ساحه تجارب قياده السيارات

[pro mada]

اي عضو ساق عربيه معينه اي كانت
يا ريت يكتبلنا تقرير عن تجربته الشخصيه في سواقه العربيه دي
و طبعا يكتبلنا رأيه الشخصي في العربيه سواء مميزات او عيوب

[محمد مجدى رينوهاوى]

شكراا يا بروا مادا على المواضيع المتميزة وكل سنة وانت طيب
اما بالنسبة لتجربتى مع السيارات فهى تجارب كثيرة مش اوى يعنى بس فعلا كتير بس من اهم تجاربى كانت مع سيارة مكنتش متوقع منها زى ماقيتها والعربية دى كانت هيونداى النترا الشكل الجديد ورغم ان الناس كانت مطلعا عليها سمة سيْة بعض الشى فكنت طبعاا اول الناس الى كانت تريد تجربتها بنفسى للتاكد من صحة الكلام دة فكان الاتى هوا تجربتى من حيث اداء العربية على الطرق السريعة والسرعة القصوى وسحب السيارة من الثبات وثبات السيارة فى الملفات الضيقة والواسعة على الطريق وكفاْة الصالون ووسعة وفخامتة وراحة الركاب من ناحية تعليق العربية وكتمة صوت السيارة على الطريق وهدوء المقصورة الداخلية وشكل السيارة العام
اولا كانت العربية اتوماتك 1600 cc والعربية كانت عملة 26000كم فى سنتين يعنى لسة زيرو فكان السحب بتعها كان كويس بعض الشىْ فكانت بتجمع سرعة على طول وكانت السيارة فى اندفاع حتى سرعة ال140-150 بعد كدة بتتاخر فى الاتدفاع وصولا لسرعة ال210 ودة كان فى حوالى دقيقة وربع كدة
اما بالنسبة للنقل كان بطى شوية فكانت العربية بتغيب شوية بين النقلات اثناء الكيك دون او اسلوب القيادة العادى فكنت بشعر ان السيارة ممورة لوقت اطول مثلا عن التويوتا فكانت التويتا تكاد شعر انها مش بتنقل دى كانت بتسيب الغيار وتروح على الغيار الى بعدة على طول ( حافظة مثلا ) دة طبعاا مش تقليل من قيمة الانترا ولكن ملحوظة طفيفة وممكن مش اى حد ياخد بالة منها .
اما بقى بالنسبة لثباتها فكانت المفجْة منها قوية فكانت العربية بجنوط مقاس 16 ذات كوتش عريض بس مش فاكر مقاسة بالظبط وبدون اى تعديلات فى العفشة فكنت ماشى بالعربية على الكورنيش فى اسكندرية على الساعة 4 الفجر وكنت داخل ارخم واصعب ملف على البحر ملف جليم وكانت سرعة السيارة 100كم وكان ممكن كمان ازود عن كدة بس انا ماجليش قلب بصراحة على شان مش عربيتى وكانت السيارة فى قمة الثبات وكان صاحب العربية مبسوط اوى وانا سايق ptmnlo123per195 بس امانة عليكوا ان مافيش حد يعمل كدة فى عربية اى حد بتاعتة او مش بتاعتة على شان اخرت الجرىوالتهور دايما بتكون ماساوية بعيد عنا جميعااا ولاقدر الله ولا حول ولا قوة الا بالله .
انا عارف بس دة بيكون فى سبيل معرفة الافضل والاحسن وافادة الاخرين فقط ومن الفضول ايضاا بصراحة ونرجع لموضوعنا
كنت وقفت عند ثبات العربية فى الملفات الضيقة اما بالنسبة للملفات الواسعة فكنت ماشى راجع القاهرة على الساعة 6 صباحاا من الطريق الزراعى كان فية كوبرى داءرى مصغر كدة من مدينة كفر الزيات حتى دفرة وكان طولة حوالى 30 كيلو مش فاكر بالظبط فكانت العزيمة على تجربية السيارة بشكل كامل على هذا الطريق . وبالفعل ربنا ستر معايا ومع الى راكبين معايا كمان و قومت بتخطى حاجز ال200 كم فى الساعة ولكن العيب الملحوظ كان ان الباور مازال خفيف جداااا
ولكن من ناحية الملفات كانت السيارة ماسكة نفسها ومش بتعوم وكان على سرعة تقريباا 180 +- 10 كم بس انا اعتقد دة كان بسبب الجنوط والكاوتش العريض بس الحمد لله ربنا ستر وجيبت اخر العربية وكان 210 كم زى ماقلت قبل كدة
وبس كدة كفاية تهور وسرعة نتجة بقى الى الصالون كانت العربية بالداخل فرش بيج بالكامل فكانت من وجهة نظرى فخمة جداا وكانت مكونتها عالية الجودة والتقفيل فى مستوى التيوتا والانسر او ممكن اعلى كمان وكان الوسع من الخلف للركاب كان جميل جداا حيث ان انى لاحظت عند الجلوس بالخلف ان الكنبة الخلفية عريضة بالطول يعنى فكان الى قاعد بالخلف كان مستريح ومكان الارجل معقول وتقيمى لها من الداخل فهوا 3.5 من 5 ptmnlo123per170
ولكن تعقيبى كان على اصوات من التابلوة الامامى كان بيطاع صوت تزييق كدة مش عارفين منينن فى المطبات الصناعية فقط وكانت عزلها عنالطريق مش محكم اوى يعنى كنت بتحس بالمطبات الخفيفة و كمان الصوت الخارجى من تاثير الهواء كان ملحوظ بعد سرعة ال140 ودة كانت تجربتى مع الانترا وبعدين شكل السيارة كان جامد مش حلوة اوى بس جميلة بعد ماركبت الجنوط وكان لون السيارة بتنجانى وهوا احلى لون فيها
وبعد كل دة كانت السيارة من وجهة نظرى انها جميلة وكنت مبسوط كدة وانا سايقها هههههه
انا عارف انى طولت شوية بس استنونى فى تجاربى الاخرى وياريت لو حد عندوا اى تجربة اخرى مع سيارة اخرى يحكي عليها ptmnlo123per1106

