الي كل من يريد شراء سيارة هيونداي نيو اكسنت

[ابو يمني]

الي كل اعضاء المنتدي المتحيرين في شراء السيارة النيو اكسنت انا كنت في نفس الحيرة وكنت بفاضل بينها وبين سيارات كثيرة استعمال وجديد بس طبعا انا مقتنع ان الجديد افضل 100 مرة من المستعمل المهم انا بعد مقارنات كثيرة وجدت ان في سعر اقل من 90 الف جنية هي افضل سيارة موجودة (مع مراعاة عدم تفضيلي للماتريكس) من حيث قوة الماتور والثبات وتوافر قطع الغيار خارج التوكيل واتساع الصالون وسعر اعادة البيع ودة اللي يهمني في اي عربية
وسوف اكتب لكم مميزات السيارة وعيوبها وطبعا الكلام دة انا عرفتة من مالكي السيارة وسالت من اول 2006 الي 2010 وطبعا هذة اراء ناس كتير منهم من يملكون السيارة ومنهم تجار حتي سائق التاكسي انا سالتة علي العربية عشان اعمل تقرير وافي (علي فكرة سائق التاكسي سيارتة 2008 عامل بيها 180 الف كيلو بسم الله ما شاء الله)المهم
مميزات السيارة
1-ماتور 1600 ccvt موفر جدا في استهلاك البنزين حتي سرعة 100 كيلو(ماتور قريب جدا من ماتور الالنترا)
2-عفشة تكاد تكون رياضية تعطي ثبات في السرعات العالية حتي 150 كيلو مع المناورات .
3-فرامل جيدة علي السرعات العالية (هي نفس فرامل الالنترا)
4-شكل جديد وان كان يشبة الكيا الريو الي حد بعيد.
5-يوجد بها جميع الكماليات تكييف وباور هيدرولك واربع زجاج كهرباء وانذار.
6-صالون متوسط الاتساع ولكن يسع الي 5 اشخاص من الاوزان العادية وعن تجربة.
7-ارتفاع عن الارض مناسب جدا لشوارع مصر وان كان يلزم للسيارةا جنوط 15" بتفرق جدا في الاداء والفرامل
8-سهولة في القيادة ونعومة السيارة تكاد لا تكون كوري (الكلام دة عن المانيول مجربتش الاوتامتك)
9-توافر قطع الغيار في التوكيل و خارج التاوكيل بداية من 2009 اصبح يتوفر التقليد ( الصيني يعني) مثل باقي سيارات هيونداي
10- سهولة الصيانة لان مركز الخدمة اصبحت تحفظ سيارات هيونداي
11- سعر اعادة البيع المتميز مثل باقي سيارات هيونداي
عيوب السيارة
1- الباور الكهرباء وتم الغاؤة من 2009 واستبدل بباور هيدورلك عادي (عبقرية غبور افندي)
2-قطع الغيار غالية نسبيا لسيارة كوري من انتاج هيونداي لكن انا قولت من 2009 اصبح يوجد منها التقليد باسعار زهيدة لليحب يوفر بس طبعا كلة علي حساب الجودة بس قطع الغيار الاصلي فعلا جيدة ومعمرة
3- العفشة نشفة قليلا جدا بس دة بيعطي ثبات علي السرعات ولو تركب جنوط مش هتحس بالموضوع دة خالص ولا حتة موضوع التنطيط اللي في ناس بتقول علية مع اني ماشفتش اي تنطيط
4- ضيق السيارة بالنسبة لعائلة كبيرة او اصحاب الاجسام الكبيرة يفضل لهم السيارة الالنترا طبعا لاتساع الصالون
5-صوت الماتور عالي شوية بعد 3 ار بي ام بس بيعطي احساس بقوة الماتور
6 - وطبعا اهم عيب في السيارة هو توكيل غبور

وطبعا دة راي الشخصي بس انا فعلا سالت كتير جدا وان شاء الله او ما استلم هعملكم تقرير وافي عن السيارة ومعلش طولت عليكم
ptmnlo123per122ptmnlo123p er122

[صبرك يارب]

انا برضوا حجزت العربية ولسه ما استلمتهاش بس والحمد لله كلهم يبشكرا فيها اوي وعن ضيق الصالون هو مش ضيق اوي للدرجة دى بس العربية فعلا تستاهل تمنها وكمان احسن حاجة الواحد يشتريها دلقتي عشان فيها خصم 2000 جنيه

[lol64]

مبروك عليك يابو يمنى وانشاء الله تكن مبروكه عليك
انا كمان حجزت الالنترا بعد ماعملت نفس اللى انت عملته لدرجه انى اجرتها يوم من معرض سيارات عشان اطمن
وبرضه اول مااستلم هاعمل تقرير هنا فى المنتدى

[hazem_khidr]

الف مبروك يا باشا
ربنا يديك خيرها يا ابو يمني و يحميك من شرها
يا ريت تقولي جبت لون ايه و ايه انطباعك عنها

[بهاء العنانى]

فعلا هى سياره رائعه ولكنى لم اجرب قيادتها لقد شاهدتها بالامس فى احدى معارض السيارات وسعرها اليوم 75900 حتى نهايه شهر يناير 2010

وبخصوص العيب الذى تحدثت عنه ففعلا انه رايت السياره يقودها احد الاشخاص والسياره كانت بتتنطط من الخلف لا ادرى هل يايات السياره ام المساعدين لااعرف ما السبب مع ان السياره سرعتها لاتتجاوز 60 كم
عموما سياره رائعه بمعنى الكلمه من الداخل ومن الخارج
وميزه شنطه السياره الكبيره جدا والتى تفاجات بمقاسها الواسع بالرغم من انها توحى بصغر الشنطه ولكن يوجد عمق كبير للداخل ورائعه من الداخل جدا