تجربتى الفاشله مع مركز الحمد الفاشل بصقر قريش

[oneway]

تجربتى الفاشله مع مركز الحمد..بصقر قريش المعادى
اولا : هوه مش مركز زى ماكنت متخيل..هوه اقل من تقول عليه ورشة صغيره
اصحابه واحد اسمه محمد رشاد والتانى محمد فريد..واحد كهرباءى وواحد ميكانيكى...غير متواجدين بالمكان بصفة مستمرة..تاركين الورشة لشوية صنايعية على قدهم..وكل واحد شغال وفى ايده كوباية شاى وسيجارة..يخلص الشى يعمل غير..ويبقى الصنايعى شغال فى عربيه وتيجى عربيه غيره يسب اللى فى ايده ويروح يبص على التانيه...ويفك الاجزاء ويرميها ع الارض.ولما يجى يركبها يدور عليها ...قمة الاهمال والتسيب..وتلقيهم طول اليوم هرج ومرج..واصغر صبى تلاقيه بيهزر مع صاحب المكان
المهم روحت عشان اركب جلبة مقص بس..اكشف على العربيه اشوفها محتاجه ايه تانى..المسؤول اللى كان موجود قالى لازم تستنى محمد رشاد ده اللى هيقدر يبصولك ع العربيه ويقولك محتاجه ايه بالظبط...فضلنا مستنين الباشا من الساعة 4 الى الساعة 6 ولسه ماجاش...راح واحد من الصنايعيه جرب العربيه يدوب قدام الورشه مسافى 10 متر ورجع قولتله محتاجه ايه..قالى هاتزعل قولتله ياعم قول..قالى على حاجات كتير جدا..وانا عشان مش فهم حاجه قولتله ماشى..هاتتكلف كام .حسبها طلهت التكلفة 680 قولتله ماشى..بدا يشتغل فيها وانا عشام ماكنتش عاكل حسابى روحت جبت فلوس ورجتله على بعد المغرب..روحت لقيتهم فكين العربيه..والباشا محمد رشاد كان شرف..قعدت اتكلم معايا شويه ..وسالته لو حبيت ا عمل اسبير للريموت يتكلف كلم قالى 550..وكان الباشا التانى محمد فريد قاقولتله بصيلى على الكهربا عندى النور العالى مش شغال..راح نص دقيقه وجه ..قالى الكشافين عايزين يتغيرو..تكلفة كام ياحج الفانوس بيبدأ من 200 الى 800..سكت ومعلقتش..اللى يغيظك اوى بقى الاتنين البشوات كل واحد ماسك التليفون وداخلين ع الفيس وسايبين الصبيان شغاله فى العربيه..ومش هاين عليهم يقموا يبصوا هموا بيعملوه ايه..فيس بوك وشاى وشيشه..وتخرب مالطه..كانوا عايزين يدبسونى فى طقم كاتينه قولتلهم بكره اجلكم..وفى نيتى ماروحش تانى عندهم طبعا...وهموا شغالين كسروا فلتر البنزين ونص البنزين نزل ع الارض..ودبسونى فى فلتر جديد....وبعد ماخلصوا شغل وصلت الفاتورة الى 1770 دفعت 1700 بع المناهده...مش المفروض بقى يجربه العربيه بعد الشغل ده لا طبعا..قالولى روح بقى اظبط زاويا..وعشان الوقت كام متاخر كنا دخلنا على 11 قولت الحق بتاع الزاويا...بتاع الزوايا قالى فى مساعد عايز يتغير وطبعا كانوا البشوات قفلو..خدت العربيه ومشين واقسم بالله مش حاسس باى تغير فى العربيه
وبعد اربع ايام بالظبط المشكله رجعت تانى وكانى معملتش اى حاجه..حسبى الله ونعمة الوكيل ومش مسامحهم فى الفلوس اللى خدوه
للاسف مش عارف انزل صورة الفاتورة هنا عشان كده هاكتبها
2 جلبة بلحة 100ج
2 جلبة معدلة 150
اصلاح علبة دريكسون 150
2 مسمار ان لانسر 170
كاوتش اينزينى ان 60
2 كوبلن خارجى تايوانى 350
كاوتشة كوبلن داخلى يمنى 35
1 شحم اسو 30
1 قاعدة جمل 115
1 قاعدة اماميه 85
1 كاوتشة افيز علبة دريكسون 35
كابس علبة دريكسون 30
خراطة مقاصات 40
زيت بور 35
زيت فتيس + فلتر بنزين 85
مصناعيات 300
اجمالى 1770

[حسام نوبيرا]

حسبى الله ونعم الوكيل فى اى حد مايرعيش ربنا فى شغله

[oneway]

انا بس قولت انقل تجربيتى هنا ..عشان الناس تاخد باله منهم ... ومتغلطش نفس غلطتى

[t&n]

اعتقد كان في عضو هنا قالك انه مركز محترم جدا جدا كمان
لما كنت بتسأل احمد مهران ولا المتحده
ايه رده بقي علي التقرير اللي طلبه

[oneway]

شكله لسه ماشافش التقرير