[AbOnOrA]

مادا حبيبى انت قولت عايز اعمل موضوع عن تجاربك فى قيادة السيارات مش موضوع الناس تحط فيه تجاربهم لان الافضل كل واحد يحط تجربتة فى موضوع منفصل فى القسم الخاص بالسيارة باسمة علشان الناس ترد على صاحب التجربة مباشره وعلشان اللى داخل قسم الهيونداى مثلا يلاقى تجارب الاعضاء بشكل منظم وواضح لكل عربية

عامة ممكن نسيب الموضوع ده فى العام كدعوه للاعضاء لوضع تجاربهم والمشرفين ينقلو التجارب كل تجربة فى موضوع منفصل فى القسم المناسب

واشكرك على فكره الموضوع ptmnlo123per122

[pro mada]

تجربه قياده هيونداي فيرنا ال 1600 CC
العربيه كانت معايا لمده شهر كامل سوقتها حوالي 800 كيلو و بعدين بعتها المهم
الباور كويس
البدلات خفيفه و سلسه
الفتيس ناااااااااااااااااااااااا اعم زي الياباني بالظبط
العربيه بتجري كويس جدا ( ادائها رياضي )
صاجها ورق بمعني الكلمه
الاضاءه كويسه
الفرامل مش قد كده
السحب ملوش حل
استهلاك البنزين معقول
العزل مش قد كده

[pro mada]

تجربه قياده دايو لانوس ال hatch back
العربيه بقالها شهر معايا و عملت حركه 1500 كيلو تقريبا
الباور كويس
البدلات سلسه
العزل كويس
الفتيس ناعم
الفرامل اكثر من ممتازه
السحب كويس
العربيه بتشطح مش بتجري بس
و الله بجيب بيها ال 100 في العداد و بتقف هوي
العفشه معقوله