مساء الانوار ؟ ممكن اقول حاجة صغيرة ؟

[lomakera]

السلام عليكم ورحمة الله وبركاته انا إسلام ولسه مشترك فى المنتدى و يشرفنى انى اشارك معاكم وارجو انكم تعتبرونى صديقكم ومعلش انا ليا سؤالين الاول : هل فى فرق بين سيارات اوروبا وسيارات مصر يعنى مثلا بى ام دابليو موديل 2004 اللى فى المانيا تختلف عن بى ام دابليو 2004 فى مصر لانى سمعت انه فى اختلاف فى المواصفات والتكنولوجيا زيى وسائل الاتصال بالقمر الصناعى و الكمبيوتر اللى بيتكلم وحاجات من دى

السؤال التانى :معلش انا عايز اعرف رأيكم فى الفرق بين بى ام دابليو موديل 2004 وميرسيدس 2004 من حيث الموتور و قوة الهيكل والعزم ومين فى رأيكم الاحسن فى موديل سنة 2004 واى فئة ؟وشكرا

[د0تامر محمد]

مرحبا بك صديقا عزيزا فى المنتدى
عن سؤالك الأول بالتأكيد هناك فرق بين السيارة المستوردة والتقفيل المحلى من حيث الجودة والمواصفات
كذلك الأوبشن تكون أقل عادة فى الإنتاج المحلى

[hazem_khidr]

اهلا و سهلا بك اخ اسلام معانا في مصر موتورز
بالنسبه للفرق فغالبا اجهزه الملاحه و ما الي ذلك من الكماليات
تختلف من بلد الي اخر
اما بالنسبه للجوده اكيد يوجد فروق و ليست بالكبيره لان تلك الشركات لا يمكن ان
تضحي بسمعتها من اجل التصنيع خارج حدود بلد المنشأ.
اما بالنسبه لسؤالك الثاني ارجو توضيح اي موديلات مرسيدس و بي ام محل المقارنه

[AbOnOrA]

اهلا بيك فى مصر موتورز وكل سنة وحضرتك طيب بمناسبة عيد الاضحى المبارك

اولاً لازم بتبقى فيه فروق بين السيارات المجمعة محلياً والسيارات المجمعة فى بلد المنشاء او اى بلد اخر لان المصنع ملزم بنسبة مكون محلى ونسبة عمالة محلية تختلف عن بره ده اولاً
بالاضافة لان اى مصنع بيطلع عربياتة حسب متطلبات السوق اللى العربية رايحاله فبره مصر فى اختلاف كبير بين الموديلات وبعضها وفى موديلات كتير من العربية الواحدة وعدد التجهيزات والاوبشن اكبر ده لحد دلوقتى الخليجى بيجلنا بكماليات اكتر من المستورد لمصر مباشره

فطبعاً في فروق بس كلها فروق مش جوهرية وفى الغالب اساس العربية شاسية بلحاماته موتور بمكوناتة والات جر وعفشه هى هى نفس العربية الاختلاف بيبقى فى الاكسسوارات والفرش وممكن نظام العادم وبعض اجزاء العفشة وبرضو الموضوع نسبى ويختلف من عربية للتانية بس فى الغالب البى ام والمرسيدس والفئات العالية ديه كلها المكون المحلى مبيخرجش بره صالون العربية والتقفيل عامة بالطبع

واخيراً بالنسبة للمقارنة لازم تحدد الاول موديل وحالة العربية بدام بنقارن بين مستعمل واهم حاجة فى المستعمل تحطها فى دماغك دايما هو فرق الحالة ثم السعر بعد كده الموديل
وخاصة فى عربيات الفئة ديه لان موديل عالى بحالة وحشة او عيب مستخبى يخسر كتير اوى

[m_o_sakr]

أهلا ً بيك يا استاذ اسلام
مواصفات العربيات فى اوروبا مختلفه تماماً عن مواصفات العربيات عندنا
العفشه و دائره التبريد و قوة التكييف و مواصفات الأجزاء الكاوتش و الأمان و انظمة العادم و الكماليات و مواصفات الدهان, كل بلد وكل منطقه ليها مواصفاتها حسب الجو ة اشنراطات قوانين البلد و المستوردين

اما بالنسبه لأنهى افضل bmw ولا مرسيدس فى موديلات 2004 فلازم انت تحدد انت عايز انهى فئه او معاك كام!! وان كان انا افضل ال bmw بس بشرط الحاله