عاوز رايكم فى فولكس جول 2001

[عاشق الفولكس]

السلام عليكم ورحمة الله وبركاتة

عجبنى جدا المنتدى دة واهلة الجامدين جدا وارائكم وتعليقاتكم ومواضيعكم الشيقة عن الفولكس

وانا ان شاء الله نويت اشترى عربية
وقدامى سيارة فولكس (جول) موديل 2001
عاملة حوالى 100000 كم
فابريكة جوة وبرة فيها حاجات بسيطة
مكييف باور كاسيت


فكنت عاوز اعرف رايك فى العربية دى بوجة عام (الجول) موديل 2001
اية رايكم فيها واية مميزاتها واية عيوبها بالظبط

تانى حاجة تعمل كام العربية دى يعمى فى حدود من كام لكام


وانا كلى امل من اهل المنتدى الكرام وعشاق الفولكس انهم يردوا عليا وبالتفصيل


منتظر ردكم وتعليقاتكم

[hazem_khidr]

الجول و البوينتر وجهان لعلمه واحده
فتلك السيارت تأتي من فولكس البرازيل و ليس لها اي انتشار يذكر
علاوزه علي اسعار قطع غيارها المبالغ فيها
من رأيي ابحث عن سياره اخري

[ahmed_kamel]

إبحث عن سياره أخرى
لأن قطع غيارها غاليه بشكل غير منطقي
لأن الإعتماديه لهذه السيارات متدنيه للغايه
لعدم جودة الخامات وخاصة البلاستيكيه بها .... مش عارف أقول إيه ... غير حاول مره أخرى في البحث عن سياره أكثر إعتماديه وإقتصاديه .... آسف لإحباطك لكن مفيش بد من الحقيقه قبل الفاس ماتقع في الراس

[عاشق الفولكس]

السلام عليكم ورحمة الله وبركاتة
اشكركم جدا على تعاونكم وردكم السريع عليا

الاخ الفاضل hazem_khidr
انا كنت سمعت ان الفولكس اى نوع فيها يعتبر كويس
وكنت سمعت ان (الجول) تقريبا زى (الجولف) وبعين واخدة نفس الشكل تقريبا
فقولت اسالكم واخد رايكم خصوصا انى بعتبرها كويسة
بس بردك مش هتسرع وهستنا اشوف باقى تعليقاتك المفيدة جدا
مع العلم انى اختارتها بالزات نظرا لقرب يعرها
وبعدين دى تقريبا اول عربية اشتريها فكنت يعنى هستخدمها شوية ولما ربنا يكرم اغيرها

[عاشق الفولكس]

الاخ الفاضل ahmed_kamel

لا ياسيدى مافيش احباط ولا حاجة والله وخصوصا انى قولت اخد رايكم لانى مش متسرع

بس انا سمعت من صاحبها ان قطع غيارها متوفرة ومش غالية اوى

فهل حضرتك متاكد انها غالية ولا اية ؟

وبعدين حضرتك تقترح اية بديل ليها فى نفس الرنج بردك

وشكرا على تعاونك يا باشا

ومنتظر ردك