حساسات(خبراء البولو)

[chingy]

يا ريت يا شباب لو حد يقدر يعرف مكونات ماتور البولو 2001 1000سيسي ويعني ايه الماتور علي كارتة واهميتها ووظيفتها وهل يوجد حساسات في الماتور دا ولا لا

[AbOnOrA]

اولاً يا استاذ شنجى البولو 2001 ال 1000 سى سى ليها اربع محركات باربع اكواد مختلفة فلازم تحديد كود المحرك بالاضافة للموديل والسنة اذا كنت عايز معلومات دقيقة وتفصيلية

لكن عامة معنى ان الموتور على كارتة وحساسات هو ان المحرك مدار الكترونيا بمعنى ان وظائف المحرك الاساسية يتحكم فيها نظام الكترونى كهربى يدار بواسطة حساسات (تعمل كوسائل لادخال المعلومات) تعطى مدخلات لوحدة ادارة المحرك ECU (التى تعمل كوحدة معالجة مركزية لكمبيوتر ادارة المحرك) بل وقد تقوم بالتحكم والتوفيق بين عمل المحرك وباقى الاجزاء فى منظومات السيارات الحديثة كانظمة ال ABS وال SRS الخ الخ

الهدف من النظم ديه بقدر تعقيدها وصعوبة صيانتها هو اخراج افضل ما يمكن من طاقة من المحرك باقل كمية من الوقود واقل كمية من الانبعاثات بما يجعلها مطابقة لمعايير استهلاك الطاقة ومعايير الحفاظ على البيئة فضلاً عن سلاسة الاداء مقارنة بالمحركات الغير مدارة الكترونيا

اما عن البولو 2001 تحديداً فانا مقدرش انهى محرك تحديداً هو الشائع فى مصر لكن عامة محركاتها فيها نظم متكاملة لادارة المحرك بداية من ادارة الاشعال وتغذية الوقود ااستهلاكة وقياس الانبعاثات الى التحكم فى الوسائد الهوائية وقياس سرعة العربية

وديه اهم المكونات فى نظام إدارة المحرك مع اسمائها واختصارتها

TPs
throttle position sensor
ctp
closed throttle position switch
map
manifold absolute pressure sensor
IAT
intake air temperature sensor
ISC
idle speed control actuator
ECT
Engine coolant temperature sensor
CKP
Crankshaft position sensor
KS
knock sensor
Ho2s
heated oxygen sensor
oxygen sensor heater
VSS
vichle speed sensor

وهى جميعاً كما سبق واشرت تعطى قراءات لوحدة التحكم فى المحرك ECU لتقوم بتنظيم اداء المحرك والسيارة عموماً واختبار هذه المكونات يستلزم استخدام اجهزة الاختبار Scanning and diagnostic tools المناسبة مع توفر البيانات الاساسية (المرجعية) لتحليل هذه القراءات واختبار المكونات لمعرفة مكامن الخلل

وطبعاً ده بيخرج العربيات ديه من اطار فزلكة وفهلوه الصنايعية التقليديين ويضع صاحب السيارة خاصة لو كانت مستعملة رهينة تحت قبضة التوكيل لانه الوحيد اللى فاهم ان الموضوع ادارة نظم معلومات مش ميكانيكا بس

بس الحمد لله بقى فيه فى مصر مراكز صيانة كتير متطورة خارج الوكيل وبقى فيه مهندسين وفنيين اكفاء فى اصلاح مشاكل المحركات المدارة الكترونياً لكن مازالت تكلفة صيانة العربيات ديه بالاضافة الى توفر قطع الغيار مشكلة تجعل منها رعباً ازلياً يطارد كل من يفكر فى امتلاك هذه السيارات

والحل دائما بحساب الموضوع اقتصادياً بالشكل الصحيح مع التدقيق ثم التدقيق فى اختيار السيارة المناسبة (فى حالة المستعمل) وذلك بالكشف على السيارة فى مركز متخصص وبواسطة الاجهزة المتخصصة قبل الشراء للتأكد من خلوها من اى مشاكل فى منظومة إدارة المحرك قبل الشراء

وعامة العربيات الإلمانية اعتماديتها عالية حتى مع تعقيد تقنياتها بالاضافة الى اعمار قطع الغيار الطويلة وديه برضو من الحاجات اللى بتشجع على اقتناء الشريحة ديه من العربيات

اتمنى انى اكون افدتك بقدر استطاعتى

[chingy]

شكرا يا باشا ومنكم نستفيد

[الطيرالمسافر]

هام جدا للصيا نة

[mostafa ismail]

شكرا