وتثبت اللون الجديد وهى دى المشكله بقى يا معلم ptmnlo123per1106
بالنسبه للاستيكر مش عارف بس متهيألى ان اى ملصقات على العربيه ممنوعه

[حسن بكر]

بالنسبة للونين جائز - أما بالنسبة للإستيكرات ممنوعة لأني لما رخصت مع أن المهندس أخذ حقه الغير مشروع إلا أنه قال شيل الأستيكر وكان تحت الإستيكر الدهان والمعجون واقع يعني لازم دوكو لكن عدت