سبير كار ..ميزه وعيب.... ياخساره

[semmsem]

امبارح كنت في سبير كار التجمع
كان معايا ابن عمى وبنت عمى علشان يركبو فرش لعربية بنت عمى الجديده بيجو 301
وطبعا من نصايح الاعضاء هنا اللي استفدت منها كتير رشحتلهم سبير كار ...وبالفعل روحنا واخترنا الفرش والدواسات ونزلنا العربيه الجراج وفكو الكراسي وحصل حاجتين
اولا . الصنايعيه هناك ماشاء الله ايديهم زي الفل فك وتركيب وكسوه وارضيه وشنطه زى الفل ...وهناك م محمد خالد في الفرش راجل محترم طلبت منه يفصلى حته للشنطه كده في الهربيه 301 حديد مالهاش غطا فبر زى معظم العربيات ..الراجل عملها ممتازه...وكان في حته متخيطه في الارضيه شكلها وحش الراجل دواها وخلاها زى الفل وانا بشكره قدام حضراتكم
ثانيا .
وللاسف موقف متشدد وغريب من شخص لم اكن اعرفه ولما سالت عليه عرفت انه ا محمد مصطفى وللاسف صاحب سبير كار على حد قول العمال...اللى حصل كلاتى
الراجل بيكلمنى بصوت عالى
لو سمحت يااستاذ هات مفتاح العربيه .
قولته ليه
قالى هوا النظام هنا كدا
اديته المفتاح
راح معلقه على خشبه كده فيها مسامير ومافيش جنبها ولا مفتاح مع العلم ان كان في حوالى 8 عربيات بتعمل شغل في الجراج
بنت عمى اللى هيا صاحبة العربيه خايفه تسيب المفتاح وعاوزه تاخده
الراجل سمعنا
راح متنرفز جدا
هوا النظام هنا كدا...لازم تسيبو المفتاح ... ياما تقفو جنب العربيه ....ويبرطم بكلام كتير من امثال هوا ايه ده ..هوا احنا هانعمل فيها ايه....الخ وبصوت عالى جدا
والله لولا ان العمال كانو فكو الكراسي ..كنا خدنا العربيه ومشينا
وبعد جدال مع الشخص ده اللىمتنرفز علينا من غير سبب قولناله هانقعد جنبها
رد بكل سؤ تعامل خلاص خليكو جنبها بقه و برطم تانى في الكلام
لغاية كده تمام
العمال اشتغلت والدنيا مشيت قعدت انا جنب العربيه وابن عمى وبنت عمى طلعو فوق...وبعد شويه نزلى ابن عمى علشان يقعد هوا جنب العربيه واطلع انا اريح فوق شويه
لقيت الراجل بيبصلي قوي وانا طالع وقالى هاتطلع تسيب المفتاح
قولتله ابن عمى هنا ومعاه المفتاح
قالى هوا فين وقعد يدور عليه ولما شافه قالى هوا ده وساله معاك المفتاح ابن عمى قاله اه وكاننا في قسم
فاقولتله معلش بنت عمى لسه جايبه العربيه زيرو وخايفه عليها
رد بطل بجاحه هوا النظام هنا كده
قولتله ادينى سايبلك استاذ دكتور في الجامعه اهو جنب العربيه
رد عليا وقالى ماحنا كمان متعلمين هوا احنا جاهله
قولتله ياعم مين قال انكم جهله بس
قالى يعنى انتو خايفين على العربيه هانسرقها ...والكلام بنفس الصوت العالى
قولتله ياعم انا ظابط ووالله مش خايف انه تتسرق هاجبها ..وبضحك عادى
يرد المدعو محمد مصطفى بكل بجاحه واسف في اللفظ وقاحه ويقول يعنى ايه ظابط هاتخوفنا وكررها 3 مرات باسلوب مستفز
تمالكت اعصابي بالعافيه وسكت
استكمل سيادته كلامه قائلا انت هنا زبون زبون وبس
ابن عمى شدنى ومسكت نفسي على الاخر وطلعت فوق ومانزلتش غير ع الاستلام

للأسف رجل غير مهذب وغير ..... ولن انزل لمستواه واغلط فيه بس حبيت اوضح بعض الحقائق امامكم ...وكان ذالك امام جميع العمال ...حتى ان العمال كانت بتيجي تواسينى وتقولى معلش هوا كده احنا قرفنا منه ..والله ده كلامهم

اسف على التطويل ولكن هذا ما حدث والله على ما اقول شهيد

[وائل احمد السيد]

السلام عليكم
كلة الا الادب والذوق
يغور سبير كار مش هتعامل معاة تانى طالما فية قلة ادب وذوق
فية محلات افضل منة فى كل شئ بكل مكان .
مستنيين الرد من سبير كار ...
تقبل تحياتى

[zing0]

لو كان الكلام ده فعلاً صدر منه بنفس الرواية دى
يبقى أكيد مالوش أى حق و الزبون دايماً معاه الحق , و لازم يتقدمله حرفية فى الصنعة و إحترام فى التعامل مقابل اللى هيدفعه. و إلا المحلات و مراكز الخدمة فى كل حته مش واقفه عليه.
منتظرين رد الأستاذ محمد مصطفى
و برضو هنقول قد يكون عليه ضغوط معينه أو فى مشكلة مخلياه متوتر و جات فيكم بس وجب عليه الإعتذار لإن الناس ملهاش ذنب.
الكلام ده كله لو كانت الرواية صحيحة, لإنها لازالت من طرف واحد و منتظرين رد الطرف الآخر

[nktis]

بصراحه مستغرب جدااا .!!!!؟. ده المفروض انه محل اكل عيش يعني الابتسامه متفارقش وشه و يتعامل بجنتله مع الزبائن حتي لو الزبون اللي عصبي ,,, و دايما بنقول الزبون علي حق ...

[demonarundo]

ما دام اتنرفز من كلمة " استاذ دكتور في الجامعه " يبقى *********************