يوميات الفحص والترخيص فى المرور العزيز

[momen_bondok]

بسم الله الرحمن الرحيم

هذا الموضوع لكل واحد مر بتجربة فحص واستخراج الرخصة ليكون مرجع لكل مرخص

الموضوع بدء معايا اول شهر 11 شعور بالقلق لان رخصة العربية هتنتهى يوم 13/11 وطبعا يوم المرور يعنى اجازة من العمل استمر هذا القلق الى هذا اليوم يوم 12/11 لما قررت اتوكل على الله واذهب لافحص واجدد الرخصة
ملاحظات (العربية فيات 128 مو89 مرور الدراسة )
توكلت على الله الساعة 9.30 ذاهبا الى مرور الداراسة وجاى ادخل وحدة الفحص قالو لي انها تم نقلها الى ميدان اسمه الحلبى ذهبت الية لابحث عن مكان الفحص وجدت انه يبعد عن المرور بحوالى كيلو ونصف تقريبا وجدت المهندس جالس فى وسط الميدان داخل جنينه وبجانبه كام واحد وشوية كراتين عرفت بعد كدة انها بتاعت الطفايات والمثلثات العاكسه
دخلت بقولة من فضلك عندى فحص النهاردة فقالي فين الورق اضظريت امشى لغاية المرور تانى علشان اشترى الورق المهم رفع بصمه الشاسيه والماتور فحص لي وقالي تاريخ صلاحيه الطفاية منتهى اشتريت وحده ومشانى بسرعة لارجع استكمل الاجراءات داخل وحدة المرور (مهندس الفحص شهادة لله راجل محترم)
اخذت ورق الفحص وذهبت للوحدة دفعت تأمين إجبارى والحمد لله مشيت من الشباك بسرعة طلعت علشان اجيب شهادة مخالفات بعد وقوف حوالى ساعة ونصف وجدت ان عليا مخالفه كبيرة نصفها كانت تبع المالك القديم المهم دفعتهم علشان اخلص لانى عارف هترسى على اية فى الاخر لو عملت تظلم ونقل للمالك القديم ثم اخذت شهادة المخالفات ونزلت بيها لادفع ضريبة ثلاث سنوات الموظفة كتبت لي مبلغ الضريبة وذهبت للخزنة لأجد موظف اسمه نبيل لن أقول فيه إلا حسبى الله ونعم الوكيل وعليه من الله ما يستحق كان وظيفتة تعذيب الناس وقفنى شوية محترمين جدا برغم انه كان استلم الفلوس بعد فترة ادانى الايصال اخذت الايصال وذهبت الى الموظفة مرة اخرى لاستكمال اجراءات الترخيص ثم انتظرت حوالى 20 دقيقة لاستلم الرخصة وكانت الساعة وقتها 1.45 تقريبا

المصاريف
1- ورق ترخيص 43 جنية
ويشمل (فحص فنى - فحص بيئة - 3 ورقات ضريبة - ورقة الطفاية - شوية دمغات)
2- طفاية حريق 150 جنية
3- تأمين إجبارى 264 جنية
4- مخالفات 760 جنية
5- ضريبة 3 سنوات 575.5
6- متفرقات 60 جنية
يعنى إجمالى المبلغ 1850 تقريبا

والحمد لله رب العالمين

[nktis]

الف الف مبروك يا شيخ مؤمن ,,, و يا استاذنا المرور كله كدا مهما يكونوا مريحين حتي ورق كتير و روح و تعالي و هات .......... الخ ...

[نبيل عبدالرحمن]

ما زلنا نعيش فى عصور التخلف والبيروقراطية ودول عربيه سبقتنا بكثير وأصبح موضوع الرخصة دى يخلص من شباك واحد وفى دقائق معدودة ، المهم يمكن على ماتيجى تجدد بعد 3 سنوات يكون الحال إتغير ، مبروك عليك الرخصة

[momen_bondok]

الله يبارك فيكم وفعلا اشعر ان الوضع لم يتغير بل بالعكس الامر إزداد سوءاً كفاية ان اقول لحضراتكم ان انا فحصت وجددت من ثلاث سنوات 12/11/2011 ووقتها جبت شهادة مخالفات كان لا يوجد شئ اجد النهاردة انهم جايبين مخالفات من 2009 و 2010 وطبعا تخص المالك القديم وادخل لوكيل النيابة واعمل اللى انت عايزة فى الاخر هتدفع يعنى هتدفع

[ahmed_eng2001]

الحمد لله ان حضرتك خلصت الترخيص على خير .... حضرتك متبهدلتش و لا ضيعت اكتر من يوم بتجرى ورا الفحص و الترخيص ... ربنا يعافينا