|
#1
03-02-2010, 01:17 AM
|
|||
|
|||
رايكم ايه في اللانسر دي؟ موديل 2008
لسلام عليكم ورحمة الله وبركاته
معروض علي عربية لانسر بالمواصفات التاليه - موديل 2008 - 1600 سي سي - ماشية 37000 كم - هاف سبورت - خليجي - تامين شامل - تكملة اقساط للبنك بواقع 2500 جنيه شهريا لمدة 36 شهر باقي صاحب العربية عاوز 15 الف ليه وانا اكمل الاقساط لسه ما كشفتش عليها بس شفتها من بره على السريع وسقتها شوية بسيطه على الدائري لقيت فيها مبدئيا شوية حاجات بسيطه من خلال نظرتي الخارجية :- - راشش بره بس (هو اللي قاللي) وش نظافه فقط ؟؟؟!!!! - الاكصيدام الخلفي ناقص كليبسات ومفارق شويه وكان في حد مريح عليه بعربيته - الفوانيس الاماميه مشبرة من جوه وزجاجهم مش نظيف من الداخل - المرايه الشمال مكسورة ومركب بدالها قطعة مرايه زجاجيه تصنيع يدوي - ذراع النور العالي لما احب اعمل رعاش يفتح النور العالي وعلشان اعمل رعاش لازم ايدي تكون حساسه جدا لدرجة اني اتخنقت منه لاني مش قادر اخفف ايدي علشان ما يفتحش مني وكل ما اجي ارعش للي قدامي افتح النور العالي مش عارف ده عيب في العربية ولا ده عادي في اللانسر كله؟ وهل لو كان عيب يتصلح عادي ولا بيبقى مشكله؟ - كرسي السائق لما قعدت علشان اسوق حسيت اني عاوز احط تحتي مخدتين علشان اعرف اشوف الطريق بدل مانا شايف الدركسيون بس (مع العلم اني مش قصير انا طولي 170 سم والله) بس حسيت ان الكرسي مفطوس لتحت مش عارف ليه ولما سالته قاللي ان في بكرة بتعلي الكرسي لفوق بس ما عرفتش استعملها لاني كنت طلعت بالعربيه - فهل البكرة دي بتعلي الكرسي بدرجه ملحوظه ولا الكرسي عاوز تنجيد؟طيب والتنجيد ممكن يدخله في كام؟ وبيرجع زي الاول ولا لا؟ - في صوت صفاره بسيط مع الفرامل ولما سالته قاللي انها مركونه ويمكن شوية تراب - الدركسيون فيه فرق ناحية الشمال يعني مش معدول والعربيه ماشيه علطول ولما سالته ليه كده قاللي انه كان بيعمل شغل في العفشه والميكانيكي ماظبطش وهو بيركب العفشه - وبعد مانزلت من العربية وانا باسلم على الراجل لاحظت حاجه في الكبوت خوفتني جدا وقلت اعرفها لما اجي اكشف في اي بنزينه لقيت الكبوت كانه مفتوح يعني كاني شديت ذراع الكبوت بس لسه مارفعتوش (فاهميني؟) قلت يمكن هو نسي وفتح الكبوت بس ماقفلوش كويس قمت ضاغط على الكبوت بايدي علشان يتقفل بس للاسف اكتشفت ان هي دي قفلته بس الفرق بين الكبوت والفوانيس فرق كبير وواضح يبقى ايه الاحتمالات؟ تكون واخده خبطه من قدام مثلا؟ طيب اللي انا عاوزه من حضراتكم بقه تفيدوني في الكلام اللي قلته ده كله يطمن ولا لا؟ ولو عاوز اكشف عليها عند حد محترم واخد كلامه ثقه تنصحوني اروح فين؟هل في بنزينه كويسه ولا التوكيل احسن ولا ايه ؟ ولو الكشف عليها طمني ونويت اشتريها - هل شوية اللعب اللي حكيتلكم عليهم دول فيهم مشاكل ولا اقدر اصلحهم و بكام تقريبا وايه رايكم في سعر العربية بالطريقه اللي قلتهالكم غاليه ولا كويسه؟ وفي حالة ان الاقساط حتفضل باسمه في البنك ايه الاوراق والعقود والتوكيلات اللي بتتعمل بيني وبينه علشان اضمن حقي في العربيه لانها بكده حتفضل باسمه لحد ما نخلص الاقساط علشان مايجيش بعد مانخلص الاقساط يقوللي مش بايع ياريت ما اكونش دوشتكم باسئلتي بس ياريت تردوا علي بالتفصيل الممل وشكرا مقدما لكل من سيقرا او يرد على موضوعي 
