كربيراتيرولا انجيكشن انجيكشن ولا كربيراتير

[thesniperman]

ثلاثة اسئله كنت عايز حد يجاوبي عليهم :

1 - ايهما اوفر الكربيراتير ولا الانجيكشن
2 -نسبة التوفير دي اد ايه
3 -دلوائتي في بعض مواضيع تقيم السيارات كان حد بيقول ان العربيه بعد 90كم بيزيد استهلاكها كونت عايز افهم ازا ي وهل الكلام دا صحيح

وشكراptmnlo123per179

[sh_masry]

المشاركة الأصلية كتبت بواسطة thesniperman ثلاثة اسئله كنت عايز حد يجاوبي عليهم : 1 - ايهما اوفر الكربيراتير ولا الانجيكشن 2 -نسبة التوفير دي اد ايه 3 -دلوائتي في بعض مواضيع تقيم السيارات كان حد بيقول ان العربيه بعد 90كم بيزيد استهلاكها كونت عايز افهم ازا ي وهل الكلام دا صحيح وشكراptmnlo123per179

1-الأنجكشن اوفر
2-نسبه التوفير هاحسبهالك ب عربيه 1300 cc كاربيراتير و امامها عربيه 1600 cc انجكشن هايبقى استهلاك البنزين تقريبا واحد بمعنى ان الأنجكشن اوفر فى المواتير الكبيره و ده لأن الكاربيراتير بيبقى فيه فاقد بنزين
3- ايوه الكلام ده صحيح - السرعه المثاليه للسياره لتقليل استهلاك البنزين هى 80 او 90 كيلو متر فى الساعه ......................... ..........
بالنسبه للشرح بخصوص الأنجكشن :-
ما هو الإنجكشن؟

الإنجيكشن هو تطور الكاربيراتير و هو أفضل من حيث الآداء و توفير البنزين, طريقة عمله سهله جدا, كلنا نعلم طبعا أن الموتور بيحرق خليط هوا و بنزين, فعند الضغط على دواسه البنزين تقوم وحدة التحكم في الموتور (ECU) او الكنترول بحساب كميه الهوا إلي دخل و من ثم حساب نسبه الهوا للبنزين Air to fuel ratio و على أساسها الكنترول يعطي أمر للرشاشات ترش نسبه معينه من البنزين على كل صباب, علشان لو النسبه مش مظبوطه العربيه حتسقف (كأنك مديها غيار بدري). إلي بيعرف الكنترول أد ايه نسبه هوا دخلت هو حساس الهوا Mass Air Flow Sensorإلي بيكون موجود قبل العمه بتاعه المانيفولد أو المانافول بلغه السوق. و حساس الأكسجين إلي بيكون موجود بعد المانافول بتاع العادم بعد المشترك ده بيقيس نسبه الكربون في العادم و بيبعتها للكنترول علشان يظبط النسبه.

إحنا جبنا سيره الرشاشات, طيب ايه هي الرشاشات؟ الرشاشات دي ببساطه هي إلي بترش البنزين على صباب السحب إلي هو بيدخل خليط الهوا و البنزين للموتور.

كيف تعمل الرشاشات و تكوينها كالأتى:-

1. فتحة دخول البنزين
2. كهرومغناطيس
3. فتحة خروج البنزين
4. سوسته فتح و غلق البستم
5. مصدر كهرباء
6. بستم

أول ما الرشاش ياخد أمر من الكنترول انه يرش بنزين, مصدر الكهرباء يبعت كهرباء للكهرومغناطيس فيشد البستم للخلف, فبيسمح للبنزين بالمرور في فتره ما البستم مفتوح و بعد ما تكون كميه البنزين المطلوبه دخلت, بيقطع المصدر الكهربائي الكهرباء عن الكهرومغناطيس فبيخلي البستم يقفل تاني و بيعطل مرور اي كميه بنزين إضافية.

يقوم الرشاش برش البنزين على شكل ذرات و ذلك لجعل عملية حرق البنزين تتم بصوره أفضل و أسهل.

مميزاته: يمتاز الحقن الإلكتروني (الإنجكشن) بتوفير استهلاكه للبنزين حيث انه يقوم برش الكميه المطلوبه فقط من البنزين و بنسب معينه تم حسابها مسبقا بناء على بعض العوامل الرياضيه التي تحدد نسبه الهواء للبنزين في وحده تحكم المحرك (ECU). و تمتاز أيضا محركات الحقن بصوتها الأهدى من مثيلاتها الكاربيراتير. الحقن أيضا اسرع إستجابه من الكاربيراتير, و لا يجعل السياره تشرق, لماذا؟ لأن كما قلت يقوم برش النسبه المطلوبه من البنزين و أيضا لأن الرشاشات لن تعمل و السياره مغلقة عكس الكاربيراتير فبمجرد الضغط على دواسه البنزين فهو يرش البنزين غير عابىء بالكمية قليله ام كثيره.

عيوبه: تكلفة إنتاجه تكون مرتفعه عن إنتاج الكاربيراتير, فبالتالي تصبح السياره أعلى من نظيراتها الكربيراتير, أيضا صيانته تحتاج دقه و مهارة عاليه لا تؤهل الميكانيكيين باللعب فيه, فالكشف على الرشاشات يكون عن طريق الكمبيوتر. و غالبا ما تنسد الرشاشات بسبب وجود الشوائب الكثيره في البنزين عامة و المصري خاصة لذا ينصح بتغير فلتر البنزين كل فترة, 5000 كم كحد أدنى و 10,000 كم كحد أقصى للحفاظ على الرشاشات نظيفة.



