الفوج لايت لل نيو اكسنت 2010

[Arafa]

اليوم روحت لغبور علشان اسئل عن تركيب الفوج لايت لل نيو اكسنت 2010 ، الرد كان ان الموضوع حيتكلف 1500 جنيه!!! ده غير ان فيه قرار كمان بوقف تركيب اى كماليات لاى عربيه عن طريقهم سواء كنت مشتريها من عندهم او جايبها من بره و عايز اركبها عندهم و الحل فى وجهه نظرهم ان التركيب يكون بره عند اى حد بس حاول تستنضف علشان لو الحاجه اللى ركبتها دى اثرت باى شكل على العربيه (الكهرباء مثلا) يبقى كده الكهرباء كلها معاليهاش ضمان.
هل منطقى انه يرفض يركب و لما نركب بره يقولك الضمان راح؟!!!!!!

[AbOnOrA]

اى ضمان بشترط تركيب اضافات مضمونه على ضفيرة الكهرباء وبطريقة صحيحة لان اى تركيب خاطىء ممكن يعمل مشكلة فى الضفيرة اللى هى مضمونه من الوكيل فده اللى بيخليهم يشترطو التركيب عندهم او من خلال مركز معتمد فانا انصحك تشترى الفوجات بمعرفتك ورتركبها فى الصيانة الجاية سواء فى التوكيل او فى مركز خدمة معتمد من التوكيل

[Arafa]

شكرا لاهتمامك يا باشا،
بس هو فيه مشكله ان صيانه غبور اللى فى ابو رواش مصصممين ان عندهم قرار بعدم تركيب اى كماليات لاى موديل عندهم و علشان كدا انا سألت فى ابو غالى مع م/ احمد و قاللى انهم ممكن بيركبوا الكماليات عندهم لو جبتها من بره.

[ahmedmohelsayed]

موضوع اضافة كماليات للسيارة ده مزعج فعلا
وخصوصا بعد صدور قانون المرور الجديد الذي يمنع تركيب فوانيس شبورة او زيون الخ ....
غير مخاطرة تركيب هذه الكماليات خارج التوكيل او مراكز الخدمة المعتمدة
لكني اول مرة اعرف ان هناك قرار بوقف تركيب اى كماليات لاى عربيه عن طريقهم
نصيحة
لاتجازف بتركيب اي كماليات خارج التوكيل وخصوصا ما يتم توصيله بضفيرة الكهرباء
لأنك قد تعاني من مشاكل في كهربة السيارة عموما اذا لم يتم التركيب بشكل سليم.
وابقى قولنا عملت ايه ان شاء الله