كيف اعرف سنه صنع السياره

[بهاء العنانى]

كيف اعرف سنه صنع السياره
انا ان شاء الله ساشترى نيو اكسنت 2010 كيف اتاكد انها 2010 وليست بواقى 2009
العربيه زيرو

[mesho70]

معلوماتى ان سنة الصنع فالسيارات الهيونداى بتكتب فى ( بطاقة تعريف ) معدنى يظهر عند فتح باب السائق

و بالنسبة للسيارات المستوردة بتكتب سنة الصنع فى الافراج الجمركى ( وهو الاكيد ) وقد تجد ان السيارة مكتوب

على ( بطاقة التعريف ) سنة الصنع 2009 ( اخر شهرين فالسنة ) بالرغم من ان الافراج الجمركى بيكون موديل

2010 ودة ان العربية ممكن تكون نازلة فى نهاية 2009 وهى موديل 2010

اما موضوع انها بواقى فانت ممكن تجد سيارة موديل 2008 وزيرو ( كسر زيرو ) لو كان يمكن تغير الموديل

كان تم هذا و اتباعت على انها 2010 طالما ان الشكل لم يتغير لكن دة مبيحصلش

المعلومات دى انا سمعتها لان هذا الموضوع شغل بالى فترة وكانت دى اجابتة ارجو ممن لدية معلومات اكتر

او فية حاجة غلط فى كلامى يصححها مشكور

مع تمنياتى لك بالتوفيق

[بهاء العنانى]

الف شكر لاننى ساستلم السياره بعد حوالى ساعه وفجاه خطر ببالى هذا السؤال
وانت عارف اليومين دول ؟؟؟

اكرر شكرى

واتمنى توضبح اكثر يعنى لو على القطعه المعدنيه مكتوب 2009 اعمل ايه ؟؟؟
استلمها ام ده تزوير وهى بواقى فعلا لعام 2009 وعملوا التخفيض 2000 جنيه عشان كده
تخفيضات الوكيل منذ شهر

[mesho70]

ربنا يوفقك اخى بهاء ويكرمك

بالنسبالى انا مريت بالتجربة دى لما اشتريت الانسر فى اول شهر 11 / 2009 واتقلى انها 2010

لكن وانا بشوف ( البطاقة الموجودة اسفل باب السائق ) كان مكتوب عليها انتاج سبتمبر 2009

وهنا كدت ان اغير رأى فالشراء لكن مندوب المبيعات اعطانى الافراج الجمركى وكان موديل السيارة

بة 2010 و( الجمارك مش بتجامل حد ) كما ان السيارة مختلفة عن موديل 2009 وكمان شفت موديل 2009

كان مكتوب علية انتاج سبتمبر 2008 ودة اكد لى الكلام كما ان المنطق بيقول اننا لسة فى سنة 2009 كيف يكون

الانتاج 2010 !! وطبعا ً الورق الخاص بالشراء كان كلة وكمان الرخصة بعد كدة كانت 2010

بالمناسبة انا لما استلمت العربية شفت كل حاجة ويارت انت كمان تشوف انتاج الكاوتش والاستبن

( بيبقى بة الاسبوع والسنة وكمان البطارية بيبقى عليها تاريخ الصنع ) اعتقد ان دى الحاجات اللى ممكن

يتغير فيها وكمان تتاكد من الولاعة والكوريك والاستبن مع التشيك الكامل واعذرنى انى بكتب بسرعة

كما ان هذة تجربة شخصية انا مريت بها والرأى لك فالنهاية لان معلوماتى محدودة

فى هذا الموضوع وياريت تاخد رأى اصحاب الخبرات مع تمنياتى لك بالتوفيق

[بهاء العنانى]

المشاركة الأصلية كتبت بواسطة mesho70 ربنا يوفقك اخى بهاء ويكرمك بالنسبالى انا مريت بالتجربة دى لما اشتريت الانسر فى اول شهر 11 / 2009 واتقلى انها 2010 لكن وانا بشوف ( البطاقة الموجودة اسفل باب السائق ) كان مكتوب عليها انتاج سبتمبر 2009 وهنا كدت ان اغير رأى فالشراء لكن مندوب المبيعات اعطانى الافراج الجمركى وكان موديل السيارة بة 2010 و( الجمارك مش بتجامل حد ) كما ان السيارة مختلفة عن موديل 2009 وكمان شفت موديل 2009 كان مكتوب علية انتاج سبتمبر 2008 ودة اكد لى الكلام كما ان المنطق بيقول اننا لسة فى سنة 2009 كيف يكون الانتاج 2010 !! وطبعا ً الورق الخاص بالشراء كان كلة وكمان الرخصة بعد كدة كانت 2010 بالمناسبة انا لما استلمت العربية شفت كل حاجة ويارت انت كمان تشوف انتاج الكاوتش والاستبن ( بيبقى بة الاسبوع والسنة وكمان البطارية بيبقى عليها تاريخ الصنع ) اعتقد ان دى الحاجات اللى ممكن يتغير فيها وكمان تتاكد من الولاعة والكوريك والاستبن مع التشيك الكامل واعذرنى انى بكتب بسرعة كما ان هذة تجربة شخصية انا مريت بها والرأى لك فالنهاية لان معلوماتى محدودة فى هذا الموضوع وياريت تاخد رأى اصحاب الخبرات مع تمنياتى لك بالتوفيق

الف شكر اخى الحبيب