أرجو الافادة

[MamaDo2000]

السلام عليكم ورحمة الله وبركاته

طبعا انا سعيد انى انضميت لاسرة موقع مصر موتور
وبجد انا سعيد جدا لانى لقيت كل معلومة كنت محتاج اعرفها عن العربية
( رينو لوجان)
وكل ده بفضل السادة اعضاء الموقع من مشرفين واعضاء .. الخ
دلوقتى معلش عايز اطلب منكم طلب أخير

انا عايز اعرف العيوب بالظبط اللى الناس بيقولوا عليها بالتفصيل
زى مثلا صوت الموتور والحرارة والعيوب الاخرى
وهل هيا مؤثرة على الاداء ؟؟

وتنصحونى اجيبها ولا فيه خيار تانى افضل فى حدود نفس السعر

وأخيرا متشكر ليكم جدا يا افضل منتدى سيارات
بجد دى مش مجاملة والله
بس التنظيم فى الاقسام والمعلومات الوافية يجبروا اى شخص انو يقول الكلام ده والشكر ده .

شكرا ...

[m.HaMeD]

اولا اهلا بيك معنا هنا ف المنتدى
الرائع ده

ثانيا انا هديك راى بكل حياديه وانا ممتلك لهذه السياره
التى اعتبرها صفقه رابحه من جميع النواحى

اولا صوت الماتور يبقى عالى نسبيا هذا لفتره التلين فقط وهى اول 1000 كيلو
بعد كده بيهدى جدا وهذا عن تجربه

اما عن موضوع السخونه فانها لايوجد

ولا يوجد اى شىء يأثر ع السياره باتاتا
اخى توكل ع الله ولاتندم
ولا تنسى الاستخاره

والله الموفق

[EgyZizo]

أنا برضه معايا العربية ومشيت بيها 2000 كيلو حتى الآن ..

ولم تواجهنى أى عيوب حتى الآن ..
وآداء العربية ممتاز ..

الفئة دى السيدان فيها : فرنا ولانوس ومؤخرا بروتون ساجا

ممكن حضرتك تدرس الفروق بينهم وربنا يوفقك فى اختيار مناسب

[MamaDo2000]

اولا : متشكر لاهتمامكوا الجميل ده
ثانيا : كنت عايز اعرف قطع الغيار فى التوكيل متوفرة ولا مكن يكون فيه نقص فى قطع معينة
انا عارف ان الاسعار عالية شوية وده بسبب ان العربية لسة مش منتشرة بالدرجة الكافية
لكن القطع متوفرة بالفعل فى التوكيل ؟ ولا لأ ؟؟

[MamaDo2000]

المشاركة الأصلية كتبت بواسطة MamaDo2000 اولا : متشكر لاهتمامكوا الجميل ده ثانيا : كنت عايز اعرف قطع الغيار فى التوكيل متوفرة ولا مكن يكون فيه نقص فى قطع معينة انا عارف ان الاسعار عالية شوية وده بسبب ان العربية لسة مش منتشرة بالدرجة الكافية لكن القطع متوفرة بالفعل فى التوكيل ؟ ولا لأ ؟؟

من فضلكوا حد يفيدنى فى النقطة دى