مطلوب كريستاله نظيفه جدا

[waelbaha]

السلام عليكم ورحمة الله وبركاته
معلش يا جماعه عاوز مساعدتكم في الموضوع ده لاني اول مرة اشتري عربية وخايف اقع على بوزي وربنا يستر

اولا انا اعرف ان افضل انواع اللانسر هو الكريستاله - صح ولا غلط؟ ولو غلط ايه الصح؟
ثانيا اعرف برده ان افضل موديل في الكريستاله هو 2000 صح ولا غلط؟
ثالثا لو عاوز اشتري كريستاله 2000 او الموديل اللي حتقولوا عليه احسن منه يبقى اعمل حسابي في كام بالظبط؟
رابعا ايه امكانيات العربيه دي اذا كانت فول اوبشنز اوتوماتيك ولو فيها حاجه ناقصه هل ينفع اركبهالها بعد كده ؟
خامسا هل العربيه دي انجكشن ولا كاربيراتير؟
سادسا العربية دي الاحسن فيها مواصفات الخليجي ولا لا؟
سابعا حجم الموتور اللي باتكلم عنه هو 1600 سي سي طبعا مش اقل
ثامنا حد يدلني على معرض سيارات محترم وعنده عربيات نظيفه احسن ما اروح لاي حد

ارجو ان اجد اجابات شافيه عندك جزاكم الله خيرا
واسف على الاطاله

[medo akef]

المشاركة الأصلية كتبت بواسطة waelbaha السلام عليكم ورحمة الله وبركاته معلش يا جماعه عاوز مساعدتكم في الموضوع ده لاني اول مرة اشتري عربية وخايف اقع على بوزي وربنا يستر اولا انا اعرف ان افضل انواع اللانسر هو الكريستاله - صح ولا غلط؟ ولو غلط ايه الصح؟ مفيش الكلام ده حسب فلوسك بتشتري العربيه لو معاك 116 الف تجيب 2010 طبعا هتكون افضل من الكرستاله بمراحل الكرستاله يشترونها عشاق السرعه و يقومو بتعديلات عميقه و مكلفه جدا فيها لكي تصبح سياره سوبر رياضيه و ده مكلف جدا طبعا اما الناس العاديه ولله انت محدد مثلا 50 او 45 الف للعربيه يبقا هي الكرستاله احسن عربيه في السعر ده مش في لانسر عموما ثانيا اعرف برده ان افضل موديل في الكريستاله هو 2000 صح ولا غلط؟ اه هو اخر اصدار ليه بس لا اكثر ولا اقل و فيه بعض اللمسات الجماليه الذياده ثالثا لو عاوز اشتري كريستاله 2000 او الموديل اللي حتقولوا عليه احسن منه يبقى اعمل حسابي في كام بالظبط؟ كرستاله 2000 اوتوماتك فول اوبشن 1300 ب50 و ده طبعا بعد ما يشفها ميكانيكي و عفشجي و يقولو تمام رابعا ايه امكانيات العربيه دي اذا كانت فول اوبشنز اوتوماتيك ولو فيها حاجه ناقصه هل ينفع اركبهالها بعد كده ؟ مفيش فيها كل الحجات العاديه زجاج كهربائي و بور و ريموت غالبا و فتحت سقف بس مش هتبقا طبعا زي الجديد نقصه حجات عنه زي مثلا الوسادات الهوائيه و منع اداره المحرك بدون المفتاح الاصلي و بعض الاشياء المتطوره و الحديثه خامسا هل العربيه دي انجكشن ولا كاربيراتير؟ لا انجكشن علي حد نظري سادسا العربية دي الاحسن فيها مواصفات الخليجي ولا لا؟ طبعا الخليجي افضل من المصري في اي عربيه بدون اي استسناء سابعا حجم الموتور اللي باتكلم عنه هو 1600 سي سي طبعا مش اقل مفيش لانسر كرستاله بتطلع من المصنع 1600 كله 1300 لو عاوز 1500 من المصنع يعني متلعبشي فيها في عربيه اسمها متسوبيشي لانسر ميراج دي فرق حجم خفيف و الفوانيس الي وره مفهاش الحته الي في الشنطه و بعض المميزات و هي 1500 من المصنع ممتازه الحقيقه بس قليله ثامنا حد يدلني على معرض سيارات محترم وعنده عربيات نظيفه احسن ما اروح لاي حد مادام انت جديد بلاش معرض لانهم اغلبهم حرميه و شوف كام صديق بتثق فيهم اوي يدورو معاك و تجيب ميكانيكي و سمكري محترمين اوي و امينين و تراضيهم عشان يفلو العربيه حته حته و ميتفقوش مع لتاني عليك ولا حاجه ارجو ان اجد اجابات شافيه عندك جزاكم الله خيرا واسف على الاطاله

بس يا مان انت بتعرف تسوق؟
جربت تسوق عربيات تنيا يعني متمكن ولا هتجيب دي تتعلم عليها لو هتعلم عليها بلاش لانسر تبهدلها حات سوفت او 128 احسن لان حرام تبهدل لانسر

[waelbaha]

المشاركة الأصلية كتبت بواسطة medo akef بس يا مان انت بتعرف تسوق؟ جربت تسوق عربيات تنيا يعني متمكن ولا هتجيب دي تتعلم عليها لو هتعلم عليها بلاش لانسر تبهدلها حات سوفت او 128 احسن لان حرام تبهدل لانسر

اشكرك يا ميدو على ردك المحترف
واحب اطمنك انا الحمد لله باعرف اسوق بس على قدي يعني
والحمد لله معايا رخصة سواقه من 20 سنه بس
اما العربيات اللي كانت معايا فهي كالتالي
ميه ثمانية وعشرين ثم بولونيز في مصر
هوندا اكورد 89 ثم هوندا اكورد 92 ثم اخيرا هوندا اكورد 2008 وكنت جايبها زيرو ولله الحمد بس ده في الامارات
ولما رجعت مصر قلت اشتري عربيه زيرو بس للاسف اتصدمت بالاسعار المبالغ فيها جدا وقررت اجيب عربية في الحدود دي ولو لفترة مؤقته اشوف فيها الدنيا ماشية ازاي
بس ياسيدي هو ده تاريخ حياتي
وتحياتي ليك واشكرك على ردك مرة تانيه

[hazem_khidr]

الكرستاله الموجود في مصر معظمها 1300 كاربيراتير و قليل اوي منها 1500 بيكون موتور متغير و بيركب الكابيراتير بالمنافو مكان الانجكشن
بالنسبه لافضل ما فيها فهيا كلها واحد و 2000 مش احسن و لا حاجه و كل الفرق بين ال2000 و ال99 هو الشبكه الاماميه فقط و اختلاف طفيف كمان.
اما بالنسبه للخليجي و المصري فالكريستاله كلها اللي جات مصر الفتره دي كانت مواصفاتت خليجيه و مافيش منها مواصفات مصريه نهائي
اما بالنسبه للسعر لو عاوز عربيه نضيفه اوي حتلاقيها غاليه
انا جايب واحده من 6 شهور بسم الله ما شاء الله فابريكه و نضيفه جدا
و 98 و تكييف و باور فقط و دافع فيها 50 الف علشان نضافتها
فلو حبيت تجيب اتوماتيك و موديل اعلي و فول اوبشن حتلاقيها اغلي بكتير

[waelbaha]

اشكرك يا كريم باشا على المعلومات القيمه دي
جزاك الله خيرا
وربنا مايحرمنا من نصائحك