|
|
#2
03-02-2010, 03:16 AM
|
||||
|
||||
|
رد: رايكم ايه في اللانسر دي؟ موديل 2008
اولا السعر المطلوب انا شايف انة غالي جدا بالنسبة للعربية دة لان كدة هتخلص على 105 الف والمفروض ان العربية لما بتترخص بيقل تمنها وكمان العربية لما بتترش بتخص كتير حتة لو نضافة وهوة كدة مش عايز يخسر فيها
وثانيا العربية دة موديل 2008 زي ما انتا بتقول يبقة ازاي رشة نضافة وازاي الكبوت مفارق من قدام اما الفوانيس مش ممكن تبقة متوسخة وصفرة من جوة في الوقت القصير دة الا لو كانت مش اصلية (متغيرة يعني) والدركسيون الي مش مظبوط دة عادي ممكن فعلا يكون من العفشجي وهوة بيربك مربطش على وضع صح بس لو كدة يبقة لازم تون موزنة وسابتة عالطريق على سرعات عالية ولو انت مختش بالك او ممشتش بسرعة كفاية يبقة اكشف عليها من تحت الفرامل لما بتصفر بتكون عايزة تيل جديد عموما ابقة شوف الطمبورة ممكن تكون مجرحة اما بقة الفرش الي ساقط دة حاجة مقدرش اتكلم عليها دة حسب حالة الكرسى نفسة بس عموما انا بردة طولي 170 سم وركبت بوما كتير وكنت شايف عادي لان اصلا كرسي البوما عالي وممكن يكون الكرسي دة فية حاجة مكسورة من جوة مش بس تنجيد دراع النور في الانسر كويس وبيرعش عادي ومش خفيف ابدا ممكن يكون الدراع دة فية سوستة بايظة او مكسور من جوة المراية الاكسدام دول حجات عادية ممكن تلاقيهم في اي عربة مستعملة بس لو الاكسدام دة متسمكر (واخد معجون يعني) اعتقد كدة متبقاش تريحة عربية وممكن تكون مخبوطة من ورة بصراحة انا مش عارف مكان كويس تكشف عندة من الاخر انا مش شايف العربية دة قدامي بس من كلامك العربية دة شكلها متبهدلة وعموما متخدش كلامي دة بشكل نهائي لما تلاقي مكان كويس تكشف عندة عالاعربية انت ممكن تقرر التعديل الأخير تم بواسطة taiko ; 03-02-2010 الساعة 03:33 AM
|
|
#3
04-02-2010, 02:26 PM
|
|||
|
|||
رد: رايكم ايه في اللانسر دي؟ موديل 2008
+111111111
بجد حرام تحط المبلغ ده حتى لو قسط فى هذه السيارة من كلامك العربية مخلصة يعن حيبقى قسط ومصاريف يا عالم بيها ربا يهديك للى فيه الخير
|
|
#4
04-02-2010, 02:39 PM
|
||||
|
||||
|
رد: رايكم ايه في اللانسر دي؟ موديل 2008
متهيالى العربيه فيها حاجه غلط ........اولا رشه بره نظافه وهى 2008 تبقى حاجه تقلق".وحتى لو افترضنا ان كلامه صح يبقى العربيه كانت تحت ايد واحد سواقته اى كلام عشان يوصل لمرحله رش كامل من بره فى سنه ونص ولا سنتين
ثانيا الفوانيس مشبره يبقى وش كده مش اصليه عشان الاصليه استحاله فى المده دى تشبر يبقى كده دى كانت واخده خبطه فى الوش ثالثا السعر اعتقد انه كتير شويه من رايي تبعد عنها وبلاش تغامر .......وربنا يوفقك فى الاختيار
__________________
 E.T.S.H
|
 |
|
|
