العودة   مصر موتورز مجتمع السيارات > السيارات الكورية والماليزية > Hyundai هيونداى

Hyundai هيونداى Hyundai General Discussion Forum هيونداى من انجح الشركات الكورية وازاد نجاحها وانتشارها بعد ان ضمت اليها شركة كيا الكورية ايضاً من اهم موديلاتها ( اكسيل - فيرنا - اكسنت - ماتريكس - النترا - سوناتا - جينسيس )


إضافة رد
 
أدوات الموضوع
  #1  
قديم 23-07-2008, 11:02 PM
الصورة الرمزية Ahmed Anwer
Ahmed Anwer Ahmed Anwer غير متواجد حالياً
التخصص العملى: Interior designer
هواياتي: Arts
 
تاريخ التسجيل: May 2008
الموقع: Cairo
المشاركات: 2,730
Ahmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond repute
افتراضي هل ستغيب شمس غبور ؟؟

عنوان الموضوع قد يبدوا غريبا ،،

بعض الشئ ،،

فكرة الموضوع جاتلي نتيجة لحواري مع مهندس صديق يعمل لدي غبور

صديقي كان بيقولي ان غبور بيجيب لورا ،،

و بيتخذ قرارات عشوائية ،،

و الشركة مليئة بالمشاكل

و غبور يرفض الإعتراف انه بيفشل بدون عمرو الإسكندراني

لمن لا يعرفه عمرو الإسكندراني كان هوا الشركة

و هوا من صنع اسطورة هيونداي في السوق المصري

لو تفتكروا من اربع سنين كده

كانت هيونداي يدوب الاكسنت القديمة

مرة واحدة البلد بقت كلها هيونداي

و هيونداي دخلت في فئات مكنتش بتذكر فيها

و شوفنا الماتريكس و الالنترا و الفيرنا و الجيتز و الأتوس

بفضل الفكر العبقري لعمرو الإسكندراني

في الوقت ده كان اذكي واحد في السوق و اول واحد استفاد بقرار تخفيض الجمارك عن السيارات 1600 و شفط السوق

و هوب البلد كلها بقت هيونداي

حاليا ، صديقي بيقولي ان الشركة مبقاش فيها الكوادر اللي علي نفس مستوي عمرو الاسكندراني

طيب ايه اللي اتغير ؟؟؟

قرارات غريبة اخدها غبور بالتأكيد هتسحب البساط من تحت رجله

1- رفع اسعار عربياته الفيرنا وصلت 73 الف ، الماتريكس الجديدة هتعدي المائة الف ، الإلنترا اصبحت تبتدي بمائة الف ،، حتي الآي 10 اصبحت اغلي من البيكانتو بدون مبرر


طبعا لكم ان تتخيلوا تأثير هذا القرار علي ماركة معروفة عالميا بانها تقدم سعر مناسب ،،،

قولت لصاحبي ، عادي يعني ما كل العربيات غليت ،، جت عليه

فاللي زمان كان غبور Market Leader و هوا اللي كان بيتحكم في السوق و يجبر الآخريين يخفضوا اسعارهم

دلوقتي بقه ماشي ورا السوق

2- رفع اسعار قطع الغيار ،،

و لا تعليق طبعا علي تأثير نقطة زي دي ،،

3- رفع اسعار الصيانة الدورية ،،


لا تعليق ،،

خصوصا ان المعروف ان نقطة جاذبية هيونداي - غبور هيا رخص تكلفة الإقتناء

أنا ليا صديق يملك اكسنت قديمة موديل 2000 ، حتي الآن بيعمل الصيانة في التوكيل ،،


4- حتي عروضه الذكية المدروسة اصبحت عشوائية

زي حملة صيانة عليك و صيانة علينا

باعتبار الزبون عبيط و مش هياخد باله انه بيدفع اكتر

5- مشاكل خدمة ما بعد البيع ،،

لا داعي لتكرارها ،، يكفي ان تزور مركز صيانة ابو رواش و تشوف السويقة اللي هناك و زباين بتتخانق و زباين عربياتها بتتأخر بدون داعي ووووووو


6- أهم نقطة المبيعااااااااااااات ،،،

مبيعاته مقلتشي ماشي ،،،،

لكن حصته من السوق قلت من 31% ل 19% !!!!!!!!!!!!!!!!


