أنا عايز نصايح كتيرة PLZ

[sasa_eng]

الأخوة الأعزاء أعضاء المنتدى الأفاضل

الحمد لله أنا إشيترييت جوليت لانوس مو 1999
وطلعت عاملة 90 ألف كيلو
حالتها الحمد لله كويسة

ديه أول مرة أشتري عربية مو فوق التسعيين وبكل الكمالييات

المشكلة أنا ما عنديش خبرة في السيارات الحديثة

فكنت عايز خبرتكم

1- ماذا أفعل بعد الشراء
2- ما هي الصيانات الدورية للسيارات (الزيت - الفرامل - الماتور - التكييف - وغيره ....)
3- ما هو أحسن بنزيين للـ لانوس 90 ولا 80 وميين بيمشي العربية أكتر
4- أريد أن أهتم أكثر بالعربية وأعرف عنها حاجات أكتر

وجزاكم الله كل خير وشكراً مقدماً للمساعدة

[djdragon]

بص ياباشا اهم حاجة انك تبص علطول على الزيوت كلها وتفضل عارف مقاسات الزيوت كام بشكل دورى وكمان البنزين ال 80 كويس جدا للعربية دى بس خلى بالك ابقى غير فلتر البنزين كل شهرين مثلا ومعاة فلتر الزيت كمان عشان تحافظ على العربية من الرواسب الى فى البنزين 80 واهم حاجة بردة ابقى شغل التكييف فى الشتاء شوية كل فترة ودى صيانة التكييف عشان ما يتمليش تراب بس والموتور علطول خلية نضيف وكمان اى صوت غريب فى العربية شوفة علطول ما تمشيش على العربية وهية فيها اى صوت غريب عشان التاخير فى الحاجات دى بيعمل مصايب بالذات فى الدايو
ويارب اكون افدتك والف مبروك على العربية وربنا يكفيك شرها ويجعلها قدم خير عليك انشاء الله تقبل مرورى

[sasa_eng]

شكراً أخي العزيز djdragon
على هذه النصائح الجميلة
وبالمناسبة أنا كنت عايز أعرف زيت الباور بيتغير ولا بيفضل طول عمره كده وهل ليه نوع معين من الزيوت

[بدر بسيونى]

المشاركة الأصلية كتبت بواسطة sasa_eng الأخوة الأعزاء أعضاء المنتدى الأفاضل الحمد لله أنا إشيترييت جوليت لانوس مو 1999 الف الف مبروك ربنا يباركلك فيها ويكفيك شرها وطلعت عاملة 90 ألف كيلو حالتها الحمد لله كويسة الحمد لله ديه أول مرة أشتري عربية مو فوق التسعيين وبكل الكمالييات المشكلة أنا ما عنديش خبرة في السيارات الحديثة فكنت عايز خبرتكم 1- ماذا أفعل بعد الشراء اتاكد من حالة الكاوتش لو وحشة غيره باربع فرد جديدة من صنع السنة اتاكد من حالة السيور اللى فى العربية وخصوصا سير التقسيمة والدينمو اتاكد من حالة البوجيهات ولو مش قوى غيرهم اتاكد من كهربة العربية والاضاءة واللمبات اللى فى العربية اتاكد من تيل الفرامل الامامى والخلفى وحالته واذا احتاج تغغير تغيره فورا اتاكد من زيت الفرامل وزيت الجير بوكس ومستواهم وحالتهم ولو فى اى حته البويه متشالة ادهنها عشان ماتصديش واتاكد من الفريون ودايرته وشحنه 2- ما هي الصيانات الدورية للسيارات (الزيت - الفرامل - الماتور - التكييف - وغيره ....) تغيير زيت المحرك التاكد من مستوى زيت الفرامل والباور والجير بوكس ولزوجتهم تغيير تيل الفرامل بصورة منتظمة حرصا على سلامتك كل سنة اتاكد من شحن الفريون وعدم وجود ثقوب بدائرته 3- ما هو أحسن بنزيين للـ لانوس 90 ولا 80 وميين بيمشي العربية أكتر الموضوع له علاقة بمعدل انضغاط المحرك وليس نوع البنزين وهذا المعدل اللى بيخليك تحط نوع البنزين ولو سمحت اقراالموضوع ده حتفهم المقصود http://www.masrmotors.com/vb/showthread.php?t=4162 4- أريد أن أهتم أكثر بالعربية وأعرف عنها حاجات أكتر بالمران ومع الاستخدام حتلاقى نفسك فهمت كل حاجة العربيات زى اى حاجة فى الدنيا بالمران والاستخدام تزداد فهمك والعربية كل ماحتهتم بيها حتريحك وتحببك فيها حتهملها حتعذبك وتكرهك فى العربيات اهتم بنظافة العربية كل فترة وخصوصا من تحت عشان الطينة والتراب حتخلى العربية تصدى وجزاكم الله كل خير وشكراً مقدماً للمساعدة

واى معلومة انا تحت امرك والف مبروك ياباشا

[sasa_eng]

شكراً للأخ بدر بسيونى

نصائح جميلة جداً وجاري التنفيذ