|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
 |
|
|
أدوات الموضوع |
|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
|
|
أدوات الموضوع |
|
#1
31-01-2010, 09:18 PM
|
|||
|
|||
إيه الفيصل فى الحكم على حجم الزيت الناقص من الماتور
السلام عليكم ورحمه الله وبركاته
اللى اعرفه ان الماتور عندى بياخد 4 لتر زيت ( ده اذا غيرت الفلتر) و 3 ونص ( بدون تغيير الفلتر) وده اللى حصل فى اليوم اللى رحت غيرت فيه الزيت الصبح قبل ما ادور العربية عايرت الزيت بالمقياس لقيته تحت علامه MAX بشوية ومكنش لسه جه ناحيه ال MIN المهم فى اليوم ده كملت 1200 كيلو على الزيت ده وانا بغير الزيت كل 1000 قولت اروح اغير الزيت وانا عند الراجل قولت له يقيس لى الزيت اللى نازل علشان اعرف العربية كلت زيت قد ايه ( لان فى دخان من الفايظ والمكيانيكى قال لى ان ده طقم شنبر) سرحت عن الراجل شوية لقيته جه قال لى ان الزيت اللى نازل 2 كيلو ( وانا مغيرتش الفلتر) فمعنى كده ان حجم الفقد فى الزيت هو كيلو ونص طبعا اتوهمت من الرقم ومشيت وانا مش عارف افكر المهم وانا بتكلم مع واحد زميل لى قال لى ان الراجل ده اى كلام لان انا لما عايرت مقياس الزيت الصبح كان العلامه فوق ال MIN وقال لى ان المسافه ما بين ال MAX و ال MIN تيجى حوالى نص لتر بس هل الكلام ده صح وهل مقياس الزيت لما يكون عند الوضع MIN يكون حجم الزيت الموجود قد ايه وهل المسافة بين ال MAX و ال MIN حوالى نصف لتر زيت؟
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S 
|
|
#2
31-01-2010, 10:06 PM
|
||||
|
||||
|
رد: إيه الفيصل فى الحكم على حجم الزيت الناقص من الماتور
أول حاجة حضرتك ما ذكرتش نوع العربية اية
لكن الرد بصفة عامة عن مشكلة عربيتك ممكن تكون كالاتى تسريب الزيت و نقص كميته فى فترات قصيرة ممكن تكون من سببين الأول تأكل الزيت عن طريق حرقه داخل المحرك و ده بيكون نتيجة الخلوص الكبير بين المكبس ( البستم و الشميز ) و أكيد بيبان فى لون العادم المائل للزرقة و الحل بيكون فى عمل عمرة للمحرك و السبب التانى من وجود تسريب فى جوانات زى جوان غطاء التاكيهات أو جوان الكرتيرة او من الطبة بتاعة كرتيرة زيت المحرك و طبعا بيعمل بقعة زيت تحت العربية و الحل فى تغيير الجوان او الطبة أو غطاء الزيت التالف بس فى نقطة مهمة جدا وانت بتقيس الزيت إن العربية تكون واقفة بدون ميل أفقية عشان تاخد مقاس صح بالنسبة للفرق بين العلامتين على المقاس فى الغالب بيكون الفرق بينهم أكتر من كيلو فى معظم العربيات
__________________
شارك دافع عن أفكارك
|
|
#3
31-01-2010, 10:55 PM
|
||||
|
||||
|
رد: إيه الفيصل فى الحكم على حجم الزيت الناقص من الماتور
اهلا يا مجدي باشا ازيك
بالنسبه لحاله عربيتك فعلا محتاجه عمره او شنبر لان كيلو زيت يتحرق في 1200 كيلو دا كتير
__________________
حـازم خـضـر
|
|
#4
31-01-2010, 11:35 PM
|
|||
|
|||
رد: إيه الفيصل فى الحكم على حجم الزيت الناقص من الماتور
وكنت مراعى كل الشروط ان العربية واقفه عدله وراسية على الارض ومفيش ميل وانى اخدت القراءة الصبح قبل ما اشغل الماتور
يا ريت تقول لى ان كان فيه مقابله قريب علشان عاوز اجى واتشرف بيكم انا عارف ان العربية بتاكل زيت واكتر من ميكانيكى قال لى انها عاوزه طقم شنبر ده غير انى كنت عملت هنا موضوع وطلعت بنفس النتيجه السؤال هنا هل قياس مقياس الزيت له دلاله على كميه الزيت الفاقد طب ما هوا فى الحاله دى بما انى فقدت اكتر من ربع كميه الزيت اللى فى المحرك(بمقياس الراجل) وازاى مقياس الزيت بتاعى لسه فوق علامه ال min بكتير عاوز اتاكد من طريقة قياس الزيت المحروق هل امشى مع قياس الراجل اللى بغير عنده وده قاس الزيت لما نزله ولا امشى مع قراءات مقياس الزيت اللى عندى فى العربية (ملحوظه: بحط فى العربية 4 لتر زيت ان غيرت الفلتر او 3 ونص اذا مش غيرته وفى الحالات دى مستوى الزيت بيبقى اعلى من MAX بكام مللي)
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S
|
|
|
|
