نداء هل من مجيب

[mnp]

الى اهل الخبرة فى هذا المنتدى العربيه معاى بدات اسمع صوت خبط جامد بالذات فى المطبات ذهبت لبتاع عفشه قالى دة عيب فى الاسكترا وهنحتاج نعملها حشو فكها وغسلها كويس وحط شحم وحاجات زى الجلد سالت دة ليه قال عشان يحكم العلبه بعد ما خلص لقيت الدركسيون ثقيل جدا فسالته قال ان فى ظرف اسبوع هيخف معاك وبعدين حاسس ان العربيه مش مظبوطه فى المشى فما هو السبب

[salahabdelnabi]

هو طبعا الباشا الميكانيكى تقل ايديه فى الحشو شويتين

والمفروض انه خلال اسبوع بالكتير الدريكسيون يرجع طبيعى معاك ولو محصلش تروحله بالذوق تفهمه ان يخف الحشو شوية بدون ولا مليم زيادة تدفعه

مارديش يبقى يشوف منك الوش التانى على طول

اما بخصوص ان العربية مش مظبوطة فده عشان كان لازم بعد الحشو تعمل ظبط زوايا

[mnp]

بارك الله فيك وزادك علما يعنى فعلا العيب دة كان من الاسكترا زى ما قال ولا حاجه تانيه وايه هو الحشو الا بيتم فى لاسكترا زى ايه مثلا

[salahabdelnabi]

الخبط اللى حضرتك سمعته ممكن يكون ليه اكتر من سبب
1- علبة الدريكسيون عايزة حشو
2- مساعد مكسور او القاعدة بتاعته مقصورة
3- المقص مكسور او فيه شرخ كبير
4- جلب المقصات متاكلة
وطالما العفشجى شافها واتأكد ان العيب من الاسكترا يبقى ده احد الاسباب

والحشو بيبقى عبارة عن قطعتين بلاستيك او جلد بيركبو فى الاسكترا مع شوية شحم وتتقفل من برة بكوتش مزيكا عشان التراب مايدخلش جواها ويسبب مشكلة

لكن بعد لما العفشجى عمل كده وبخلاف طبعا تقل الدريكسيون هل صوت الطقة لسه موجود والا راح ؟؟؟

[mnp]

الخبط او الطقطقه راحت بس العربيه حاسس انها مش مظبوطه زى الاسكلتير والدبريج حاسس انهما خفاف
سوال ثانى واسف لازعاجك هو لمفروض المصنعيه على الحشو كام