|
#1
14-12-2009, 09:39 PM
|
||||
|
||||
يا ناس يا عسل...السيراتو الدكر ....وصل !
الحمدلله و بفضل الله استلمت اليوم فى ساعة المغربيه ! حته نيوسيراتو كوريه !
و الحمدلله فيه ناس بتحب اليابانى و ناس بتحب الكورى ! أنا بأه بحب الاثنين ! و جمعت الاثنين ! قادر و فاجر بأه ! ( طبعآ هزار ده أنا أخيب خلق الله ) ! و كان معى ابنى" أحمد شوازينجر " و حضر لنا ( مشكورآ ) بس متأخرآ ابنى العزيز الثانى " أحمد كار الثانى عشر " الشهير بالقرصان ! طبعآ فيه كلام كثير عايز أحكيه عن الحيره و الكلام اللى سمعناه عن السيراتو ! بس أحب أطمأن الحاجزين انى فى طريقى من معرض التوكيل لبيتنا ( مسافة 6-7 كم ) عملت كل التجارب الممكنه من تسارع لرزع مقصود فى المطبات لترك الدركسيون وسايق برجلى فقط ! طبعآ مسافه لا يمكن الحكم فيها على الآمور ولكنى بخبرة 45 سنه قياده للسيارات أقدر أقول لكم ان السياره تستاهل كل "بنس " قصدى كل مليم مدفوع فيها ! ولا بتحدف يمين ولا شمال و لا بتدب فى المطبات ( مقبوله جدآ ) ! و صوت الموتور مش عالى والكراسى مش ناشفه ( الناس مش فاهمه ) القعده ناعمه و طريه و كلها حنيه لكن الظهر ناشف لآن ده هوه الصحى و يحافظ على عمودك الفأرى ! أنا كل اللى كان مضايقنى انى رغم طولى النسبى فانت لا تعرف تشوف وراك من المرآه الداخليه ! كمان كنت بآخد يوترن 180 درجه ما لاحظتش ان الدركسيون بيرد زى الكورولا ورجعته بنفسى لا شعوريآ ! ملاحظه أخيره ! أقسم بالله كنت حاسس ان السيارات اللى جنبى عايزه تخبطنى بالقصد ! باى باى والى مشاركات أخرى عن النيوسيراتو ! وسأواليكم بآخر الآنباء ! Dr. Bolbolan 
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#3
14-12-2009, 09:47 PM
|
||||
|
||||
|
رد: يا ناس يا عسل...السيراتو الدكر ....وصل !
و جون و جون و جون ألف ألف ألف مبروك يا دكتور الفرحة حلوة علشان جاية بعد طول إنتظار أظن أنا ليا الحلاوة جبت لك الخبر من الكنترول لا صحيح ألف مبروك ربنا يبارك لك فيها و يحفظهالك من كل شر و يكفيك شرها كمان و دايما كده نفرح معاك بالأخبار الجميلة
|
|
#5
14-12-2009, 09:54 PM
|
|||
|
|||
|
رد: يا ناس يا عسل...السيراتو الدكر ....وصل !
مبروك يادكتور العربية اخيرا ......................... ....
مستنين الصور ....ولازم تدبح خروف وناخد الحلاوه  :12C18 6~161:
|
 |
|
|
