ضغط هواء العجل على 28 أم 33؟

[أشرف الشفقى]

على حسب ما سمعت إن ضبط ضغط هواء العجل بيكون 28 فى الصيف باين و30 تقريباً على حسب ما أنا فاكر فى الشتا (ولا العكس؟). المهم، فى الكتالوج بتاع ال آى 10 بقه قالين التالى:

لو الحمولة عادية (يعنى لحاد 3 راكب زى ما همه كاتبين) يبأه تظبط ضغط هواء العجل على 33 للأمامى و33 للخلفى.

أما فى حالة الحمولة العالية (يعنى أكتر من 3 راكب) فتظبط ضغط هواء العجل على 35 للعجل الأمامى و35 للعجل الخلفى.

فأنا ما كدبتش خبر، ورحت ضبط ضغط هواء العجل على 33 psi على حسب ما الكتالوج بتاع ال أى 10 قايل. بس سؤالى، هل الكتالوج كلامه صح ولا كلامه ده للدول التانيه مش مصر المحروسه إلى جوها حر حبه؟

وليه الناس بتقول نظبطها على 27 بس، ولا ده كان زمان فى عربيات تانيه غير ال أى 10 ولا إيه الحكايه. يا ريت أهل الخبره فى الموضوع ده يدلونى لإن كاتبين فى الكتالوج إن الهواء الناقص بيسخن العجل ومش حيييييلو على شانك. (ضغط الهواء الزائد شرحه.)

[limpbizkid]

السلام عليكم
انا مش متأكد بس بيتهيألي انك عملت الصح و انا شخصيا في عربيتي سمعت كلام الكتالوج بردو

[hazem_khidr]

مش لازم نسمع كلام الكتالوج بحذافيره و نلخبط نفسنا بحاجه مالهاش لازمه
لان واحد قبل كده كان برضه دقيق جدا في الحاجات دي و زود مره الهوا
و نسي يضبط الكاوتش بعد كده راحت فرده ضربت منه و العربيه اتقلبت و راحت كلها!!!
انا عن نفسي في الصيف بضبطه علي 28 و الشتا علي 30 في اي عربيه بركبها
لو زادت لحد 32 مافيش مشكله بس انا بعمل حساب ان ممكن يكون العداد مش مضبوط
و بيقرأ غلط علشان كده بحاول اقلل من الضغط شويه بس مش كتير للدرجه.

[limpbizkid]

المشاركة الأصلية كتبت بواسطة hazem_khidr مش لازم نسمع كلام الكتالوج بحذافيره و نلخبط نفسنا بحاجه مالهاش لازمه لان واحد قبل كده كان برضه دقيق جدا في الحاجات دي و زود مره الهوا و نسي يضبط الكاوتش بعد كده راحت فرده ضربت منه و العربيه اتقلبت و راحت كلها!!! انا عن نفسي في الصيف بضبطه علي 28 و الشتا علي 30 في اي عربيه بركبها لو زادت لحد 32 مافيش مشكله بس انا بعمل حساب ان ممكن يكون العداد مش مضبوط و بيقرأ غلط علشان كده بحاول اقلل من الضغط شويه بس مش كتير للدرجه.

""كلام منطقي بردو يا استاذ حازم شكرا للمعلومة ""