سعر الفيرنا ؟؟؟

[dr_rose]

لو سمحتم كنت عايزه اعرف سعر الفيرنا فيفا هاف اوبشن كام دلوقتى بعد رمضان؟؟؟؟؟؟
وايه افضل مكان نجيبها منه بالتقسيط ؟؟

[oscar]

اولا سيبك من الفيفا دى خالص خليكى فى الفيرنا العادية
العربيه دى معايه بقالها فتره مالهاش حل وشكلها اجمل واقوى من الفيفا
واحسن حاجه تشتريها من غبور اللى فى طريق ابو رواش

[oscar]

اه نسيت اقولك التقسيط مع البنك العربى وبيبقى ليه مندوب قاعد فى غبور

[pro mada]

بصي حضرتك
الفيرنا 1600 سي سي تقفيل مصري ( دي الاكسنت موديل 2003 بس لسه بتتصنع لغايت دلوقتي )
الفيفا 1500 سي سي تقفيل هندي ( دي الاكسنت موديل 1999 بس لسه بتتصنع لغايه دلوقتي )
يبقي الفيرنا احدث من الفيفا من حيث التكنولوجيا و الشكل اما خامات الفيفا هي الافضل ( عشان تقفيل الهند انضف من تقفيل مصر )
فمن رايي تشتري الفيرنا ( لسه شاريها من التوكيل قبل الوقفه بيوم )
الاسعااااااااااااااااااار اللوووووووووووووووز هههههههههههههههه :
فيرنا هاف اوبشن 65000 جنيه
فيرنا فول اوبشن 68000 جنيه
فيفا هاف اوبشن 64000 جنيه
فيفا فول اوبشن 67000 جنيه
كلهم مانيوال علي فكره ( بلاش تشتري اوتوماتيك )
كلهم موديلات 2009 ( موديلات 2010 هتنزل قريب اوي بس هيبقيوا اغلي 2000 او 3000 جنيه تقريبا )
اما موضوع القسط ده هما هيفهموكي علي كل حاجه في التوكيل ( هيبقي التامين اجباري 3 % من تمن العربيه كل سنه )
و لاتنسي صلاه الاستخاره و شوفي اراء بقيه الاعضاء

[dr_rose]

شكرا جدااا لردود حضراتكم .....
بس انا كنت بقول اجيب فيفا هاف اوبشن علشان بس المقدم معايا مش هيكفى .... وتقريبا الفيفا هتبقى افضل من سوزوكى سيلاريو او كيا بيكانتو ولا ايه ؟؟؟؟ لان انا اساسا كان تفكيرى من الاول اجيب اما بيكانتو او سيلاريو ولما عرفت ان الفيفا قريبه اوى فى السعر منهم قلت يبقى كويس ..