الكاربيراتير

يعمل الكاربيراتير على خلط الوقود (البنزين) بالهواء بنسبة منتظمة داخل المحرك ، ويقوم بقياس وتحديد وتوزيع وانتشار الوقود على شكل قطرات رزاز دقيقة الحجم .

ويتكون المغذى (الكاربيراتير) من غرفة للوقود وعوامة ذات صمام إبري (ابره العوامة) وأنبوب وصمام اختناق وفوهة رئيسية وبيك رئيسي.

يسمح الأنبوب لدخول تيار الهواء والمرور خلال مجمع السحب إلى الاسطوانات حيث يختلط الوقود بتيار الهواء أثناء مروره بالأنبوب .. تحدث الكباسات أثناء حركتها إلى أسفل في أشواط السحب ، خلخلة في غرف الاحتراق وبما أن صمامات السحب تكون مفتوحة أثناء أشواط السحب فإنه يحدث تخلخل ، أيضاً في مجمع السحب وبما أن الضغط عند مدخل المغذى هو ضغط جوى فإن اختلاف الضغط يدفع الهواء خلال الأنبوب ليشغل الفراغ الحادث ، وبناء على ذلك يوجد تيار هواء مستمر أثناء تشغيل المحرك.

تتصل غرفة الوقود عن طريق مجارى داخل المغذى بالفوهة الموجودة باختناق أنبوبة الفنتورى .. تتحكم العوامة والصمام الابرى في مستوى وقود البنزين في غرفة العوامة . تتحرك العوامة إلى أسفل وأعلى عن طريق الرافعة المفصلية .. فعند استعمال الوقود تنخفض العوامة فيسمح الصمام الابرى بمرور الوقود من الرداخ إلى الغرفة ، وعند ارتفاع سطح الوقود إلى حد معين تغلق العوامة الصمام الابرى وتمنع مرور الوقود.

توجد فتحة تهوية في سطح الغرفة تمنع تغير الضغط الجوى الداخلي أثناء تغير مستوى الوقود.

عند فتح صمام الاختناق (بوابة الكاربيراتير) ومرور تيار الهواء في اختناق أنبوب الفنتورى تزداد سرعته وبناء عليه ينخفض الأنبوب ، فان الضغط الجوى في غرفة العوامة يدفع الوقود خلال الفوهة الرئيسية إلى تيار الهواء المار بمنطقة الضغط المنخفض على شكل قطرات رزاز صغيرة الحجم .. يعمل انخفاض الضغط على تبخر الوقود .. ويشتمل المغذى على عدة منفثات ومضخة بعجل ليناسب السرعات والفتحات المختلفة لصمام الاختناق.

[thesniperman]

تسلم يا باشا و الف شكر بصراحه 100/100
بس انا كونت عايز اعرف برضوا ليه : ايوه الكلام ده صحيح - السرعه المثاليه للسياره لتقليل استهلاك البنزين هى 80 او 90 كيلو متر فى الساعه

[POP EL GAMED]

السرعه المثاليه(اقل معدل استهلاك وقود)
هى على 90 كم
الكلام ده عن كذا مانيوال
وعن تجربه فى 3 عربيات
1-اكيد عربيتى(رينو 19)كاربيراتير
2-عربيه انتيمى(لانوس1)انجيكشن
3-عربيه واحد قريبى (نوبيرا2)انجيكشن برضه
والكلام ده مكتوب فى المانيوال بتاع عربيتى وانا على استعداد انى ارفعلك الصفحه اللى بتعرفك معدلات استهلاك الوقود
يعنى انا عندى مكتوب ان اقل استهلاك وقود بيبقى على سرعه 90
ولو زودت السرعه ل120 الاستهلاك هيزيد بنسبه 30%
انا عن نفسى جربتها هى مش 30% اوى بس ممكن اقول عن نفسى انها 25%
عشان كده بيقولك ان السرعه ليها تمن(طبعا غير التمن الكبير اللى هو الحوادث لا قدر الله)
اى استفسارات تانى يا باشا؟؟

[AbOnOrA]

شريف المصرى قال كل حاجة بصراحة

بس انا هضيف حاجة بسيطة

الانجكشن
موفر فى استهلاك الوقود
اقل احتياجاً للصيانة الدورية والمتابعة
يمكن صيانتة كميائياً (بالمواد المنظفة للرشاشات ) وتعطى نتائج جيدة
مكلف فى قطغ غيارة
يحتاج مهارات فنية ومعدات اكثر تعقيدا من الكاربراتير

الكاربراتير
اكثر استهلاكا للوقود
اكثر احتياجات للصيانة الدورية والضبط والمتابعة
يمكن صيانتة كميائيا بس منظفات الكربراتير مش بتدى نفس النتجية
ارخص فى صيانتة وقطع غيارة
لايحتاج لمهارات عالية فى صيانتة او معدات متطورة

اما بخصوص استهلاك الوقود على سرعة 90 فده معناه ان على السرعة ديه على الغيار ده (الخامس او الاوفر دريف) الموتور بيطلع اقصى قوة فى مقابل استهلاك الوقود ولو زودت بيصرف بينزين اكتر بكتير من السرعة والوقوه المستخرجة

لاكن عامة السرعة اللى انت ماشى عليها مش هيا المقياس الاوحد لتحديد استهلاك الوقود فيه حاجات كتير
اهمها اسلوب القيادة وامتى بتنقل من غيار لغيار وايرودينماكية العربية وحالة الكوتش واتجاه الهواء وووووو حاجات كتير جدا

بس الخلاصة ان اغلب المحركات تقدر تديك افضل خرج فى مقابل استهلاك الوقود على السرعة 90 وده لان معدل مقاومة الهواء بعد 90 بيبقى الضعف تقريبا