ارجوا الافادة ضرورى

[midoawwad]

انا معايا النترا 2010 مانويل وكنت عايز اغير الفتيس اتوماتيك لان العربية لسة جديدة عاملة 34000 كيلو فا اية رايكوا لو غيرتة اتوماتيك فى التوكيل فهل دا يبقى غلط على العربية او يخليها تفتح معايا فى المصاريف بعد كدة وهل يقلل من ثمن العربية بعد كدة والتكلفة ممكن تكون كام لما اغير فى التوكيل.ولا اشوف عربية مستعملة اتوماتيك احسن واشتريها ولا الى اعرفة احسن من الى معرفهوش . ارجو الافادة ضروري

[zing0]

الأوتوماتيك مشاكله أكتر من المانيوال مهما تطورت تكنولوجيا تصنيعه
صحيح هو أريح فى السواقه بس هتفقد معاه مميزات كتير منها:
- هيبهدل المكنه أسرع (على المدى) لأنه بينقل على RPM عالى مش زى المانيوال أنت إللى بتتحكم تنقل إمتى
- لو البطارية نامت هتنام جنب العربية لحد متاخد وصله من حد تانى, مفيش (زقه يا ولاد الحلال و تنقذ نفسك)
- زيوت الأوتوماتيك أغلى من المانيوال و محتاج فلتر يتنضف و يتغير كل فترة, ده غير إن صيانته غالية طبعاً
- و أخيراً : تعتقد عربيات السباقات ليه مانيوال لحد النهارده؟ (أحسن عزم / تسارع / سرعة قصوى)

دى وجهة نظر, و طبعاً أدام العربية فيه منها أوتوماتيك نفس الموديل, يبقى عادى تركب أتوماتيك مكان المانيوال لو حبيت و مفيش أى مشاكل

[mr_astra]

انا مختلف معاك يا اخ زينجو اسمحلى

- هيبهدل المكنه أسرع (على المدى) لأنه بينقل على RPM عالى مش زى المانيوال أنت إللى بتتحكم تنقل إمتى لا حضرتك انت اللى بتقدر تحدد النقلة تيجى على كام من قوة ضغط رجلك على الاكسلاتير يعنى لو دايس براحة النقلة هاتيجى على 2 ار بى ام اما لو دايس جامد ممكن توصل لغاية 5 ار بى ام هى اسلوب قيادة مش اكتر - لو البطارية نامت هتنام جنب العربية لحد متاخد وصله من حد تانى, مفيش (زقه يا ولاد الحلال و تنقذ نفسك) [COLOR="rgb(139, 0, 0)"]الموضوع دة صحيح فعلا لكن بالصيانة الدورية انت مش هاتتعرض للموقف دة نهائي كل حاجة وليها عمر افتراضى وبعدين مفيش بطارية بتموت مرة واحدة ....ليها مؤشرات قبل ما نوصل للحتة دى [/COLOR] - زيوت الأوتوماتيك أغلى من المانيوال و محتاج فلتر يتنضف و يتغير كل فترة, ده غير إن صيانته غالية طبعاً - و أخيراً : تعتقد عربيات السباقات ليه مانيوال لحد النهارده؟ (أحسن عزم / تسارع / سرعة قصوى)

[COLOR="rgb(139, 0, 0)"]كيلو او لتر زيت الاوتو بـ 35 جنية - لتر الزيت المانيوال ماركة موبل بـ 25 جنية اعتقد الفرق مش كبير
وعربيات السباق دى موضوع مختلف السباق الواحد لموتور واحد مش بيشتغل تانى لانة بينقل على 12 ار بى ام وحاجات زى كدة وشفتات المانيوال اسرع من الاوتو كمان طريقة التعشيق ريشة فى الطارة بجزء من الثانية[/COLOR]

[محمد اشرف]

المشاركة الأصلية كتبت بواسطة midoawwad انا معايا النترا 2010 مانويل وكنت عايز اغير الفتيس اتوماتيك لان العربية لسة جديدة عاملة 34000 كيلو فا اية رايكوا لو غيرتة اتوماتيك فى التوكيل فهل دا يبقى غلط على العربية او يخليها تفتح معايا فى المصاريف بعد كدة وهل يقلل من ثمن العربية بعد كدة والتكلفة ممكن تكون كام لما اغير فى التوكيل.ولا اشوف عربية مستعملة اتوماتيك احسن واشتريها ولا الى اعرفة احسن من الى معرفهوش . ارجو الافادة ضروري

الصراحه وحتى لو فى التوكيل بلاش لانه هيكون ملعوب فيها كده وتغير حجات فانا رأيي لو عاوز اتوماتيك بيعها وهات واحده تانيه اتوماتيك والفرق الى هتدفعه فى تركيب الاتوماتيك فى التوكيل ادفعه فرق فى سياره النترا اتوماتيك وده رأيي الشخصى

[zing0]

انا مختلف معاك يا اخ زينجو اسمحلى

يا باشا إحنا طول عمرنا بنتعلم, و كفايه إننا من تلاميذك

كان عندى مشكله صغيرة فى فتيس أتوماتيك هأبعتهالك عالخاص فى رساله,نرجو الإفادة برأيك لو تكرمت