أجيب فرش ال i10 الجديدة منين؟

[أشرف الشفقى]

الحمد لله عملت ال 1000 كم الأولى دلوقتى وصيانة الألف الأولى (فى قليوب)، وأنا من مدينة نصر وجايب العربية من معرض عمارات العبور. السؤال بقه: أجيب فرش للعربية من فين؟

هل أجيب من التوكيل ولا أجيب من مكان تانى أرخص أحسن؟ وأجيبه جلد على قماش ولا قماش ولا جلد ولا إيه الموضوع بالظبط. أنا مُحدَث عربيات فمحتاج شرح بالتفصيل الممل من حد خبرة.

وشكراً مقدماً من أصحاب الخبرة إلّى حيفهمونى العبارة وينصحونى أجيب فرش إيه ومنين أحسن. شكراً جداً يا جماعة.

[a7lahamada]

من سبير كار عند وزارة الداخلية احسن وارخص وجميل جداااا

[AbOnOrA]

اهلا بيك يا استاذ اشرف فى مصر موتورز

هو حضرتك محتاج تتفرج على موديلات كتير الاول علشان تحدد ميولك ورغبتك ايه وزى ماقال لحضرتك استاذ حمادة ممكن تروح محل زى سبير كار عندة موديلات كتيرة جدا سواء قماش او جلد او الاتنين مع بعض وتشوف ايه الانسب سواء جاهز او ممكن حتى تفصل فرش من اول وجديد
لكن مفيش حاجة احسن من التانية لانها مسائلة ازواق وطبيعة استخدام

[ابراهيم داود]

استاز/ اشرف
ممكن تعرفنا جميعا معنى اللنك ده ايه
وبتاسف للاداره انه على العام
انا عضو والموقع عاد على بمعلومات وخبره واقسم بالله انى بعتبر مدين لمصر موتورز وبدون اى غرض

دى عربيه مروتى وبتاعتى


http://i10egypt.blogspot.com

[أشرف الشفقى]

حبيب قلبى. هذه الصور مأخوذة من مدونتى الخاصة على الإنترنت. وهذه صورة سيارتى ال i10 التى اشتريتها منذ شهرين فقط من فرع العبور.

وبالنسبة للصورة الكاملة لسيارتى فهى مأخوذة من أعلى حيث أننى أسكن فى مدينة نصر فى الحى الأول فى شارع مجاور لجنينة مول وأسكن فى الدور الأول ولذا أخذت الصورة وأنا واقف فى البلكونة.

أما الصورة الأخرى، فهى صورة التقطها لأوضح الخدش الذى نتج عن قلة خبرتى بالقيادة للأسف. ولكن حمداً لله وبعد الخدوش الثلاث الأولى لم أخبط السيارة منذ فترة. أتمنى أن يديمها الله عليا نعمه، آمين.

أتمنى أن أكون قد تمكنت من استيفاء الأجابة على أسئلتك.

ملحوظة: الصورة الكاملة للسيارة كانت مأخوذة قبل أن أخبطها. الحمد لله على كل شئ.