سؤال هام بخصوص السيراتو 2010

[joophy]

الأخوة الأفاضل أعضاء المنتدى
عندي سؤال هام بخوص السيراتو 2010 الجديدة بصراحة ان كنت ناوي اشتريها وفى ناس قالو لى ان العربية دى كانت عاملة اعلى مبيعات فى 2009 فى مصر بس لاحظت على موقع كونتاكت كارز ان فى ناس كتير جدا عارضين العربية للبيع برغم انها عاملة كيلو مترات قليل قوى يعنى من 1500 الى 3000 كم
فهل يا ترى العربية دى ظهر فيها عيب واحنا منعرفش ولا ايه الموضوع؟
ارجو الافادة من الاخوة الافاضل الخبراء لان الموضوع مقلق بالنسبة لى

[hazem_khidr]

مشكله العربيه ان اللي شارينها بيحاولوا يعاملوها بخشونه و معتقدين انها سياره سبور
لذلك بنسمع عنها انها ممكن تتقلب كتير و فعلا حصلت حادثه و كنا قرينا عنها في المنتدي هنا
و في رأيي ان اي مشكله في عدم ثباتها حترجع الي التعليق الخلفي المتصل(دنجل زي ما بيسموه)
و ليس منفصل مثل باقي السيارات الحديثه و اقربها شقيقتها الالنترا

[Dr. Bolbolan]

أعتقد فيه جزء تانى من المشكله ! ان السياره بهرت ناس كتير ! وأصبح فيه حاجه اسمها حمى السيراتو !

وأصبح حلم عند كثير من الناس عايزين يحققوه وهوانهم يمتلكوا و يركبوا السيراتو ! و بم أن السياره مش

رخيصه ! فان اللى اشتراها قسط أو حتى كاش بكل ما يملك ! بيكتشف بعد ما حقق حلمه انها سياره عاديه

لها مميزاتها و عيوبها ! وأن باقى قسطها أو ثمنها ماهو الا عبأ كبير عليه ! فيقرر بيعها بعد أن يعود الى رشده !

وليس أدل على ذلك من الاعلانات التى نراها عن سيراتو 2010 للآيجار بسائق ! و ماهى الا محاوله لتجميع

قسطها ! اذ ما هو الداعى أن أشترى سياره ب 116 أو 126 ألف لآقوم بتأجيرها لمشاوير لن تجمع ربع ثمنها

فى 5 سنوات ؟؟؟ قد يكون رأيى هذا متطرفآ ! بس دى وجهة نظرى !

Dr. Bolbolan ptmnlo123per1147

[مورو]

يا دكتور اشتريها ولا لأ انا محتار بينها وبين الالنترا

[Dr. Bolbolan]

المشاركة الأصلية كتبت بواسطة مورو يا دكتور اشتريها ولا لأ انا محتار بينها وبين الالنترا

علشان أكون برىء من ذنبك ! اشترى الالنترا !

Dr. Bolbolan