المساعدة لو سمحتم
السلام عليكم
ارجو المساعدة من الاخوة اعضاء هذا المنتدى العريق في اختيار سيارة بحدود مبلغ من 55000 الى 60000 جم وممكن ازود 5000 كمان علما بان هذا المبلغ سوف يتم اقتراضه من البنك يعني عايز حاجة مضمونه اوووووي عشان تعيش معايا و ما اقعدش جنبها ة اصرف عليها وخلاص وممكن ازود 5000 كمان
وذلك طبقا لاحتياجتي الاتية
1- اعادة بيع سريع جداااا "لو حبيت ابيعها ابيعها بسرعه جداااااا"
2- قطع غيار متوفرة
3- قليلة الاعطال
4- عربية تسافر و ما تعملهاش معايا على الطريق " سفر مطروح و بني سويف و اسكندرية والسخنة"
5- ثابتة على الطريق لان كما وضحت بسافر كتير اوي
وانا بقارن ما بين الاتي
1- لانسر كريستاله " مو 1997 الى 1999 " بس الصراحة خايف من قطع غيارها جدااااا
2- دايو نوبيرا " مو من 2001 الى 2008 " وبرضة خايف من اعطالها بتاعت العفشة و كمان ان انتاجها اتوقف ومش عارف قطع غيارها موجودة ولا لا قصدي يعني في الاماكن غير القاهرة والاسكندرية وكمان اعادة بيعها اسمع انه تقيل شويتين"
3- شيفرولية لانوس " ودي بقى خايف منها لان كل اللي ركبوها بيقولي بتعطل كتير بس فيه ناس بتشكر فيها جدااااا " محتار اوووي
4- هيونداي فيرنا مو 2006 الى 2010 " ودي بقى على حسب الميزانية بتاعتي بتبقى فاضية يعني ما فيها عداد rbm ولا ازا كهربا "
5- نيسان صني مو "2000 الى 2003 " واسمع انها بتاكل بنزين كتير "
6- تويوتا كرولا مو 1995 الى 1998 " ودي بقى ما فيهاش اي اوبشن "ازاز كهربا سنتر باور"
7- شيفرولية افيو " ودي نفس اللانوس ناس بتشكر و ناس طالع عينها فيها"
8- شيفرولية اوبترا " بس ما اعتقدش فيه منها حسب ميزانيتي وتكون حالتها كويسة ولا ايه رائيكم"
واشكركم شكرا جزيلا على المساعدة وارجو كل الرجاء من السادة الاعضاء مش عايز حيرة اكتر من اللي انا فيها يعني بعد اذنكم
التعديل الأخير تم بواسطة a7mdaly ; 31-07-2015 الساعة 09:14 PM
|
