فلتر هوا الفيرنا

[lost2008]

من حوالى شهر اشتريت فلتر هوا للفيرنا من شارع دمشق ب25 جنيه ماركة parts-mall و ركبته بنفسى, من كام يوم قريت اعلان لغبور عن تخفيضات قطع الغيار و كان منزل تمن الفلتر من 45 جنيه الى 28 جنيه,, بصراحه قلقت اكون جبت فلتر مضروب,, مع العلم ان اتاكدت ان ماركة parts-mall هى كورى و بتعمل فلاتر هوا للعربيات الكورى و اليابانى,, حد جربه قبل كده؟

[momo_13331]

يا باشا عاوز أقولك ان واحد صاحبى راح اشترى تيل فرامل ماتريكس من شارع دمشق المهم التيل موجود فى العلبة الأصلية اللى بتاخدها من التوكيل و عليها العلامة المائية الأصلية و كان فرق التمن أقل من التوكيل ب حوالى 100 جنية المهم ب 1500 كيلو صوت تصفيرة كل ما ييجى يحمل ع الفرامل يعنى التيل اتاكل ف بالسلامة
ف عاوز أقولك ان قطع الغيار دى بيبقى ملهاش علاقة ب العلبة الموجودة فيها

[lost2008]

ممم كده بدات اقلق,,, بس كون ان غبور يعمل تخفيض 70% على سعر الفلتر و بقه تمنه نفس تمن الفلتر الى اشتريته من شارع دمشق ده ممكن يكون دليل على المبالغه الشديده فى اسعار قطع الغيار عند غبور,,, انا غيرت زيت فى محطة شل و حطولى فلتر زيت ماركة هيونداى زى التوكيل و سعره ارخص 10 جنيه عن توكيل غبور ابورواش!!.

[AbOnOrA]

يا باشا متقلقش بارتس مول ديه بتعمل قطع غيار لكيا وهيونداى من زمان وكل قطع الغيار الشائعة بتبقى بالختم بتاعهم وعلشان تتطمن جيب واحد من التوكيل وقارنة باللى معاك
وبالمناسبة انصح كل اللى عنده صيانة دورية قريب يجيب قطع غيارها اثناء العرض ده اوفر وطبعا قطع الغيار كلها بالفواتير والضمان وتقدر تخليهم يركبوهالك فى الصيانات عادى

[lost2008]

شكرا على الرد يا باشا, و زى منت قلت حشترى واحد من غبور و اقارن, بجد مشكله ان الواحد يلاقى بتوع قطع غيار يكون عندهم امانهptmnlo123per195