طبعا انا يمكن من المحبين لهيونداي و باحترم غبور كواحد كان بيقدم خدمة ممتازة في صورة منتج جيد بسعر معقول جدا ،


بس كل الحقائق دي ،، تدعو للتفكير ،،،


و هيسيب الساحة خالية و مفيش حد قادر علي ملأها بنفس الذكاء و بنفس القوة و الحجم


و العميل هبفقد خدمة معقولة كانت بتتقدمله

انا مبقولشي انها هتسيب مركزها الأول دلوقتي بسهولة ،،،

لأنه عنده عوامل تؤهله للبقاء في المركز ده لفترة اخري

زي شبكة موزعين مفيش قدها ،، اسم اصبح هناك بعض الإرتباط بيه ، امكايات و حجم مفيش حد قريب منه ،،

و بس كده

لكن التاريخ ده هيفضل مكفيه لحد امتي ؟؟؟ خصوصا مع هذا التخبط الإداري

و ايه البدائل ؟؟؟؟

اول ما يخطر علي البال ،،،

محمد نصير بشقيقة هيونداي ،، كيا ،،،

محمد نصير تاريخه معروف تاجر فقط ،،

يعمل الشركة و يوقفها علي رجلها و يبيعها

باع كوكاكولا ، باع كليك لفودافون ، حتي الكان شركته الأساسية باعها ،،

و ده اللي اتوقعه بعد ماتخانق علي توكيل كيا كام سنة هيبعيها و يكسب كام مليون بعد ما يعملها اسم شوية

و ده واضح حتي في بخله في تنزيل موديلات جديدة


التوكيلات الخليجية ، الفطيم - عبد اللطيف الجميل - اوماترا ،،،، و غيرهم


متوقعلهمشي نجاح باهر هما بيبعوا علي اسم شركاتهم الأم بس ،،

معندهمش فهم لعقلية العميل المصري و احتياجاته و من الآخر مفيش شركة في مصر بتنجح و اصحابها مش فيها --- رأي شخصي


منصور مش قادر ابني رأي محدد عنه ،،

و لكن شيفروليه الكورية و اوبل الألمانية - مالهمشي جاذبية مش عارف ليه في ذهن المستهلك المصري كلا في فئته

بصراحة شايف الساحة مفتوحة للاتنين دول ،،

لأبو الفتوح ،،،

بشركة ام تنمو بسرعة الصاروخ ( شيري ) حتي لو صينية و اسعار سيارات و تنوع

مفيش كلام عليها


و تويوتا ايجبت ،،

توكيل ذكي ، جرئ ، متابع و مهتم بالسوق المصري صح


و علامة تجارية مفيش بعدها


غير كده مش سايف حد تاني عنده القدرة علي ملأ الفراغ المتوقع ،،


بانتظار ارائكم و تعليقاتكم ،،،
__________________

رد مع اقتباس
  #2  
قديم 24-07-2008, 09:03 PM
الصورة الرمزية Ahmed Anwer
Ahmed Anwer Ahmed Anwer غير متواجد حالياً
التخصص العملى: Interior designer
هواياتي: Arts
 
تاريخ التسجيل: May 2008
الموقع: Cairo
المشاركات: 2,730
Ahmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond repute
رد: هل ستغيب شمس غبور ؟؟


أيه ده يا جماعة ،،

أنا أقعد اكتب ساعة في الموضوع و مفيش و لا رد ptmnlo123per146

ptmnlo123per1101

طب حد يرد عليا ،، ptmnlo123per169

إن شاء الله يقولي

أيه الكلام اللي مش علي بعضه اللي انتا كاتبه ده

ptmnlo123per113ptmnlo123p er145
__________________

رد مع اقتباس
  #3  
قديم 24-07-2008, 10:28 PM
sh_masry sh_masry غير متواجد حالياً
 
تاريخ التسجيل: May 2008
المشاركات: 576
sh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond reputesh_masry has a reputation beyond repute
افتراضي رد: هل ستغيب شمس غبور ؟؟

يا احمد باشا .... اصل الكلام اللى انت كاتبه ده مالوش الى نوع من انواع الردود ....ليه بقى ؟؟؟

لأنه كلام مبنى على اساس واقعى و تحليل ممتاز ....... بس هل فيه حاجه فى مصر بتمشى على اساس واقعى او اى نوع من انواع التحاليل ؟؟؟ (ما عدا طبعا تحاليلى يامه هههههههه)

ردى على الموضوع ده : انا اريد و انت تريد و الله يفعل ما يريد

عموما و بلا شك عمرو الأسكندرانى ترك فراغ كبير فى موقعه بالنسبه لهيونداى و لكن هيونداى الأن لها عميلها اللى لا يزال هيبيع عربيته الهيونداى علشان يشترى برده عربيه هيونداى لأنها و فى رأيي الشخصى من العربيات المحترمه و المتميزه التى فى متناول من يريد شراء سياره محترمه بسعر معقول بالنسبه لسوق السيارات فى مصر.
رد مع اقتباس
  #4  
قديم 24-07-2008, 10:53 PM
TAREK ZIAD TAREK ZIAD غير متواجد حالياً
من انا؟: م/طارق زياد
التخصص العملى: مهندس معمارى
 
تاريخ التسجيل: Jun 2008
الموقع: القاهرة
المشاركات: 115
TAREK ZIAD is a jewel in the roughTAREK ZIAD is a jewel in the roughTAREK ZIAD is a jewel in the rough
افتراضي رد: هل ستغيب شمس غبور ؟؟

تحليل ممتاز فعلا .... وهو مش لغبور فقط .... دة للأسف ينطبق على كل التوكيلات ... فعلا ما فيش حد عنده فكر ممتد أو يبنى للمستقبل... كله بيبص تحت رجليه ... عاوز يخطف و يجرى .... ولو حد عمل شئ مميز ... يكسل يطوره ...و بعد شوية ينطفى .... نفسنا قصير جدااااااااااا ... بس المكاشفات دى ممكن تفيد كتير غبور و غيره لو تابع و عرف نقاط الضعف ... لأن أكيد خسارة مؤسسات كبيرة فى البلد هى خسارة للجميع ...
أتمنى إنه يقراء كلامك دة و يعمل على تطوير سياسة أكثر جدية للمستقبل......
على فكرة يا جماعة ... سياسة إخطف و إجرى دى للأسف منتشرة فى كل دول العالم الثالث ... المتخلف ....
__________________

تحياتى
م/ طارق زياد
SPERANZA A620
رد مع اقتباس
  #5  
قديم 24-07-2008, 11:21 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: هل ستغيب شمس غبور ؟؟

اممممممممم انا شوفت الموضوع بس برده محسيتش انه موضوع للمناقشة لان زى ما قال شريف انت قدمت تحليل منطقى بحت لكيان غبور فى السوق بمنطق عقلانى بس زى ما قال شريف برضو مش كل اللى بالعقل يمشى والامثلة كتيرة خااااااااصة فى سوق السيارات

من ناحية تانية انا معاك ان عمرو الاسكندرانى كان هو مبيعات الشركة وفارس السوق وصاحب رؤية وكل حاجة حلوة بس مش هو الشركة لان الشركة حاجات كتيييييير اوى واكترها موجود فعلا فى كيان غبور

عنده البراند والبراند خد ثقة وبيكبر
عنده مصانع واعتقد اكبر طاقة انتاجية
كون ان عنده شبكة موزعين فده مش مقياس لان المعارض ملهاش ولاء لحاجة غير اللى بيتباع
عنده استراتيجيات السوق علاقات ونفوذ وكل حاجة
عندة اعتمادات وتوكيلات وبنوك وراس مال وبنية تحتية تخليه يعمل او ياخد اى توكيل جديد

ولو حسبناها بالارقام هتلاقى ان كل الشركات حصتها فى السوق لازم تقل حتى ولو حجم مبيعاتها بيزيد وده لان حجم السوق ككل بيكبر لما نكون 8 بناكل من فطيرة حجم وسط مش زى ما نكون 20 بناكل من فطيرة حجم عائلى ان جاز التشبية

فالرقم الاهم هو حجم المبيعات وصافى المبيعات ودول فى الطالع ماشاء الله
يبقى ميكسبش ليه
وبعدين غبور لسه عنده كارت الصينى ملعبش بيه ولازم هيلعب بيه وهيعوض اللى فقده فى نسبة الاستحواز على السوق بتنوع ماركات ولو فيه حوافز استثمار هيجمع هنا اكتر وبنسب اكبر والاسعار هتبقى تنافسيه اكتر وهيسيطر على السوق اكتر وحاجات كتير هتتغير

الخلاصة اللعبة مش هتختلف كتير بعد رحيل عمرو لان مفيش كيان كبير زى غبور او غيرة هيقف على واحد مشى او حتى مات اللعبة هنا لعبة الاسهل والاربح وطول ما مفيش حوافز استثمار حقيقية + مستهلك زكى اى معادلة منطقية هتبقى كلام خيالى
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
إضافة رد

الكلمات الدليلية
غبور, هيونداى, هيونداى غبور

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:58 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017